الموضوع: وش افضل طريقة لحماية الوجهية في السفر

و عليكم السلام

اخوي انت بتشيل الحماية بعد ما ترجع ولا لا

الفيري يحمي لكن اذا طول يعدم البوية والانوار
والتغبيرة تحمي لكن مضارها اكثر من فوائدها
ورش وامش يحمي لكن اذا طول يعدم البوية

قصدي كثير منتجات تحمي وتفي بالغرض
لكن انت سؤالك عن افضل طريقة لحماية الواجهة

اقلك من واقع خبرة وتجربة





الفلم الشفاف هو افضل واضمن طريقة لحماية الواجهة
صحيح غالي لكنه يستاهل سعره بسبب حمايته الفعالة .. حتى من الحكات
و يدوم فترة طويلة الى ست سنوات .. والاهم انه ما يأثر على الشكل

تحياتي لك

انتبه من البرقع يحك في البويه ويخليها تبهت

البرقع وخر عنه بيعدم بوية السياره


فيه تغبيره شفافه استعملها لما اسافر لجده


اول شئ مويه كفايه لتنظيفها


حط علبه وتوكل على الله


وتروح وترجع بالسلامه ^_^

بارك الله فيكم اخواني على تفاعلكم معي

عليك بحماية شركة توب شيلد بالدمام شارع الملك سعود 0 ترى لك وللزمن

^^^^^^^^^
مشكوووور اخوي على المعلومة لكن انا من الرياض

أنصحك بالبـرقع ودا خلصت من مشوارك شيله بكلفك 350 ومتى ما بغيت تطلع مشوار طويل ركبه

انا استخدمه ومتى ما خلصت منه شلته والبويه أوووكـ ما في مشاكل

احلى شي فلم الشفاف

والله يوفقك اخوي

السلام عليكم
يعد فلم برونانو من جيوشيلد الافضل في مجال حماية مقدمة السيارة
و لكونه الفلم الأجود و الأفضل، فإن شركة جيوشيلد تقدم لعملائها الكرام ضمانا بلا حدود على الفلم.

نايف

جيوشيلد geoshield
أفلام النانو سيراميك لعزل الزجاج من الحراره
هاتف:2052525جوال: 0509878630 - 0533205252
www.geoshieldksa.com

روح زيبارت حق التظليل

عندهم حمايه الواجهيه


بتدعي لي

المشاركة الأصلية كتبت بواسطة abuziyad

روح زيبارت حق التظليل
عندهم حمايه الواجهيه
بتدعي لي

زيبارت مع احترامي لهم الا انهم اغبياء ويسمعون بحماية الوجهية ...واقلكم وش القصة ..
جيتهم وقالوا حماية الوجهية بـ 950 ريال وضمان 3 سنوات ...قلت اوكي وخلاص راح اخلي السيارة عندهم وتخلص بكرة ..فسألتهم قبل لا اترك السيارة وش تشمل الحماية ..قالوا ربع الكبوت مع الانوار فقط !!!! قلت والصدام ...قالوا اذا تبي الصداام راح يكون السعر 2600 !!! والله من جد تخلف اجل الحمااية من ايش اذا ماحطيت للصدام ....
انصحك تروح ل درايف 7 قريبه من زيبارت وعلى طريق خريص بعد وكالة هوندا وانت متجه شرق ...يسوون لك حماية وجهية كاملة وقص كمبيوتر محترف وفلم شفاف امريكي اصلي وضمان خمس سنوات ..بسعر 1600 بعد الطق والطقيق . لأنه بيقول لك 1750 او 1700 ...بس شغلهم يستااااهل ...حماية للوجهية كاملة ربع الكبوت والانوار والصدام مع المرايات ... وكل 3 شهر تجيهم ويسوون لك تلميع للحماية مجاناً ..
اللي نصحني فيهم موظف التعاونية للتأمين ..لمن سويت تأمين عنده وتجيني رسالة من محل 3 ام دي على ما اظن وهو متخصص في العازل والحماية وانهم مسوين عرض لعملاء التعاونية ..فقال لي الموظف اتركهم نصابين ولاتروح الا لدرايف 7 ...وفعلا خذيت بنصيحته وارتحت ...

معليش لسه انتبهت ان الموضوع قديم ...الله يهدي هالمندوب اللي رفعه ..

بس عسى يستفيد من يبي يركب حماية مستقبلا

بالفعل يا اخوي عاشق الخرج
انا كان هدفي ان الاخوان يستفيدوا
لان بصراحة اللي لاحظته ان اغلب الشباب لا يعلموا انهم طايحين على اسوأ الطرق للحماية و هذا و الله يضر و يعدم السيارة
مثلا الفيري بعد كم استعمال يضر و تروح اللمعة
التغبيرة , التراب اللي راح ترش فيه وجه السيارة راح يدخل في الفتحات الصغيرة في الفواصل والاحرف وبين الازياق وراح يعدم لك شكل السياره
البرقع يجرح الطلاء و يطلع الاساس
حتى منتج رش و امش يعدم البوية اذا طول

فقلت لي ما افيد الشباب بوجود فلم ا برونانو من جيوشيلد
لحمايةمقدمة السيارة من الترميل و يمتاز بشفافية عالية حيث لا يظهر على السيارة فضلا عن حمايته العالية لجسم السيارة من الحصى و كل مخلفات الطريق..
و مقاوم للاصفرار
و مضمون

ويعطيكم العافية

نايف

شباب انصحكم بحماية شركة جيوشيلد انا مركبها ولها فترة ولا تغيرت لمعتها

ماشاء الله

بصراحه انا مع اخوي برق ركب فلم شفاف احسن لك

المشاركة الأصلية كتبت بواسطة accord7

شباب انصحكم بحماية شركة جيوشيلد انا مركبها ولها فترة ولا تغيرت لمعتها

ماشاء الله

و احب اذكرك و اذكر كل من ركب فلم الحماية بالصيانة الدورية للفلم
السيارة لون ابيض كل 4 شهور
السيارات لون غير ابيض كل 6 شهور
و الصيانة الدورية تخضع لتقيم مشرف مركز جيوشيلد
لان هدفنا هو متابعة و تقديم الخدمات للعميل حتى بعد البيع

نايف

حبيبــــى ــآ بقــــــولك شــــــى ــآ بـ : العقـــــل الحيــــن ليــــه ترش الوجيــــــه قبـــــل السفـــــــر ؟؟

آكيـــــد آنت خايف انها تتقشر البويــــه أو تنعــــدم ؟

كيـــف بتنعـــدم البــــــويه ؟ الحيــــن كل مــآزآدت ســرعــه السيـــآرهـ تــــزيد سرعـــه آحتكـــــآك الاتربـــه المتــآطيره في الاحتكـــآك مع وجهيـــت السيـــــآرهـ ، ويبــدى ــآ يلعـــب في البـــدى ــآ عنــــدك .

وش فـآيدهـ الفيري هنـــآ < ..( الفيــرى ــآ يمســـك الرمـــل او حبيبات المتطايره ويحبسها حتى تصـــــل الى المنطقـــه الي تبيهـــآ ).. وبعدها تغسل الوجهيه وتكون انت وفرت مالك وحفظت بويه موترك
تحيــآتى ــآ

مثل البرقع مافيه

أنا جربت الفيري أول شي يشيل لمعة السيارة وغير مناسب للسافي القوي وتراني مجربه على الباثفاندر عند الوالد كنا نازلين من الباحة على خط الساحل وحطيت فيري ثلاث طبقات وجانا بالطريق سافي قوي ويوم وصلنا المدينة وغسلت الفيري والله ما كأني أصلا كنت حاط فيري الوجهية والشمعات رملت والنياكل راحت لمعتها

وجربت كمان بخاخ ما أدري وش إسمه لكن سعره 15 ريال ويبي لك علبتين عشان يغطي وجهية السيارة
كمان مو عملي مع كثرة الإستخدام لأنه بيطلع عليك تكلفته كثيرة وأشوف الناس اللي يحطونه غالبا إذا كان الطريق فيه سافي يطيح البخاخ عن الوجهية

الحين يوم طلعت الـ 2011 ركبت لها برقع وسافرت فيها أكثر من 9آلاف كيلو

ومرة كنت جاي من الجوف للمدينة طول الطريق غبار مافكني الغبار إلا قبل المدينة المنورة بـ 120 كيلو

والحمدلله ما أثر على البوية بالعكس محافظ على لمعتها ونظافتها

نصيحتي إذا بغيت تركب البرقع خلي الفني يظبته لك ويشده شد لأنه أي فراغ بسيط ممكن يأثر عليك

بالتوفيق

البرقع يعدم السيارة لان التراب يدخل بين البودي والبرقع وتخيل ايش اللي راح يصير في السيارة

السلام عليكم

بالنسبة لي ومع احترامي لكل اللي يقول
بأن البرقع يعدم الوجهيية ويغيير البوية اقولهم
كلامكم غير صحيح اطلاقا بشرط تفصيل برقع
ممتاز وتركيبه كذلك , انا مجربه ولمدة سنتين
كل ماطلعت مشوار طويل ركبته وبدين اطلعه
" مخليه عندي في الشنطة " . بمعنى الامر
متعلق بالدرجة الاولى على التفصيل نفسه .

وبالنسبة " لجيوشيلد " بصراحة قابلت قبل
شهر وعند احد محلات التلميع بجدة شخص
يسب ويسخط على الحماية من جيوشيلد
ويقول انها سيئة جدا , وتناقشت معه وقلت
له ممكن العيب من الفنيين انفسهم ومايمكن
تظلم الشركة على منتجاتها و جودتها لأنه اذا
التركيب سيئ فطبيعي ماراح تكون النتيجة ممتازة.

تحياتي للجميع

فصل برقع وتوكل ع الله
رحيمي مفصل واحد ومركبه ع الجمس حقه ويداوم يوميا له سنه ما فكه من السياره وقبل كم يوم فكة والبدي سيلم ما فيه مشاكل ابد