أولا : الحمدلله على السلامه وخل في بالك هذا أهم شيء إن الله سلمك من إصابات قويه أو غيرهـ
ثانيا : لا تهمل إيدك إذا كان ما رحت المستشفى رح ترى حادثي الأول أهملت الألام في جسمي وكنت أتوقعها
مجرد رضوض وبتروح بعد يومين بالكثير بس كل مالها تزود حتى إضطريت أروح للمستشفى بعد اسبوع تقريبا
يعني رح وأنا اخوك وإحرص على نفسك قبل ما تفكر في السياره.
ثالثا : بخصوص السياره فيه إحتمالين الأول إن السياره مجرد حادث قضاء وقدر من الله فخلنا نقول صلحتها على
حسبة الشباب أقل شيء 15 ألف لو صلحتها وحبيت تبيعها بعد فتره ما راح تجيب لك سعر أبدا لأن المصدوم
ما بيشتريه الا شريطي لأن الشخص المستخدم بيدور النظيف ما بيدور المصدوم وخاصة الصدمه بالوجهيه
الإحتمال الثاني صار فيها عين ... والعين حق ... صلحتها وكلفتك السعر الفلاني وطلع في السياره عين
يعني لا قدر الله يا حادث ثاني يا خرابات بتطلع لك في السياره ... وانا اقول هالكلام من واقع تجربه لواحد من
عيال عمي طلع له كامري 2010 .. خمس حوادث في سنه وحده في الأخير إقتنع إنها عين وباعها
وأنت تقول جابت لك خمسين ألف ... طيب فرضا صلحتها بـ 15 ألف مع العلم إن هذا أقل مبلغ ممكن تصلح به
الموتر .. وبعتها بستين ألف أطرح 15 الف من الستين ألف يعني 45 ألف هذا في أحسن الأحوال .. يعني إضمن
الحين خمسين ألف في جيبك كويسه.
رآبعا : أنا بأعطيك بالخاص رقم رجال إسمه محسن الدوسري شغال في وكالة عبدالله هاشم فرع خريص
مخرج 24 ... قله خذيت رقمك من رامي المالكي ولد عبدالله راعي البايلوت اللي بالخرج
هو يعرف الوالد أكثر مني ... الرجال خدوم وأخلاااااق بصراحه ... يا بيحولك على قطع الغيار وتسعرها مره
وحده بالتلفون بدل ما تروح لهم أو عطه القطع أنت وهو يسعرها لك
خامسا : أدري طولت الكلام بس والله أحاول أشور عليك وأخدمك باللي أقدر عليه يا رائد لكن خامسا وهو أهم
شيء ... لا تنسى صلاة الإستخارهـ ... إستخر وأطلب من الله يسهل أمورك ... والله يعوضك ويرزقك بأحسن
من الأكورد بألف مره.
وأسف على الإطاله.
مواقع النشر (المفضلة)