الموضوع: حلول بسيطة لمشاكل الاكورد

السلام عليكم
اولا اعتذر عن الاطالة لكن الموضوع يستحق القراءة وممكن يوفر عليكم

عندي حلول لمشاكل الاكورد وخاصة الي عانيت منها في اكوردي 2008
المشكلة الاولى: النور العالي علق يعني تشغل السيارة وتطفي السيارة ما ينطفي
طبعا بعد ما لفيت خمسين الف ورشة اجمعو كلهم ان علبة الفيوز لازم تتغير وقيمتها 950 ريال بدون تركيب
الحل: دور على الفيوز الخاص بالنور العالي وافصلة بعد شهر او بعد فترة معينة رجع الفيوز وبتنحل المشكلة باذن الله لا تقولوا قاعد اخرف بس والله هذا الي صار معي.
المشكلة الثانية: المساعد الخلفي، طبعا بعد ما اكلت مطب طلع من راسي سمعت طقطقة بالمساعد الخلفي وقلت الله يعوض مساعدات جديدة، رحت الورشة قعد يشيك على زيت المساعد ما لقي تهريب زيت وقالي انه ضعيف ولازم يتغير وعلى شان اغيره لازم اشتري الاثنين الخلفية:(
لا حد يلعب عليكم مع احترامي لكم لكن مساعدات الاكورد الجديدة ما فيها زيت هي عبارة عن غاز وفي داخل المساعد تقسيمات اول ما تاكل المطب يتوزع الغاز داخل هذي الغرف وحسب المطب اذا كان قوي ممكن يسبب تعليق في نظام الغاز والي يسبب عدم رجوعه للوضع الطبيعي طبعا خرابيط بتقولو لكني قريت عن المساعدات الغازية وان قدرة تحملها اكبر باضعاف من الزيتيه.
الحل : اذا صار عندك طقطقة بالمساعد روح عند اي بنشر وخليه يرفع السيارة لمده ربع ساعة من الخلف ومن الوسط يعني مو من جنب واحد حيرجع الغاز يتوزع بالشكل الطبيعي بسبب انك ازلت ثقل السيارة عن المساعدات وبعدين نزلها وجرب وادعيلي
بالنسبة الي عنده مشكلة في الكليبر لا يتاخر ويكلم الوكالة ويحجز موعد الكليبر في اكورد 2008 و 2009 فيها عيب مصنعي ويغيروها على حسابهم حتى لو سيارتك بره الضمان