أريد مساعدتكم

[غريب زمانه]

أسعد الله صباحكم / مسائكم بكل خير
الله يحفظكم يا شباب
أنا معي أكورد 2007 رمادي فل كامل مراتب مخمل ولها معي ثلاث سنوات ونصف
بغيت مركز يوجد لديه مراتب جلد ذو مواصفات ممتازه
وسعر معقول يكون بالرياض
فلا تبخلون علينا بخبراتكم الله يسعدكم

[King]

الغرابي فيه محلات كثيرة منافسة.

شوف هذا الرابط فيه محل ينجد المراتب والتكايات شغله كويس يعني يطلع سيارتك فل كامل, لكن التكلفة ماادري عنها.

http://www.hondaarabia.com/club/t39235/


وهذا وصف المحل
http://www.hondaarabia.com/club/post438303-12/

[غريب زمانه]

الله يعافيك
بأنتظار بقية الأعضاء

[عاشق سيييييفيك]

أخووي الغرابي شغلهم كووويس
وعندهم جلد ممتاز وانصحك تركب الماني.

[الشمــــالـــي]

مسآء النور ، هلابك يالغالي

انا سويت برمضان اللي فات على اكورد 2007
تلبيس البيبان والتكاية جلد امريكي مثل الفل كامل
والصراحة لقيته ينجد مراتب اكورد جلد تحلف انه وكاله
وكنت ناوي البس المراتب عنده ، بس كان وراي سفر
قلت ارجعله بعد الاجازة ، وبعدها نقلت المدينة وبعت السيارة :d
وهذي صورتين للتكايه والباب :d

كلفتني 170 ريال
وهذا توصيف للمحل اسمه ابراج دبي


وانت مع الشارع الرئيسي اللي بالغرابي
ابتل بإتجاه الأشارهـ اللي بعد محل الأقصى بعدين رح يمين راح يكون محل الأبداع على إيدك اليمين بعدين خش مع أول لفه يمين



ترا فيه فرعين
على نفس الشارع راح يجيك الفرع الأول على اليسار أتركه ورح للفرع الثاني بعده بـ200 متر على إيدك اليمين
فيه واحد هناك أسمه فيصل (يماني) أسئل عنه وتفاهم وياه.
وهذا رقمه 0561188248

واتمنى اني اكون افدتك
وبالتوفيق

[غريب زمانه]

يطولي في عمرك يالغالي
مريت المركز وحصلت فيصل وبلغني أن رقمه ضاع منه والقيمه الجلد 500 ريال ومع الأبواب 150 ريال المجموع 650ريال والجلد أمريكي
وأشكرك على أهتمامك
وإذا ما عليك أمر
صيانه 120 ألف وش المطلوب أغيره في المكينه بتفصيل إذا سمحت

[الشمــــالـــي]

مبروووك
وتقطعها بالعافية :d

بس اهم شي نبي تقرير عن التنجيد
عشان الشباب يستفيدون

وبالتوفيق