استفسار بسيط لو تكرمتوا

[أكورد2010]

السلام عليكم ورحمة الله..

ياشباب إذا ممكن أحد يدلني على ورشة في الرياض ممتازة لتغيير الفحمات وخرطها إن لزم..

بصراحة أنا ماأعرف أي شي بصيانة السيارات عموما "تقريبا مشروع شايب"، بس يوم أقرا المواضيع هنا في المنتدى أحس أنه يوم بيطلع لي "فار" من تحت المقعدة ويكون عيب مصنعي نسيه واحد من اليابانيين في سيارتي، عذرا ياشباب بس الوسوسه وصلت حدها معي..

سياراتي أكورد 2010 وماشيه تقريبا 39 ألف ولم أغير فحمات حتى الآن ومافيه صوت بالفحمات بس يمكن والله أعلم خربانه ولا شي...

[أكورد2010]

للرفـــــع..

[King]

سيارتك جديده وماتحتاج ولا شيء لاخرط هوبات ولا يحزنون.

بس اهم شيء حافظ على تغيير الزيت بوقته والوكالة تغير لك الفحمات مدري الهوبات على الضمان!.

[أكورد2010]

يعطيك العافية أخوي King على ردك..
بس أنا "ساحب" على الصيانة حقت الوكالة من صيانة العشرة آلاف السيارة ماشافت الوكالة..

[عاشق سيييييفيك]

ياخوووي
أبد كل 5 ألف غير الزيت والسيفون
وأن شاء الله أمورك طيبه
واذا ورشة خرط عندك ورشة المالكي في صناعية الشفاء شغلهم كوويس.

[أكورد088]

سيارتك ما فيه الا العافية تعوذ من ابليس دام مافيها صوت ولا رجة مع الفرامل دوس ولا تدقق كثير

[برق]

أخوي إذا كانت قيادتك معتدلة بإذن الله الفحمات راح تمشي معك لا يقل عن 55 الف كيلو كحد أدنى

بالنسبة للأمامي أما بالنسبة للخلفي أعتقد تحتاج تشييك .

و لا توسوس اغلب المشاكل التي تواجه الأعضاء سببها سوء إستخدام توكل على الله ولا تدقق بكل مايقال

[احبك يالاكورد]

عااادي غيرك ماشي فيها 55الف واكثر ولاغير الفحمات ولا شيء

[SWAT]

لاتوسوس بسم الله عليك

[abuseef_81]

بدري عليها لسه عروس لا تخلي الورش تلعب فيها

[ا ص و 4 0 4 6]

حرااام عليك حرااام عليك السياره توها جديده وتبي تغير الفحمات ليش فحمات طياره

وثاني شي لا تغير الفحمات إلى إذا طلعلها صوت خشخشه إذا ربطت الفرامل , , وحرام عليك خرط وتوها جديده تدري ان الخرط المبكر يخرب السياره الهوبات بسرعه تدري متا تخرط إذا مر السنين وبديت تظرب الفرامل وتحس بالسياره فيها رجه ذيك الساعه ودها تخرط

, , , وزي ما قلولك الشباب لا توسوس , , ,