عندي مشكله بالاكورد 2007

**امبراطور الاكورد** · 12-09-2007, 05:17 PM

السلام عليكم ورحمت الله وبركاته
انا عندي اكورد 2007 جديده اول مامشت 5000 طلع عندي صوت في المكينه وصوت في السقف كانه مويه تنقط صوت طقطقه في التنده وديتها الوكاله كانت علا الضمان صلحوا الصوت الي في الماكينه اما الصوت الثاني ماراح الى يومك ما راح الصوت الحين ماشيه 10000 وش رايكم هل انتظم بالصيانه او لا

**B Unique** · 12-09-2007, 05:34 PM

انا من رأيي انك تنتظر الصيانة الجايه او توديها لهم في الوقت اللي يناسبك
ودام السيارة على الضمان لا تسوي شي برا الوكاله

وبالنسبة للانتظام على الصيانة ..
هذا شي راجع لك ولمدى محافظتك على سيارتك

واذا بتسأل الاعضاء بتلقى اختلاف كبير ما بينهم . يعني بتلقى ناس ما طبت سياراتهم الصيانة الا على الـ 5000 كيلو وبتلقى ناس ما شاء الله كل 10000 كيلو وسياراتهم في الوكالة

السالفة كلها سالفة محافظة واهتمام
والناس تختلف في الناحية هذي

**يامطنش** · 12-09-2007, 05:38 PM

نفس كلام اخوي فريد انظر الى الموعد الجاي ونشبلهم :d

**ولد النمر** · 12-09-2007, 07:38 PM

والله برايي انك تنتظر تشييك الوكاله او انك تروح توديها لهم (( تنشب في حلووقهم ))

وبالنسبه لصوت المكينه تقدر ترسل لي في الخاص وش سالفته ( على شان مانطلع من الموضوع )

**العربي** · 13-09-2007, 05:34 AM

السلام عليكم ورحمة الله
بالنسبة لصوت الطقطقة من السقف حصلت معي لما كان عندي ماكسيما 2002
طلعتها جديدة من الوكالة وكان بها هذا الصوت..... وبعد جهد جهيد وزيارات متكررة لصيانة نيسان-الحمراني اكتشفوا ان السبب كان جسر فتحة السقف اللي تمشي عليه الفتحة لما تفتحها بالكامل

كان مكسور......عموما انشب للوكالة في هذا الموضوع لانه هذي من الاشياء اللي كثير من الوكالات ما يعرفوا كيف يتعاملوا معها

**امبراطور الاكورد** · 13-09-2007, 06:22 AM

مشكورين علا الردود بس انا محافظ مره علا سيارتي وانا مشغول مره ماعندي وقت ادخلها الوكاله لانها تاخذ وقت في الوكاله

**mohammad.55** · 13-09-2007, 09:53 AM

انتظر او ودها بأقرب وقت للوكاله ولا تعمل شي برا الوكاله

**B Unique** · 13-09-2007, 12:20 PM

المشاركة الأصلية كتبت بواسطة ابو محمد

مشكورين علا الردود بس انا محافظ مره علا سيارتي وانا مشغول مره ماعندي وقت ادخلها الوكاله لانها تاخذ وقت في الوكاله

والله انا مثلك يابو محمد ما عندي وقت ادخل السيارة الصيانة باستمرار اول شي لظروف عملي وبعدي عن الوكالة وثاني شي لاني استهلك الكيلوات في وقت قصير لكثر سفري

عشان كذا صرت ادخلها كل 50,000 كيلو

واشوف ان الوقت هذا مناسب بالنسبة لي ولسيارتي بحيث اني ما اهملها ولا اهتم فيها زيادة عن اللزوم

الا اذا كنت ساكن جنب الوكالة مثل بعض الاعضاء هنا
فهذا كلام ثاني ..