احذر لف الطارة إلى أقصى مداها ..!

**abdelslam** · 13-02-2011, 04:50 AM

بسم الله الرحمن الرحيم

السلام عليكم والرحمه

أنا قبل فتره لاحظت الصوت الي يطلع اذا لفيت الطاره إلى اقصى مداها

قلت أبسمعه زين يمكن أعرف إيش السبب لفيت الطارة 5 ثواني تقريبآ وأسمع طرررر

عدت الأيام رحت أسوي الصيانة 110,000 <- سويتها عشان الكليبرات فقط

المهم وانا اسويها جاني المختص قالي عندك تهريب في طرمبة زيت الطارة

قلت ليش وكيف ولماذا ومتى وورااه

قال لأنك تلف الطاره لاقصى مداها <-- سبب مقنع

والتكلفه سألته عنها

وجلس يتكلم في هذيان لا بيان
الي فهمته قال اذا حظك حلو بتكلفك حوالي 700 وإذا العكس بتكلفك حوالي 2500

ماني مصلحها كل ماصلحت شيء يخرب شيء

إحذروا لف الطارة

والله الموفق ..

**accord101** · 13-02-2011, 05:17 AM

مشكوووووووووووووووووور على التوجيـــــــــــــــــــــــه
والله يجنبك المشاكل
وتكون في احسن حال ومزاج

**Silver Aurion** · 13-02-2011, 05:30 AM

اي والله الحذر ثم الحذر خصوصا لا جيت وقف يفضل انك تترك الطارة بشكل مستقيم

لان اوقات لا جيت تركب و انت مستعجل و تبي تمشي و تنسى انك لاف الطارة ع الاخير و تعطيها وحده تحس بقهررررررر

**برق** · 13-02-2011, 06:09 AM

و الله الطرمبة هذي شبح مخيف :( ولو خربت أبطلقها بالثلاث و أدوس على قلبي ..

**غاب القمر** · 13-02-2011, 08:15 AM

ياخي والله مشكله .. مرتين لفيت الطاره بقوه الى ان قالت طق

**هاااوي الاكورد** · 13-02-2011, 08:34 AM

يعطيك الف الف عافيه
انا والله لفيتها يمكن ثلث مرات او اربعه الين قالت طق
حسيت قلبي يتقطع

**Accord F15** · 13-02-2011, 11:06 AM

الله يرحم ايامك يالكابرس والله ما كنت اوقفها الا والكفر على اخر رمق :d وقفه استعراضيه

ولا طرمبة دركسون ولا هم بس الاكورد الحين تهرب زيت من علبة البور ووالله ما طرالي اصلحها خلها تقعد

**ashraf rashid** · 13-02-2011, 01:34 PM

مشكووووووووووووووور

**ulv** · 13-02-2011, 07:59 PM

فعلا كلامكم صحيح لف الطاره للاخيير يضر الطاره وصارتلي انا كنت اسمح مثل الحنه لما اكون واقف وبي الف يمين وامشي بس الحمد لله كنت مداوم على الصيانه وغيرو لي الظاهر طرمبه الطاره الهمه على الضماااان الكلام دا لما كانت السياره ماشيه تقريبا حول الــ60000الف
ولو صارت مره ثانيه لاقدر الله من جد بدوس على قلبي و اخذ مسيار عليها ههههههههه تحياتي

**بلال العلمي** · 13-02-2011, 08:57 PM

ان شاء الله هوندا فيه احتمال انها تركب النظام الكهربائي بدل الهيدروليكي على انظمة التوجيه مثل ما سوت مع اكيورا tl والنتيجة مشاكل هيدروليك اقل

**برق** · 14-02-2011, 02:28 AM

المشاركة الأصلية كتبت بواسطة بلال العلمي

ان شاء الله هوندا فيه احتمال انها تركب النظام الكهربائي بدل الهيدروليكي على انظمة التوجيه مثل ما سوت مع اكيورا tl والنتيجة مشاكل هيدروليك اقل

طيب أخوي بلال و حنا وش نسوي بالنظام الهيدروليكي الفاشل

لا شركة تنفع و لا وكالة تشفع ما أدري ليش ما يعترفون بالخلل .

الأكورد توب بس هذا عيبها و صدق اللي قال الزين مايكمل حلاه و الله يرحم أيام الكامري الف

الين طقته يسمعها إللي بآخر الحارة و ما قالت شي بس المكينة تنقص :d ياربي و ين نروح نشتري دركتل و لا شيول يتحمل شوارعنا

**بلال العلمي** · 14-02-2011, 11:44 AM

المشاركة الأصلية كتبت بواسطة برق

طيب أخوي بلال و حنا وش نسوي بالنظام الهيدروليكي الفاشل

لا شركة تنفع و لا وكالة تشفع ما أدري ليش ما يعترفون بالخلل .

الأكورد توب بس هذا عيبها و صدق اللي قال الزين مايكمل حلاه و الله يرحم أيام الكامري الف

الين طقته يسمعها إللي بآخر الحارة و ما قالت شي بس المكينة تنقص :d ياربي و ين نروح نشتري دركتل و لا شيول يتحمل شوارعنا

النظام الحالي بيكون عليه استدعاء خصوصا موديلات 2008 وفوق

بالنسبة للموديلات 2003-2007 مافيه ريبورتات كثيرة عليها في المسافات القصيرة

بس موديلات 2008 وفوق يكون فيها خلل حتى بعد مسافات قصيرة جدا

**برق** · 16-02-2011, 04:42 AM

المشاركة الأصلية كتبت بواسطة بلال العلمي

النظام الحالي بيكون عليه استدعاء خصوصا موديلات 2008 وفوق

بالنسبة للموديلات 2003-2007 مافيه ريبورتات كثيرة عليها في المسافات القصيرة

بس موديلات 2008 وفوق يكون فيها خلل حتى بعد مسافات قصيرة جدا

الله يسمع منك و يشفون لنا حل .

إنثين من الشباب كلهم اسبشل 2008 و المحافظة بوادي و هم بوادي كرف × كرف ماشاء الله

وحدة تعدت 220 الف كيلو فيه أكثر من صدمة و الثانية تعدت 150 كيلو سألتهم عن مسألة

التهريب ويقولون ما لا حظناشي و الأمور ماشية تمام ماشاء الله و الله يبارك لهم و الفايدة من

هالسالفة أعتقد بأن التهريب مسالة حظوظ ليس إلا وش رايك ..؟؟ لأن فيه أعضاء على كلامهم

محافظين و سياراتهم ماشية أقل من 50 الف و تعرضو لنفس المشكلة

**عاشق سيييييفيك** · 14-02-2011, 03:51 AM

أنا اسمع صووت أذا لفيت دركسون السيفيك لكن ما فكرت أشيك عليها مالها داعي يضيقون صدري
الصووت تعودت عليه وصار يطررب.

**acer211** · 14-02-2011, 04:22 AM

يا عمري هاذي سارة معاي طال عمرك بهوندا اكورد 2008 تمام
\وخليتها تقريبا سنه ولا التفت عليها وبعدين رحت وقلت ابغيرها كلفتني 399 ريال من غير السير لانو السير عندي كويس وعلى فكرا والله الوكاله اذا سمعت كلامها تخليك تدفع الي وراك وقدامك

السياره وسيله وليست غايه

تحياتي موري 23030a52

**أغـار يا هـوندا** · 14-02-2011, 03:39 PM

والله اني قد فصلت عظامها :d بس بالغلط بعض الاحيان ما احس

**عاشق السوسو** · 14-02-2011, 07:34 PM

والله آني بعض آلآحيــآن آلف الطــآره بـآلغلط بقووه وآحسس بذيك الطقه اللي تعور القلب لكن يبيلنــآ نــآخذ حذرنــآ منهــآ وللآمــآم يـآهوندآ....

**TARKAN** · 15-02-2011, 02:31 AM

يآ كثرررررر مآ طقطقتهــآآآآ :d

على فككككره ترآ توووني مصصصلحهــآ وكلفتني 1000 تقريبـــآآ ....

**THE SILVER ACCORD** · 16-02-2011, 04:02 PM

وعليكم السلام ورحمة الله وبركاته

مشكور على التنبيه

فعلا المفروض ما نلف الطارة للأخير حتى تطق في اي سيارة

وأهم شيء لا يقربك الزيت الأحمر.. ولازم مستوى الزيت يكون مناسب

بعدين لازم يكون متأكد مو متردد !! لأن فيه فرق بين الطرمبة والدودة والعكس

والقطع هذي مكلفة ...

إلا اذا هم ناوين يقولون لك كل شوي غير قطعة ( ينصبون عليك )

المهم ما انصحك بالاهمال المفرط ( اذا تقدر تصلحها بورشة ممتازة صلحها قبل تزيد المشكلة وتكلفك أكثر )

شطحة : :d

لا تظن اني بخيل .. لكني اكره حركات الاستغفال والنصب و الاستخفاف بالعقول