معقول 24 مشاهدة وبدون أي مشاركة ياللهول :(
الاخوة الاعزاء
السلام عليكم ورحمة الله وبركاته
في البداية احببت أن أطرح الموضوع لما لحظته من أسعار الصيانة الدورية لدى الوكالة التي قد يكون مبالغ فيها طبعا أنا اتكلم عن صيانة 10.000 ، 20.000 ، 30.000 ، 40.000 ، 50.000 ،60.000 ،70.000 ،80.000 ،90.000 ،100.000 كلم ، أما 5000 ، 15.000، ...... كلم فسعرها موحد بعد التعديل الجديد وهي 125 ريال ، والتي يتم تغيير فيها الزيت وفلتر الزيت فقط والفارق بينها وبين مراكز الخدمة طبعا أتكلم عن المحترمة إلي شغلها نظيف تقريباً 10 إلى 20 ريال وهذا السعر بسيط جدا إذا تم النظر إلى ضمان ان الزيت والفلتر أصلي اضف إلى ذلك تغيير صرة الزيت وضمان جودة العمل واستمرارية تغطية الوكالة لضمان السيارة حتى 100.000 كلم . لكن ان يكون صيانة 10.000 كلم 430 ريال بعد التعديل الجديد فهذا المبلغ مبالغ فيه وخصوصاً حسب ماقرات من الاخوة أعضاء المنتدى انه لايتعدى تغيير الزيت وفلتر الزيت فهذا وللاسف ضحك على الذقون :(، لذا ارى ان يتحد اعضاء هذا المنتدى ضد أبو الهش في تحديد الصيانات الدورية المهمة التي يتم تغيير فيه اشياء مهمة كفلتر القير وفلتر الهواء وفلتر البنزين وفلتر المكيف وزيت القير وغيره من الاشياء الضرورية التي لها تأثير على أداء السيارة دون الاشياء الاستهلاكية كفحمات السيارة أما الصيانة التي يتم فيها تغيير الزيت وفلتر الزيت فيكتفى بالخدمة السريعة و يختم كتيب الصيانة ونكون بذلك كسبنا نقطتين أو زي مايقولوا ضربنا عصفورين بحجر .
1ـ التوفير بالمبلغ على سبيل المثال 430- 125= 305 ريال شوف النصب عيني عينك حسبنا الله ونعم الوكيل .
2ـ استمرارية ضمان الوكالة للسيارة حتى 10.000 كلم وهذا الاهم ;).
لذا ياريت من جميع الاعضاء التفاعل مع الموضوع وخصوصاً من أجرى هذه الصيانات لتعم الفائدة للجميع وإيضاح نوع التغييرات.
ودمتم بود،،،
معقول 24 مشاهدة وبدون أي مشاركة ياللهول :(
يعطيك العافية يا بو ريماس على الموضوع الجيد جدا للأستفادة للجميع
وجعلة الله في ميزان حسناتك
الصيانات المهمه معدوده وبعضها ممكن انت تسويها بنفسك
زي مثلا كل 30 الف كلم راح يغيرون فلتر الهوا هذا ممكن تغير عندهم زيت وفلتر وتشتري الفلتر انت تركبه وسلام عليكم
بالنسبه انا لسيارتي 40 و 50 و70 الف ماسويتها وال90 الف ماسار فيها شي
40 و50 الف نفس الشباب في الوكاله يقولون لي مايسير فيها شي مهم روح الخدمه السريعه افضل لك ارخص واسرع
- بالنسبه لباقي الصيانات
10 الاف اللهم زياده على الخدمه السريعه كان فيها تنظيف هوبات
20 الف ماسار فيها شي
30 الف فلتر الهوا حق المكينه
60 الف سار فيها تغير فلتر هوا المكينه وتغيير زيت الجربوكس
80 الف تغيير فلتر البنزين
90 الف فلتر هوا المكينه
100 الف زيت جربوكس وبواجي
طبعا بالنسبه لموديلات 2008 ومافوق اول تغيير لزيت الجربوكس على ال60 الف وبعد كذا يتغير كل 40 الف
وفلتر الهوا حق المكينه الشركه تغيره كل 30 الف
فلتر البنزين اول مره على ال80 الف وبعد كذا الله اعلم اذا كان راح يستمر يسير كل 80 الف او اقل مادري
البواجي كل 100 الف
والقماشات مدري الفحمات مدري البريكات مدري الفرامل مدري القطعه اللي توقف السياره كل فتره شيك عليها واذا قربت تخلص غيرها
هذا اللي اعرفه واللي عنده من الشباب اضافه ياليت يفيدنا
^^^^^^^^^^^^^^ وفيت وكفيت ياخوي
اسأله مهمه اخوي والصراح مشغل بالي ولالقيت لة جواب بس راح افيدك بي الي اعرفة
طبعا الكلام الي ابي اقولة لك ماخذة من الكتلوج وتقدر تتأكد .
1 - كل 20 الف تغير فلتر المكيف ( انصحك لاتغيرة الى على 30الف ) .
2 - كل 30 الف تغير فلتر منقي الهواء للمكينة .
3 - تغير فلتر البنزيل 40 الف .
4 - تغير زيت القير 60 الف اول مرة وبعدين كل 40 الف طبعن انصحك كل مرة تغير زيت القير غير الفلتر .
5 - تغير البواجي كل 80 الف .
6 - وافص كل شهرين البطارية وشحمها وعاير زيت القير وزيت الماكينة وزيت الدركسون وزيت الفرامل وموية الاديتر وافحص الكفرات ولاتتعدى 60 الف او سنتين نصيحة لك لانة لو انفقع الكفر اعدم عليك السيارة ....
هذا الي اعرفة اخوي أبو ريماس وان كان عندك زيادة لا تبخل علينا .
gray2008،mor- 35
شكراً على المرور والمعلومات الهامة التي راح تفيد بإذن الله أغلب الاعضاء ، وأتمنى من عنده أي فائدة لايبخل علينا
بارك الله فيكم يا اخوان على معلوماتكم القيمة والمفيدة
والله يجزاك خير يابو ريماس على طرحك لهذا الموضوع
مواقع النشر (المفضلة)