السلام عليكم ورحمة الله وبركاته
صباح/مساء الخير للعموم
اولا انا سعيداً بتسجيلي معكم <<< اخلص<<< طيب لاتدف
انا يااخوان البارح ركبة شاشة للاكورد <<احلف<< والله
الموهم مالكم بالطويله المسجل من وراء فيه فيشين <<يعني واحد فيش وواحد فيش <<قل قسم:p
المهم اني ركبت المسجل الفيش الاول للمسجل والثاني للمكيف << اللي قااااااهرهن وفاقع المصران الاعور
المسجل اشتغل زي اللوز بس المكيف يقول اللي بالمحل مافيه حل يا انك تشبك الفيش ويستمر المكيف شغال والا تفصل الفيش ويطفي المكيف ولايشتغل الا اذا شبكت الفيش <<
هاااااااااااه يااخوان وش الحل انا شخص مستانس بالشاشه << مارقد بالسيارة البارح :d
ايه هين خل عنا بس هع
هاه وش الحل لاتخلوني تكفوووووون ابي حل مع العلم ان سيارتي سياحي والظاهر ان المسجل حق النص فل او الفل بس يقولون ان فيه طريقه انك تاخذ فيش من اي محل حق مكيف الهوندا بس والله مافهمت هالطريقة اللي عنده حل يعطينا الحل وله دعوه بظهر الغيب مايعلم فيها الا الله << مع العلم اني كل جميع وخمسه عفواً خميس وجمعه امتر خط القصيم الرياض السريع
والمكيف من ضروريات الحياةمع العلم اني اشجع ريال مدريد هع
<< اطلع برا
وبعدين اذا طفيت السياره واخذت شوي ورجعت شغلتها وشغلت المسجل يجيك المسجل باقوى ماعنده من صوت يعني لازم اطفيه واروح البر عشان اقصر على الصوت وارجع للديره هع
ابغى لهذي حل بعد يعني اذا شغلت السياره يكون صوت المسجل خفيف :d
والله لايهينكم اسف على الاطاله وصلى الله وسلم على نبينا محمد
لنا رجعه بعد الردود اللي تثلج الصدر ان شاء الله
مواقع النشر (المفضلة)