الموضوع: للخبراء هل برمجةا لكمبيوتر الجديد بيشغل الموتر ؟

اتوقع لازم تعمل له برمجة لان كل كمبيوتر لة برمجة خاصة وفيه واحد من الشباب غرقت سيارتة بالسيل الاول واشترا له كمبيوتر من التشليح وعمله برمجة في محل قريب من دوار القرب واصبحت 100%

وقال له الرجال انه سواله برمجة احسن من حقت الوكالة وتزيد في عزم السيارة وفعلاً يقول خويي اصبحت اقوى من قبل والان لها معه سنة ونص تمام التمام واذا تبغى اسم المحل ورقمه ابشر اسأله واجيب لك الخبر ان شاء الله

جزاك الله خير ابو ااحمد .. المحل بجدة ؟؟ اذا بجدة عطني رقمه ولك دعوة من القلب ... لاني اليوم رحت الوكالة ابرمجها قالو لي لازم تغير علبة الفيوزات اللي بجنب الدعسة علشان يقدر يبرمج ..

اخي الكريم السلام عليكم

واسف جداً على التأخير والله اني حاس في معاناتك والله يكون بعونك سألت خويي عن رقم جوال صاحب الورشة قال والله ضيعه لكن دلني على موقع ورشته اليك العنوان بجدة طبعاً لما تخش شارع بلادن بأتجاه دوار القرب خذ يسار مع الدوار بأتجاه حي الجامعه لما تعدي الدوار بشوي تلاقي على يمينك بنك الراجحي المحل مقابله في الشارع الثاني خذ يو تيرن كأنك راجع باتجاه دوار القرب تحصل محل على يدك اليمين اسمه المركز العالي محل البرمجه بجنبه اسمه مركز البركه واسم المهندس يوسف هوا فلسطيني وعمل لصاحبي البرمجه بحوالي 1300 وتغيير كل مايحتاج لتشغيل السيارة من الى واستلم السيارة تمام النمام نوع السيارة اكورد 2006
ملاحظة برمجها على المفتاح القديم حق السيارة.
اخيراً ارجوا اني افدتك ولك تحياتي...