السلام عليكم ورحمة الله وبركاته ..



.................................................. ........


..........................


مالكم بالطويلة ... أنا صار لي حادث قبل شهر بالتمام يوم 19\1 <- سبحان الله الحادث كان يوافق تاريخ ميلادي :d .. ~

الحادث وكيف حصل .. : :d

جدة، خط عسفان طبعاً خط بـ مسارين كنت ماسك المسار الأيسر قدامي راعي سوسو 2011 ماسك نفس المسار كنت ماشي عـ 160 كم\س انتقل راعي السوسو لـ المسار الأيمن لأن قدامه يوتيرن كان واقف عنده إف جي ووجه الجيب طالع ع المسار اللي كان ماسكه طبعاً أنا ماني شايف الجيب وحق السوسو زي ما قلت راح لـ المسار الأيمن عشان يبعد عن الجيب طبعاً الأخ بعد وأنا تعديته إلا فجأه لقيته لحم في سيارتي من عند الرفرف اليمين مع الجنط اللي انطعج من جوا مدري كيف المهم حاولت أتفاداه قد المستطاع على سرعتي حتى دخلت عـ الرصيف من جهة اليسار وطبعاً تقطعت الكفرات وانكسر الهوب الأمامي يسار + ... إلخ ..{


صورة لـ السيارة وقت الحادث .. :





الحمد لله طبعاً جات سليمة، السيارة تصلحت ووصلت قيمة التصليح فوق الـ 15 ألف طبعاً في الوكالة بعد ما أعطوني قيمة شبه خرافية تخيلوا 37900 ريال !!، ولكن ... في كم مشكلة لسه أعاني منها .. :

1- حذفة يمين ع خفيف <- سوينا وزن وما راحت المشكلة وقالوا لازم تغير مقص أمامي يسار مع دنقل.

2- حذفة يسار أثناء الضغط ع دواسة الفرامل ع سرعة 140 فما فوق <- واحد قالي تحتاج خرط الهوب الجديد مع القديم لأن القديم قد سبق وانخرط مرة وحدة.

3- السيارة من جهة الكفر الأمامي احسها نازلة شوي يعني مادري هل لازم أغير الدنقل والمقص في هذي الجهة.

4- يوم دخلت السيارة الوكالة قالولي لازم سحب شاصيه عشان يركب الكمر !!، بس أنا رفضت انهم يسون السحب لأني حسيت الصدمة ما تستاهل .. ! بس مادري هل له تأثير هذا ع وزنية السيارة وهل لازم أسويه ... ؟

هذي كل المشاكل اللي أعانيها من السيارة، وإن شاء الله ألاقي لها حل ^_^

فـ آمان الله ... ~