مشكلة ميلان الكفر (سحب الكفر ) فية احد سواها على الضمان

**بن مغامس2** · 22-05-2009, 08:58 AM

عندي مشكلة في السيارة يوجد حذفة بسيطة

السيارة اكورد 2008

انا رحت للوكالة يوم كانت ماشية الفين وقالولي تعل بعدين وسحبت عليهم

والان السيارة ماشية 26 الف ورحت للعضيب( محل شغلهم جيد ) وفحصوا علي السيارة وقالو لي ان الكفر فية ميلان يبي له سحب ووزن اذرعة تقريبا بـ 500

فما ادري فية احد سواها على الضمان في الوكالة اللي في الرياض

(والله المهنس حق العضيب يقول تجينا هوندات كثيرة فيها نفس المشكلة ولا يصلحونها لهم الوكالة )

**MOHAMMED SS** · 22-05-2009, 12:54 PM

الوكالة مجرد واجهة فقط

ومعظم الاشياء الي تتعلق بالصيانة في الوكالة شي بسيطة

وتستطيع ان تجد خارج الوكالة صيانة افضل وباسعار ممتازة

الشي الوحيد الي يميز الوكالة ونحتاجة هي توفر التجهيزات مثل الفحص بالكمبيوتر

اما الصيانة كالكفرات وتبديل الزيت هاي الشغلات الصيانة في الخارج الوكالة افضل بكثير

**اكورد مودي** · 22-05-2009, 01:45 PM

اخوي بن مغامس
انا اخر مرة رحت للوكالة وقالولي نعملك ميزان للسيارة ب 216 ريال بس مدري اذا كان وزن كامل ولا لا والظاهر انه كامل
وحتى لو شغل العضيب تمام كثير 500 ريال
نصيحتي راجع الوكالة افضل.

**أكورداوي** · 22-05-2009, 02:08 PM

أنا انصحك تشوف الوكاله قبل لعل وعسى عندهم حل على الضمان ,,

أما اذا مانفعت فأنشب لهم نشبة الين يشوفون لك طريقه ثانيه حتى لو يتكفلون بدفع ال 500 ريال للعضيب ,’,

**accordyon** · 22-05-2009, 04:50 PM

شوف يااخوي انا مدري عن2008 و2009 بس كل الأعضاء يعرفون2007 وغثى الفشحه الي في الكفرات الخلفيه دخلت سيارتي تشيك 60 الف وقلت لهم عنها وضبظوها عالضمان طبعاً سولها ميزان؟

تقبل مروري

**المباشر** · 22-05-2009, 05:30 PM

للأسف ماحد يضبط الميزان بتاتآ الا بعض المحلات القليلة جدآ

لكن نصيحتي جرب الوكالة أول

ماتلاحظ ان 500 ريال مبالغ فيها ..

وزن الأذرعة 50 ريال لا غير اذا السالفة فيها سحب وغيره خل نقول 100 ريال بالكثير ولا تزعل 200 ريال بس ماتوصل 500

**B Useful** · 22-05-2009, 07:38 PM

^^ مشكلة هالمحلات حقت الميزان اغلبهم نصابين ^^

خل ناخذ جولة في الصناعية القديمة ..

بتلاقي تقريباً 4 محلات العضيب
4 محلات ميزان المجد
3 محلات ميزان اليرموك

رح عندهم واحد واحد .. كل واحد بيعطيكم 60 الف مصيبة وهمية في سيارتك على انهم نفس الفروع !!
وبقعدون يعطونك من هالاسماء : كرسي كمر ، ذراع دركسون ، ركبة حاشي << ، جلد مقصات ، سحب كمر ، سحب مقص ، تعديل ذراع <<<< 96٪ من الاعضاء ماقد سمعو بهالاشياء انا قبل سنة ونص حدي اعرف الكفر والجنط والهوب !! والاسماء اللي فوق تعلمتها من هالمحلات ... ابد ويجيك العضوا الله يطول عمرة يسمع ذا الاشياء ويفهي ويقول في نفسة ان ماصلحتها الحين بمشي 10 بنقلب ، ويجيك ابو النصابين شغال في المحل يقول نصلحها بـ 800 والقطع عليك !! وادفع يالفاهي !!! والله هذا الواقع والجاهل عدو نفسة .

همهم الاول والاخير زرفك طال عمرك تحت اسماء وهمية : 2 كبس 1 سحب ويقولون بعد لازم ترصيص !!

ياحبيبي ما عرفنالهم !!

ودي يوم من الايام الاقي ميزان وحيد في مكان لو في آخر الدنيا ويكون صادق في كلامة واشوف شغلة قدام عيني ، وادلكم علية ونفتك من هالاسماء المبنية على الكذب ، العضيب واليرموك والمجد وغيرهم ، انا ما اقول ان شغلهم بايخ ... بالعكس ،، والله ان السيارة تطلع من عندهم عال العال .. لكن ليه هالكذب والتناقض الشديد بين الفروع وبين العاملين في هالمحلات ؟؟؟

انا مستعد اصدق لو رحت كل فروع المجد مثلا وقالولي نفس الكلام حرفيا ونفس الاسعار والله لأصلحها وادفع اللي بيونة ..

ابي مصداقية بس ..

اليرموك ، المجد ، العضيب ... كانت مجرد امثلة لا اكثر ، انا لا اتهم احداً لكن فقط مجرد اسماء ولا تحسبون اني حاقد عليهم او اتهمهم في شغلهم :d ابد ..
مجرد اسماء يعني كني اقول فهد وخالد وعبدالله .

واللي يثبت صحة كلامي من عدمة ، روحوا وجربوا بأنفسكم .

**امبراطور الاكورد** · 22-05-2009, 08:22 PM

المشاركة الأصلية كتبت بواسطة كوكو كورد

^^ مشكلة هالمحلات حقت الميزان اغلبهم نصابين ^^
خل ناخذ جولة في الصناعية القديمة ..
بتلاقي تقريباً 4 محلات العضيب
4 محلات ميزان المجد
3 محلات ميزان اليرموك
رح عندهم واحد واحد .. كل واحد بيعطيكم 60 الف مصيبة وهمية في سيارتك على انهم نفس الفروع !!
وبقعدون يعطونك من هالاسماء : كرسي كمر ، ذراع دركسون ، ركبة حاشي << ، جلد مقصات ، سحب كمر ، سحب مقص ، تعديل ذراع <<<< 96٪ من الاعضاء ماقد سمعو بهالاشياء انا قبل سنة ونص حدي اعرف الكفر والجنط والهوب !! والاسماء اللي فوق تعلمتها من هالمحلات ... ابد ويجيك العضوا الله يطول عمرة يسمع ذا الاشياء ويفهي ويقول في نفسة ان ماصلحتها الحين بمشي 10 بنقلب ، ويجيك ابو النصابين شغال في المحل يقول نصلحها بـ 800 والقطع عليك !! وادفع يالفاهي !!! والله هذا الواقع والجاهل عدو نفسة .
همهم الاول والاخير زرفك طال عمرك تحت اسماء وهمية : 2 كبس 1 سحب ويقولون بعد لازم ترصيص !!
ياحبيبي ما عرفنالهم !!
ودي يوم من الايام الاقي ميزان وحيد في مكان لو في آخر الدنيا ويكون صادق في كلامة واشوف شغلة قدام عيني ، وادلكم علية ونفتك من هالاسماء المبنية على الكذب ، العضيب واليرموك والمجد وغيرهم ، انا ما اقول ان شغلهم بايخ ... بالعكس ،، والله ان السيارة تطلع من عندهم عال العال .. لكن ليه هالكذب والتناقض الشديد بين الفروع وبين العاملين في هالمحلات ؟؟؟
انا مستعد اصدق لو رحت كل فروع المجد مثلا وقالولي نفس الكلام حرفيا ونفس الاسعار والله لأصلحها وادفع اللي بيونة ..
ابي مصداقية بس ..

اليرموك ، المجد ، العضيب ... كانت مجرد امثلة لا اكثر ، انا لا اتهم احداً لكن فقط مجرد اسماء ولا تحسبون اني حاقد عليهم او اتهمهم في شغلهم :d ابد ..
مجرد اسماء يعني كني اقول فهد وخالد وعبدالله .
واللي يثبت صحة كلامي من عدمة ، روحوا وجربوا بأنفسكم .

انا مره رحت للعضيب الي بمخرج 5 كان توه فاتح وفيه فحص مجاني قلتله ابغا اسوي ترصيص

قال ماعندنا ترصيص وفحص السياره وطلعلي بلاوي قال تكلف 500 ريال وقال خلاص نسويلك ترصيص

مجانا

ورحت لفرع الثاني طريق الملك عبدالعزيز طلع كلام الاول كله غلط وسويت وزن اذرعه وراحت

الحذفه وعطوني ضمان

**برق** · 23-05-2009, 03:12 AM

المشاركة الأصلية كتبت بواسطة كوكو كورد

^^ مشكلة هالمحلات حقت الميزان اغلبهم نصابين ^^

خل ناخذ جولة في الصناعية القديمة ..

بتلاقي تقريباً 4 محلات العضيب
4 محلات ميزان المجد
3 محلات ميزان اليرموك

رح عندهم واحد واحد .. كل واحد بيعطيكم 60 الف مصيبة وهمية في سيارتك على انهم نفس الفروع !!
وبقعدون يعطونك من هالاسماء : كرسي كمر ، ذراع دركسون ، ركبة حاشي << ، جلد مقصات ، سحب كمر ، سحب مقص ، تعديل ذراع <<<< 96٪ من الاعضاء ماقد سمعو بهالاشياء انا قبل سنة ونص حدي اعرف الكفر والجنط والهوب !! والاسماء اللي فوق تعلمتها من هالمحلات ... ابد ويجيك العضوا الله يطول عمرة يسمع ذا الاشياء ويفهي ويقول في نفسة ان ماصلحتها الحين بمشي 10 بنقلب ، ويجيك ابو النصابين شغال في المحل يقول نصلحها بـ 800 والقطع عليك !! وادفع يالفاهي !!! والله هذا الواقع والجاهل عدو نفسة .

همهم الاول والاخير زرفك طال عمرك تحت اسماء وهمية : 2 كبس 1 سحب ويقولون بعد لازم ترصيص !!

ياحبيبي ما عرفنالهم !!

ودي يوم من الايام الاقي ميزان وحيد في مكان لو في آخر الدنيا ويكون صادق في كلامة واشوف شغلة قدام عيني ، وادلكم علية ونفتك من هالاسماء المبنية على الكذب ، العضيب واليرموك والمجد وغيرهم ، انا ما اقول ان شغلهم بايخ ... بالعكس ،، والله ان السيارة تطلع من عندهم عال العال .. لكن ليه هالكذب والتناقض الشديد بين الفروع وبين العاملين في هالمحلات ؟؟؟

انا مستعد اصدق لو رحت كل فروع المجد مثلا وقالولي نفس الكلام حرفيا ونفس الاسعار والله لأصلحها وادفع اللي بيونة ..

ابي مصداقية بس ..

اليرموك ، المجد ، العضيب ... كانت مجرد امثلة لا اكثر ، انا لا اتهم احداً لكن فقط مجرد اسماء ولا تحسبون اني حاقد عليهم او اتهمهم في شغلهم :d ابد ..
مجرد اسماء يعني كني اقول فهد وخالد وعبدالله .

واللي يثبت صحة كلامي من عدمة ، روحوا وجربوا بأنفسكم .

كلااااااااااااااام صحيح أصلآ كلهم واحد يعني المحلات للعضيب بس عيال عم بس غيرو اسم المحلات فقط..!!!

أنا رحت لهم وطلعلي بلاوي والموتر مافيه شي بس يبي وزن أذرعة وقال تكلف مبلغ باهض ماذكر بالضبط

المهم كلمت واحد له علاقة بالورش قال ولا يهمك ارسلني على فني وقاله كلام إللي فهمته صلح له التالف فقط

لا تزيد من عندك وبعد الكشف راح اكثر من نصف الاعطال إللي طلعوها في البداية المهم صلحت السيارة

بس شغلهم ماهو على شهرتهم رجعت لهم كم مره ماضبط الموتر 100% صلحو شي وخربو أشياء وكان

وزن الاذرعه بالكمبيوتر و الكميرات ماهو وزن عادي مع ذلك ما صار مضبوط زي ماتوقعت وأتوقع يفرق

فرع عن فرع يعني فروع الصناعية القديمة أفضل من غيرها والفرع إللي على طريق الميه يسبونه يمكن

عشانه جديد ولكن أخوي صاحب الموضوع إسأل بس عن أصحاب الميزان يمكن تلقى أفضل من العضيب

لأن العضيب غاااااااااااااالي يمهطك مهط والراي لك بس انا ماراح أتعودها و أروح لهم وربي يوفقك

**بن مغامس2** · 24-05-2009, 07:29 AM

الله يعطيكم العافية
عالعموم شكلي بروح للوكالة وبناظر ابو هاشم وش يطلعنا بة

**نحيب الاماكن** · 24-05-2009, 02:44 PM

ياخوي نصيحتي لاتسوي سحب للكفر روح الوكاله احسن

لاني يام سويت سحب ويرجع الكفر مع الوقت لميلان

قالي مهندس زي كذ1 السحب مو حل

**Accord_Akkawi** · 24-05-2009, 02:59 PM

حبيبي صيانة الوكاله نصاااااااابيـــــــــــن
خلك نشبه وارفع صوتك عليهم
تراهم ما يستحون :
p انا كان عندي حذفه يمين قوية مو بسيطة
يعني ما اقدر اترك الطارة اكثر من 3 ثواني
وصلحوها " ميزان بس " والحمد لله الحين مافيها شي
وهذا من اول ما طلعت الموتر وما صلحتها الا ععلى صيانة العشرين الف
ولي موضوع عن معاناتي معهم إقراه بيفيدك عشان تعرف كيف تتصرف مع هالأشكال
وش انت دافع فلوس حق الموتر عشان يكون فيه اعطال

**فلفل حار** · 14-02-2011, 07:03 PM

تحياتي اخوي انا عندي نفس امشكلة ويحت صناعية الشركة غرب الرياض وقالولي سيارتي مقلوبه ويبيلها سحب شاص انا شاريه مستخدمه بغت تجيني جلطة بسم الله علي ههه وقمت اسب والعن وطفش من جد وانا قاعد اور في الرياض ورحت بعدها لصناعية ام الحمام محل رقم 10 عند واحد اسمة محمد عبدوه وقلتله السالفه وفحص السيارة وقعد يضحك علي قل لامقلوبه ولا شي عندك ميلان حاجة بسيطة اسويها لك 100 ريال وزن اذرعة مع طارة 50 ريال وضمان شهرين وسويتها والحمدالله الوضع تمام لين قلب فتره رجعة الحذفة قالي واحد من اصحابي الهوندا مايصلح معها الا الترصيص الارضي بس وباقي ماجربت الترصيص الارضي بس انت رح صناعية ام الحمام وتلقى من يصلحها لك
وانشاالله ماطولة عيكم تقبلو تحياتي