تقرير من وكالة الرياض // «« accord cope 2011 »»

**B Useful** · 29-01-2011, 10:01 PM

بسم الله الرحمن الرحيم ..

ركود ركود BUseful موجود .. :o الله يرحمك يا صلاح .. كانت هذة احدى اشهر كلماتكـ ..

بداية مطر ..

الشارع يعطيك .. :o

وفية لفة حلييييوة .. ;)

وعلى سرعة بسيطة ..

ولفة بالطارة يمين يسار .. ;)

تخش عليكم اكورد كوبية 2011 فل كامل بشاشة الملاحة .. V6

كنت في الوكالة اليوم على غير العادة ..

خشيت المعرض .. الا اشوف الحب القديم .. بوجة جديد .. ولون جذاب .. ومواصفات جديدة ... اشوفها قدام وجهي ..

هذي الوجهية الجديدة ... الشبك تغير .. وكأن الصدام تعيد تشكيلة قليلاً ..

الخلفية ،، اختلاف الاصطبات الخلفية ،،

الخلفية ويظهر فيها قلب هوندا النابض V6 ... اذا شفت اكورد كوبية بدون هالعلامة V6 فأنصحك لا تناظرها واجد .. ما تستاهل النظرة ..

الجنط الجديد ..

الداخلية .. فل كامل .. تلاحظون الدركسون وأزرة البلوتوث .. وحجم شاشة الملاحة كما هو معروف في موديل 2011 للسيدان ..

المسجل .. وتظهر الازرة المتناسقة والرائعة اللي تجمع بين نظام الملاحة والتحكم بالتكيف والراديو ..

مرآة التعتيم الالى .. على خبري 2008 كوبية مافيها ..!

الحين نجي للشي اللي يتعب //

السيارة نزلت بقير تبترونك .....!

يعني لو قدر الله وشريتها يومياً بيصيدني ساهر .. وبصير مشهور .. وبيصورون الناس معي .. ثم اقولهم الصورة بمبلغ وقدرة .. ثم اسدد قيمة السيارة << عزيزي لا تشطح كثير ..:d

التحكم بالقير من الدركسون .. << كأني اشوف واحدن من العيال قاعد يفكر يشتريها من الوكالة ويركبها على كوبية 4 سلندر :d

يوم شفت السيارة وهالمواصفات .. تزلزلت المبادئ اللي في راسي .. وتغيرت بعض الافكار ..
لا لا .. مانيب شاري .. الا لا بشتري ... لا ماني شاري .. ;)

شي في بالي ..

اتعذر من جميعاً عن انقطاعي الثلاث الاشهر الماضية ..
ظروف الدنيا .. تجبرك تنقطع عن النت .. مو عن النت .. عن المشاركة في المنتديات ..
يالله عندي وقت اتابع .. اما اشارك .. حسب الفراغ ..
فلذلك .. اعتذر من اسألت لهم يوماً .. بإسلوبي الجاف نوعاً ما .. لكن .. مدري وش اقول ولا املك الا اني اعتذر مرة ثانية وثالثة من الجميع حتى ترضون ..
دامنا بكرة ولا بعدة راحلين عن الحياهـ .. نرحل ونترك ذكرى طيبة .. اعذروني وسامحوني ان اخطأت بحق احدكم ...

دعمتم بحفظ الله ورعايتة ..

اخوكم / مصعب

**meshoo** · 29-01-2011, 10:08 PM

تقرير رائع

يعطيك العافيه يامصعب

ولكن كيف الاسعار في ارتفاع كبير ؟

**B Useful** · 29-01-2011, 10:13 PM

التحفة اعلاة بـ 118،500 ريال ( كوبية v6 بشاشة الملاحة )

مائة وثمانية عشر الفاً وخمسائة ريال ..

لو تقول انها يابانية .. عندي 60 الف مبرر بما اني درست محاسبة وعارف وضع التضخم في اليابان وارتفاع سعر الشحن وغلاء اليد العاملة وانخفاض الدولار وارتفاع الين و... و... و...

لكنها الحلوة مصنعة ومجمعة في امريكا .. فهنا فية سؤال يسدح نفسة .. ليش هالسعر ؟؟

**D.H.o.O.o.M** · 29-01-2011, 10:23 PM

اوحشتنا ياحبيب وشلونكـ عساكـ طيب :d

تقرير ولا اروع ولا اجمل يعطيكـ العافية يامصعب

لاكن السعر زي المعتاد لاتعليق

دمتم بود عزيزي

**المباشر** · 29-01-2011, 10:34 PM

تقرير رائع وجميل وبصراحة شكلها مغري :d

**AboOoSh** · 29-01-2011, 10:43 PM

يعطيك الف عافيهـ

على التقرير الرائع

تحياتي. .

**أكـورد 2009** · 29-01-2011, 10:45 PM

تقرير ولا أروع يعطيك العافيه يا بطل

**f a w a z** · 29-01-2011, 10:55 PM

اولاً اشكرك ع التقرير الرائع ..

ثانياً السيارة كل ما فيها جميل , لكن الآحظ ارتفاعها عن الارض كبير بالنسبة لسيارة كوبيه

و العجلات السابقة اجمل ..

**caramel** · 29-01-2011, 10:58 PM

تقـرير رائع وجميل, والسيارة تحفـة ,,

اشوف الجنووط القديمة احلى واكشـخ للكوبيـه,, بس يمكن اذا شفناها ع الطبيعة نغيرر راينا ... :d

**accord7** · 29-01-2011, 11:16 PM

يعطيك الف عافيه

على التقرير القميل :d

**Silver Aurion** · 29-01-2011, 11:53 PM

سلمت ع التقرير الجميع

و عودا حميدا يا مصعب

و صراحه رأي بالسيارة بصفه عامة الموديل السابق اشوفه احلى بالنسبة لي

بس اللي يميل بالموديل الجديد هو الشاشة و التيبترونك

يعطيك العافية

**King** · 30-01-2011, 12:06 AM

حتى تقتنع انها امريكية الصنع تلاحظ المرايات الجانبية لا توجد بها اي إشارة جانبية.!

صراحه سيارة جبارة قوية متماسكة, سعر :p!.

يعطيك العافية على التقرير وبإنتظار كل جديدك.

(تستاهل التثبيت والتقييم ;))

**الشمــــالـــي** · 30-01-2011, 12:10 AM

الله يرحمك ياصلاح
ويسكنك فسيح جناته

ومنوّر يامصعب بتقاريرك المميزة
ولاعدمنا مواضيعك

**BЯộǾK ❤** · 30-01-2011, 12:26 AM

لا بصراحه تقرير خاقوقي والسيارة خونفشاريه ...

وانا اعتبر سعرها كوووويييس بالنسبه لوكلينا السعيد ههههههه

يعني لو قارنا سعرها بـ اكورد 6 سلندر فل كامل بنلاحظ ان سعرها اقل واتوقع ان السبب لأنها وارد امريكا

**عاشق سيييييفيك** · 30-01-2011, 12:30 AM

يعطيك العافيه أخوي على التقرير
وجنوط القديمه افضل من الجديده.

**ابو حكيم** · 30-01-2011, 12:48 AM

منور بتقريرك الجذاب

يعطيك العافيه و ما قصرت

***ابوالهنا*** · 30-01-2011, 01:36 AM

تقرير أكثر من رائع

مميز كتميز ناقله

يعطيك العافيه

كل الود ؛؛

**Honda*2008** · 30-01-2011, 02:33 AM

مآ شآء آلله
عقبآل مآ تشتريهآ وتعطيني دوره
:d

ريحت بآلآكورد سيدآن
:p
يآلبيه
يآ آلكوبية

**Accord F15** · 30-01-2011, 04:39 AM

مبدع كالعآده يا مصعب والكوبيه تذذذذذذبح بالتبترونيك الجديد

وبخصوص الزعل ان شاء الله ما يكون بين ولا واحد فينا حنا اجتمعنا على خير وان شاء الله ما نفترق الا على خير ونتشرف بمعرفة مثلك وشرواك والدعوه الطيبه هي الغايه الأسمى..

**S A M I** · 30-01-2011, 08:19 AM

يعطيك العافيه يامصعب على التقرير ,,
السياره ماشاء الله ماعليها كلام .. ويكفيك التيبترونك .. جباااااااااااار ,,

بس لو يحطوا تيبترونك على السيدان V6 اول واحد يشتريها انا >>>> ابد ماتخارج معاه كوبيه ..

يالبى القولف GTI بس ,, سعر وقوه ورسااوة وجودة ..