أرجو المساعدة

**Hammoudi** · 19-01-2011, 11:19 PM

السلام عليكم ورحمة الله وبركاته

طحت بحفره وانا رايح الفحص الدوري بس الحمد لله السياره نجحت بالفحص و المشكله يطلع صوت إذا عشقت السيارة d أو r >>> يعني إذا عشقت السيارةمع اول دعسه بس يطلع طق بعدين يروح الصوت

رحت حق كذا ورشه أول ورشه فك العكس وفي قطعه فكها من العكس وراح الصوت وبعدين يوم رجع نفس الصوت .... ورحت ورشه ثانيه يقول المشكله بالقير

وتركته المحل ورحت حق نفس المحل الأول اللي فك العكس وسوى تربيط لي السيارة والصوت راح .... ونفس الشي يوم ورجع الصوت ..... ورشه ثانيه يقول العكس الخارجي تعبان غيره

مدري من وشهو الصوت هذا كل ورشه أتألف لي قصه .... أتمنى اللي يعرف الحل يعطينا الحل

**المباشر** · 19-01-2011, 11:56 PM

وعليكم السلام ورحمة الله وبركاته

سؤال : الصوت يزيد عندك اول ماتحرك الموتر بعد ماتحمي وتسمعه واضح طب طب طبطب طب :d

**Hammoudi** · 20-01-2011, 12:05 AM

المشاركة الأصلية كتبت بواسطة المباشر

وعليكم السلام ورحمة الله وبركاته

سؤال : الصوت يزيد عندك اول ماتحرك الموتر بعد ماتحمي وتسمعه واضح طب طب طبطب طب :d

أولا أشكرك أنك شرفت الموضوع ... الصوت يطلع مع أول دعسه بزين إذا السياره على d أو r والصوت مزعج واضح ... أو في حركة الورشه يسويها إذا يبغى يشيك على السياره .... يحط السيارة على d ويحب الهند بريك ويدعس بنزين ويضغط بريك ويطلع طق طق طق

**Hammoudi** · 20-01-2011, 01:10 AM

وين الشباب :(

**احمد 182** · 20-01-2011, 04:01 AM

الحمد لله على السلامه هذا الصوت عادي حق الامان بس اتوقع انت يوم طحت بالحفره جلست توسوس:d

**Hammoudi** · 20-01-2011, 12:50 PM

المشاركة الأصلية كتبت بواسطة احمد 182

الحمد لله على السلامه هذا الصوت عادي حق الامان بس اتوقع انت يوم طحت بالحفره جلست توسوس:d

الله يسلمك .... بس الصوت مو عادي متأكد :d

**Hammoudi** · 20-01-2011, 01:24 PM

اتمنى احد يفيدني او يدليني على ورشه شغلها ممتاز

**K H A @ L I D** · 20-01-2011, 02:45 PM

طيب شيكت على الدراع ؟

**احمد 182** · 20-01-2011, 04:37 PM

طيب روح ورشة السعاده عند اقبال بالخضريه الدمام صحيح راح تلقى عنده زحمة شوي بس راح يعلمك بالمشكله اذا كان فيه مشكله ويارب ان مافيها شي والله يوفقك...

**traveller** · 20-01-2011, 09:20 PM

كان عندي نفس الصوت وديتها للورش اللي قال لي عكس واللي قال لي القير وطلعت شغلة تافهة فك الكفر الامامي رش بخاخ wd40

على بيرنق الهوب وشد الصامولة وراح الصوت والحمدلله.

**المباشر** · 20-01-2011, 09:27 PM

1- شيك الفحمات يمكن عندك مشكلة فيهم من اول وحسب كلامك الصوت يطلع اول ماتمشي ومع البريك

2- تأكد من كراسي الماكينة والقير

3- افحص اسفل السيارة عند محل ميزان يمكن الاذرعة والمقصات فيهم شي او الجلد تبعهم

كنت بقولك المساعد بس ماتوقع منه حسب وصفك وترى 80 % من حل المشكلة هو الوصف الدقيق والفحص المباشر من الفني

واذا تعقدت السالفة روح ورشة السعادة مثل مانصحوك الشباب الله يبارك فيهم