~> و مآزآل هذآ المستخدم ينتظر رد :(
آلسسلام عليكم ، آبطب بـ الموضوع ع طول ، انا سسيارتي هوندآ آكورد 2008 ، تخبرون جآء مطر للرياض قبل 3 اسابيع او حول كذآ وآختفى وما ششفناه عقبه :d ، عموما انا رجآل لـآ علي غطست انا والموتر بعد صصلاة العشاء بـ المويه حسسبي الله عليهم من بلديه ومن زفلة شوارع ، في مخرج 16 ، الموهم صصصارت ضضيقة صصدر ودفني وآحد مع الصدآم الخلفي وطلعني من المويه وكان معي عالم غرقانه هم ومواترهم ، الوكاد :d سسحبت ع الموتر لين السساعه 1 بالليل وجيته ، وانا ويآه وانا ويـآه مع اللعن والجلد اللي جآه لي اششتغل :d ، كربن كربنه ابو الشباب عجعج معها الجو ، رحت لم ورشه وسويت غسيل مكينه ، وغيرت الزيت والسيفون واختفت لمبة المكينه والحمدلله ، الوضع مزبوط ، لكن اللي مآهوب مزبوط الحين عندي ، لي اسبوع تقريبا طلعت لي مشكلتين بـ السياره ، المشكله الاولى عندي المبة اللي بـ السقف وحده شغاله وتمام الثانيه ماهيب صصصاحيه مره تشتغل ومره ماتشتغل ، قلت يمكن نفس اللمبه خلاصص انتهت ، غيرتها بـ لمبة جديده من الوكاله ، اشتغلت معي مزبوط من بكره رجعت حليمة لـ عآدتها القديمه صصارت مزآجيه متى مآبغت تشتغل اشتغلت ومتى ماصصار مزآجها معكر زعلت ، وش تتوقعون المشكله ؟
المششكله الثانيه ي اخوان المروآح عندي بعد نفسس الشي اول المرآوح تشتغل وتطفي هذآ المعروف ؟ لكن اللي مآهوب معروف انها تجلس تشتغل ماتطفى آبد إلا قليل وان طفلت ع طول رجعت تشتغل آجل اقولكم وقسسم بالله اني موقف السياره امس من بعد الساعه 9 بـ الليل وآجيها من بكره العصر واطق السلف بدون م اشغل السياره والحراره ع C يعني ثلج الموتر ، وتشتغل معي المرآوح وش المشكله ي اخوان بـ مشكلتي الثنتين ووش حلها ؟
آسسف طولت عليكم
التعديل الأخير تم بواسطة Řééℓǎχ7 ; 11-02-2011 الساعة 05:53 PM
~> و مآزآل هذآ المستخدم ينتظر رد :(
اخوي شيك اول شي على افياش المراوح يمكن خش بها مويه
وعندك العلبه في الكبوت حاول تفكها وتنفخها بالهواء عند البنشر
ولو مانفع سوي كشف كمبيوتر الله يكون في عونك
لـآهنت ي خوي ، بيض الله وجهك م قصصرت ، مآزلت بـ آنتظآر آهل الخبره وبـآقي الاعضضاء
شوف وديها ورشه ادا ما عرف علتها وحسيته مو متأكد وديها فحص كمبيوتر عند اي ورشه او عند الوكاله ويطلع لك بالظبط وش علتها
شوف اخوي بالنسبة ل اللمبة أتوقع بشكل كبير انه فيوز من الفيوزات اللي تحت الطبلون جمب الباب
نص محترق روح أي ورشة و قله يشيك على الفيوزات و قيمة الفيوز الواحد 5 ريال و ترا على فكرة شي
طبيعي الفيوز يحترق أما بالنسبة للمروحة ما عندي أي علم بالمشكلة و ان شالله يفودونك الشباب
آلله لايهينكم ، مآزلت آنتظر رد آهل الخبره
>>>>>
المشكلة الاولى ركب لمبة جديدة
الثانية نظف سلك الحساس الخاص بالمراوح اذا نظفته ونفس المشكلة افصل البطارية 30 دقيقة وشغلها مرة ثانية
هذه الخطوات غير مكلفة
اما في حال فشل الخطوات السابقة وبعد التأكد من نسبة الماء في الرديتر يؤسفني قول لك ان حساس المراوح صار له مشكلة وتغييره واجب
قريبا اكيورا فخر صناعة هوندا الامريكية على هوندا العربية
اكيورا RLX 2013
اخي الكريم بالنسبة للمراوح فهذه المشكلة من الكتاوت المنظم لها
وبالنسبة للمبة السقف فيجب ان اكشف عليها
فاذا لم تستطع ان تاتي لمكان عملي بصناعية القديمة بالرياض كلمني على الرقم التالي 0506207852
وابشر بحل المشكلة
بالمناسبة انا اعمل في ورشة البلوي لصيانة السيارات في الصناعية القديمة بداية شارع الجمعية من الشرق
تحت ماذنة جامع الرشيد مباشرة اخوك عثمان
واتمنى لك التوفيق
وديها الوكالة شوف وش يقولون لك , وصلحها برى
جزآكم الله خير ، مآقصرتو وآلله
مواقع النشر (المفضلة)