الموضوع: صيانة عبدالله هاشم والضحك على الذقون

الأخوة الأعزاء تحية من الله عليكم

شاء الله علي وقررت الذهاب بسيارتي هوندا أكورد 2009 للصيانة الأربعين ألف بعد أن سحبت على الصيانة من بعد العشرين ألف وياليتني لم أفعل ؟؟؟

البعض ذكر أهمية صيانة الأربعين ولكن للي سيارتة بخير وعافية فالأمر لايتعدى تغيير زيت والدليل يأتي لاحقا.

ذهبت للموظف وذكرت له رغبتي بصيانة الأربعين فأخذ يسألني هل توجد ملاحظات فقلت له لاشيء مهم عدا الولاعة الي ماتشتغل ومساحات المويه التعبانين.

قال طيب والقماشات قلت له الوضع تمام وذهبنا معا ليتفحص السيارة فذكر أن القماش الخلفي يحتاج تغيير وكذلك الكليبر الذي يغيربالمجان قلت طيب أنت أبخس مع أني لا أحس بمشكلة
زمع الحديث ذكرت له وجود رجفة في السيارة بسيطة خصوصا الصباح مع تفتفة فقال على طول ننظف البخاخات فقلت له أذا كان الأمر يستحق فليكن ومشيت عنه على وعد الأستلام في نفس اليوم.

ذهبت وقلبي ماكلني فاستعذت بالله وقلت خير وأنتظرت الأتصالفي نفس اليوم فلم يتصل أحد وفي صباح البوم وعلى بال مارفع الأخ أسألة عن السيارة فيقول سأعاود الأتصال بك ولكن لاحياة لمن تنادي فأعدت الأتصال بعد ساعة وعشرين دقيقة فرفع وكان منزعج شوي ويقول أذيتنا ياخي فسألتة أيش صار وكنت في طريقي مع زميلي للوكالة وبكل برود يقول دقيقتين وأكلمك ؟؟؟؟؟؟ فقلت في نفسي عش دهرا ترى عجبا وبعد خمس دقائق الو سيارتك ماخلصت وتعال الظهر أستلمها !!!!! قلت في نفسي بيدي لابيد عمرو وأيش فيها محطةبترومين الي عندالبيت تشوف شغلهم بنفسك وبتراب الفلوس

ذهبت لأستلام السيارة والفاتورة 1600 وشوية الجماعة غيروا لقماشات مع أني متأكد من عدم أنتهاء العمر الأفتراضي بس غلطتي أني عطيتهم الثقة والضوء الأخضر من باب أهل مكة أدرى بسيارتهم :d وماأنسى 200 ريال للبخاخات الي ماصدقوا و نظفوهم وأتحدى أنهم شيكوا الحاجة لذلك بس المال السايب يعلم السرقة.

رجعت البيت والكرسي مكيس بكيس هوندا ب 1600 ريال بس وقلت السالفة لوالدي فقال لي قلعتك وش لك بالوكالة قوم باخليك تعرف أنهم ماعندهم سالفة قلت كيف قال أقتح الكبوت قلت صار والله الغظيم ومن عطاني عيالي ماي المساحات حق تنظيف الزجاج الأمامي مو مزيود وعلى حالته يعني أذا هالشي التافة وأنا مغير المساحات ب 144 ريال ماسووة تبين أثق يبصيانة الأربعين ألف الي مسوين بوكليت ولسته لها أول مالها ثاني على التشييكات الي تصير على السيارة فحد ث العاقل بمالايعقل فأن صدقك فالعقل له.

ومن اليوم طلاق للوكالة لارجعة فيه وقصتي أمامكم وأبي رأيكم

أرجع