هنا قصة وصور حادث سيارتي أكورد 2007 v6 , والإصلاح في الوكالة فرع الميناء جدة

**The Accord V6** · 28-01-2011, 03:14 AM

السلام عليكم ورحمة الله وبركاته

طبعا مثل مو مبين في الموضوع حاب أوريكم صور لسيارتي بعد الحادث ... وبعد الإصلاح في فرع هوندا الميناء بمدينة جدة ... والصراحة شغلهم ممتاز جدا وبنسبة 95 % ...

الحادث حدث في منطقة القصيم بمحافظة المذنب وبالتحديد في إشارة الراجحي ...

طريقة الحادث كنت واقف في الإشارة في آمان الله ويجيني راع إسوزو تابع لشركة المياه(( وقتها كانت في أمطار من متوسطة إلى غزيرة )) المهم راع الإسوزو جاك ساحب من بعد 40 متر تقريبا بسبب المطر وصدمني بسرعة 60 كيلو تقريبا -- متخيلين طريقة الحادث يعني جايني وهو على جنب

- المهم وقت الحادث ماقدرت أنزل من السيارة بسبب غزارة الأمطار
جاء المرور والخطأ كان على الإسوزو 100 % ... طبعا السيارة مأمن عليها تأمين شامل

رحت لشركة التأمين وقالوا لي ودها للوكاله وإذا كان تكلفة الإصلاح أكثر من 30 ألف تعتبر السيارة تالف ومانصلحها لك ...

طبعا تكلفة السيارة كانت 28 ألف في هوندا الميناء

<------ فرحان لإنها أقل من 30 ألف ...
بعدها بيومين اتصلوا بي شركة التأمين وقالوا لي : آسفين والله بس في خطأ, ترى تكلفة الإصلاح لازم مايزيد عن 23 ألف وإلا بتعتبر السيارة تالف أو إنك تزيد باقي تكلفة الإصلاح من عندك
(( يعني أنا أدفع الـ 5 آلاف من عندي .... على العموم الحمد لله على كل حال ... السيارة جلست في الوكالة تقريبا شهر .. طبعا المشرف حق السمكرة كان سوري والصراحة الرجال ماقصر معي وقالي إنه بيحاول يخفض من التكلفة لأن بعض القطع مافيها ضرر بس مكتوب في الفاتورة إنها لابد تتغير عشان مايخليني أدفع شيء من عندي .. التكلفة صارت في النهاية 23 ألف وأنا مادفعت إلا رسوم تحمل 1000 ريال ...

طبعا الوكالة قصو الرفرف الخلفي وغيرو الباب الخلفي والشنطة والإصطب والصدام والشكمان الأيسر وسوو سحبية للشاص من عند الصدام الخلفي (( الحديد )) لكن الحمد لله شاص السيارة ماجاه شيء

طبعا في الأول أشكر مشرف السمكرة على متابعته للسيارتي وتخفيض تكلفة الإصلاح لي..

وأشكر هوندا الميناء على شغلهم الرائع في السمكرة وخاصة في الرش ماشاء الله إبــداع

هذه صور للسيارة بعد الحادث :

هنا في حوش المرور

وهنا يوضح الصدام الحديد كيف مال وارتفع لفوق

وهذه صور سيارتي بعد الإصلاح .. لاتنسون تقولون ماشاء الله

وهنا السيارة تحت أشعة الشمس وإختلاف الرشة بسيط جدا ولا يلاحظ

وهذه صورة ختامية لسيارتي

وفي الختام أتمنى أن ينال الموضوع إعجابكم وشكرا

**المباشر** · 28-01-2011, 03:22 AM

الحمدلله على السلامة والحمدلله امورك تيسرت والسمكرة شكلها ممتاز مش باين شي ماشاء الله تبارك الله

**The Accord V6** · 28-01-2011, 03:29 AM

المشاركة الأصلية كتبت بواسطة المباشر

الحمدلله على السلامة والحمدلله امورك تيسرت والسمكرة شكلها ممتاز مش باين شي ماشاء الله تبارك الله

الله بسلمك أخي المباشر .. وشرفت الصفحة بحضورك

**King** · 28-01-2011, 03:38 AM

الحمد لله على سلامتك, ماترى بأس إن شاء الله.

وماشاء الله تبارك الله شغلهم جدا ً ممتاز ولا كأن صار شيء ماشاء الله.

**The Accord V6** · 28-01-2011, 03:42 AM

المشاركة الأصلية كتبت بواسطة King

الحمد لله على سلامتك, ماترى بأس إن شاء الله.

وماشاء الله تبارك الله شغلهم جدا ً ممتاز ولا كأن صار شيء ماشاء الله.

الله بسلمك أخوي King .. الشر مايجيك إن شاء الله

**عاشق السوسو** · 28-01-2011, 07:16 AM

الحمدالله على السلآمه وآن شـآء الله آنهـآ آخر آلآحزآن وصرآحه شغلهم ممتـآز مـآشآء الله طـآلعه خقق
بس آخوي آنت تقول آن تـآمينك شـآمل ليـهـ يقولون لك آذآ تعدت القيمه 23 آلف مـآنصلحهـآ لك وآنت بتدفع من جيبك مع آن مو آنت الغلطآن آجل ليـهـ آسم التـآمين شـآآآآآآآآمل

**جاكي2** · 28-01-2011, 10:38 AM

ما شاء الله شغل محترم ولا عليه أي كلام وحتى الرشة ممتازه
والله يعطيك خير سيارتك ويكفيك شرها

**A N M A R** · 28-01-2011, 11:37 AM

ماشاء الله تبارك الله

**طيب على شآني** · 28-01-2011, 01:05 PM

حمدالله على سلأأمتك أخويُ ..
مآشآالله الشغل مرتب لآيُعلى عليه صرآحه ..

**ksakiller** · 28-01-2011, 01:20 PM

الحمد لله على سلامتك
بس هل الصدمة هذي تكلفتها 23 ألف ريال والله غااااااااااااااااااااااااااااااااااااااااااااااااا ااااااااااااااالية

**اتحادي** · 28-01-2011, 01:30 PM

حمدالله على سلامتك

و ما تشوف شر

و الصراحه شغل ما شاءالله رائع

بس السعر مرتفع بصراحه

**The Accord V6** · 28-01-2011, 01:43 PM

المشاركة الأصلية كتبت بواسطة عاشق السوسو

الحمدالله على السلآمه وآن شـآء الله آنهـآ آخر آلآحزآن وصرآحه شغلهم ممتـآز مـآشآء الله طـآلعه خقق
بس آخوي آنت تقول آن تـآمينك شـآمل ليـهـ يقولون لك آذآ تعدت القيمه 23 آلف مـآنصلحهـآ لك وآنت بتدفع من جيبك مع آن مو آنت الغلطآن آجل ليـهـ آسم التـآمين شـآآآآآآآآمل

حياك الله أخوي ... هم صحيح قالو لي أعذار كثيرة بإنها لازم ماتتعدا 23 ألف وكل أعذارهم مالها أساس من الصحة ( الحمد لله على كل حال )... بيني وبينك مافي شركة تأمين تقدر تعتمد عليهم 100 % ... كلهم يلفون ويدورون ...

**The Accord V6** · 28-01-2011, 01:45 PM

المشاركة الأصلية كتبت بواسطة جاكي2

ما شاء الله شغل محترم ولا عليه أي كلام وحتى الرشة ممتازه
والله يعطيك خير سيارتك ويكفيك شرها

جزاك الله خير , ومشكور على المرور

**The Accord V6** · 28-01-2011, 01:47 PM

المشاركة الأصلية كتبت بواسطة طيب على شآني

حمدالله على سلأأمتك أخويُ ..

مآشآالله الشغل مرتب لآيُعلى عليه صرآحه ..

الله يسلمك أخوي, والحمد لله على كل حال

**The Accord V6** · 28-01-2011, 01:57 PM

المشاركة الأصلية كتبت بواسطة ksakiller

الحمد لله على سلامتك
بس هل الصدمة هذي تكلفتها 23 ألف ريال والله غااااااااااااااااااااااااااااااااااااااااااااااااا ااااااااااااااالية

المشاركة الأصلية كتبت بواسطة اتحادي

حمدالله على سلامتك

و ما تشوف شر

و الصراحه شغل ما شاءالله رائع

بس السعر مرتفع بصراحه

الله يسلمكم وماتشوفون شـر , خذو علم التكلفة كانت 23 بعد الخصم, قبل الخصم بـ 31

وعلى فكرة ... تكلفة شغل يد بـ 7 آلآف تقريبا, والباقي سعر القطع ....

**HONDA ACCORD 99** · 28-01-2011, 02:20 PM

الحمد لله على السلامة يا غالي , بس ليه حاط مزيل على لوحة سيارتك ترا شفنا رقمها في أول صورة > ههههه
الله يعطيك خيرها ويكفيك شرها ,,
ترى التأمين كله نصب في نصب والله لو ما توقف بوجيههم وتاخذ حقك منهم والله ياكلونك أنت وسيارتك ,, وخصوصاً التعاونية النصابين ,,
تخيل حتى هناك في اتفاقات بين التأمين والمرور وهذا موقف حصل معي :
واحد صدمني من ورا في الخط السريع > اللهم اجعله سريع يارب
ومعاه جيب برادو و, وشافنا المرور وقال يلا حرك حرك ما فيها شي سيارتك ,و وأنا أقله يا خوي ما أبغى منك شيء بس عطني تقرير حادث مرور علشان آخذه للتأمين وما أيغى شي من راعي البرادو .. ,, تصدق إيش رد ؟؟ قال ما فيها شيء والتأمين بياخذ عليك اكثر من حق التصليح يلا روح الله يعوض عليك ..
طيب هو دافع شي من جيبه؟؟ يعني كلها ورقة وعليها شوية حبر وش خسران هو ؟؟

**The Accord V6** · 28-01-2011, 02:54 PM

المشاركة الأصلية كتبت بواسطة HONDA ACCORD 99

الحمد لله على السلامة يا غالي , بس ليه حاط مزيل على لوحة سيارتك ترا شفنا رقمها في أول صورة > ههههه

الله يعطيك خيرها ويكفيك شرها ,,
ترى التأمين كله نصب في نصب والله لو ما توقف بوجيههم وتاخذ حقك منهم والله ياكلونك أنت وسيارتك ,, وخصوصاً التعاونية النصابين ,,
تخيل حتى هناك في اتفاقات بين التأمين والمرور وهذا موقف حصل معي :
واحد صدمني من ورا في الخط السريع > اللهم اجعله سريع يارب
ومعاه جيب برادو و, وشافنا المرور وقال يلا حرك حرك ما فيها شي سيارتك ,و وأنا أقله يا خوي ما أبغى منك شيء بس عطني تقرير حادث مرور علشان آخذه للتأمين وما أيغى شي من راعي البرادو .. ,, تصدق إيش رد ؟؟ قال ما فيها شيء والتأمين بياخذ عليك اكثر من حق التصليح يلا روح الله يعوض عليك ..
طيب هو دافع شي من جيبه؟؟ يعني كلها ورقة وعليها شوية حبر وش خسران هو ؟؟

سألتني ليش حاط موزيل على اللوحة

؟

لأن اللوحة اللي في الصورة الأولى كانت قديمة, لكن اللوحة في آخر صورة مجددة ومتغيره حروفها :d

مثل ماقلت أول كل شركات التأمين اللي عندنا من جنبها - الله يعين بس- وعلى فكره ترى بانت فضايحهم في سيول جدة الـ 1430 ... وتبي تبان أكثر وأكثر ألحين مع سيول يوم الأربعاء الماضي ... :(

**accord7** · 28-01-2011, 02:59 PM

الحمد لله على سلآمتك

ومآتشووف شر

مآ شآء الله شغل عدل

**أغـار يا هـوندا** · 28-01-2011, 03:32 PM

ماتشوف شر -ان شاء الله- والحمد لله ع السلامة
ولكن اصبر على الرش بسيط مع الشمس شوي راح يرجع اللون وكالة , لأن الرش توهـ جديد

الله يكفينا واياك شر الحوادث

**Pink Dream** · 28-01-2011, 03:38 PM

الحمدلله ع السلامه ,,

والسياره ماشاء الله رجعت وكاله ,,

بس اشوف مبلغ الاصلاح كبييييييير ع الصدمه دي ,,,

يعني لو بعت سيارتك كم كانت راح تجيبلك وتزود عليها فلوس التأمين وانتهيينا

والله يكفيك شر الحوادث ان شاء الله ويحفظك

تقبل مروري

**رشـود** · 28-01-2011, 03:59 PM

الحمد لله ع سلامتك

في الحديد ولا في العبيد

بس غريبه سعرها بدون تأمين ولا شيء نااااااااااااار ليه طيب غالي ؟ مع ان الصبخه ع الطرف ومهي قوي جدآ

و الله يكفينا شر الحوادث

**ا ص و 4 0 4 6** · 28-01-2011, 04:55 PM

الحمدلله على السلامة , , , وانشالله انه تكون اخر الاحزان

**mshtag** · 28-01-2011, 09:09 PM

سبحان الله حادثك مثل حادثي بالضبط

جا في نفس المكان .. بس ماوصلت الباب الخلفي يعني الرفرف والصدام والشنطه والاسطب

طبعا كلفتني 8000 ريال ... شغل اليد 3000 والقطع 5000 ريال من التشليح وكانت نفس الموديل واللون كانت مصدومه من الامام وسيلمه من الخلف .. خذيت القطع المطلوبه منها

الشاصي برضو ماتضرر كثير سوو له سحب بسيط

بس 23000 والله مصيبه .. والف سلامه عليك وماتشوف شر الهنادي ;)

**D.H.o.O.o.M** · 29-01-2011, 04:50 AM

الحمد الله على السلامة

وبالنسبه للسعر اكيد بيكون مبالغ فيه وغالي لنها ع التامين والوكالة بتاكل على كيفيها والتامين ملزوم يدفع عشان كذا حطو لكـ حد ;)

بعني لو صلحت السيارة على حسابكـ كان ماكلفت نصف السعر النهائي

جعلها اخر النكبات يا الغالي

**business man** · 29-01-2011, 09:33 AM

حمد لله على السلامه ماتشوف شر وماشاء الله الشغل مزبوط وفرع المينا مايحتاج شغله مره مزبوط انا سمكرت موتري القديم عندهم على التامين ورجعوها اوكي صحيح غالي بس مادام على التامين فليش مااسويها