قطع مشابهه للاكورد 03_07

**كلي نغم** · 17-02-2011, 02:53 PM

هل في قطع سياره مشبهه للاكورد 2003_2007 مثل المساعدات او كراسي المكينه وغيرها ارجو الافاده

**B Useful** · 17-02-2011, 03:35 PM

قصدك انواع القطع ؟؟
فية اصلي
وفية ياباني
وفية ياباني سيئ
وفية تجاري سيئ

بالنسبة لي ..

فحمات وهوبات واذرعة ومقصات ومساعدات صامولة الجنوط .. ما اخذ الا اصلي لأن الاداء وطول العمر واضح وكويس فيها .. اما اخذ مساعد ياباني ولا تجاري .. ما يصبر ويعيش مثل الاصلي .. ابداً ولا حتى نفس الاداء ..

شغلات ثانية / صدام ، كلبسات ، مثلث منكسر ، غطا جنط ... هذي عادي اخذ تجارية لأنها اكثر شي يتعرض للتلف والسرقة والترميل والحكات الغبية ...

شغلات ثانية / مكينة قزاز ، سنتر لوك ، قفل شنطة ... هذي اخذ ياباني ، لانها نفس صناعة الاصلية وبأقل من نصف سعر الاصلية و تعطي نفس الاداء والعمر ..

سويت غلطة في حياتي .. سنتر لوك ركبت تجاري .. مو ياباني ،، يعني شكلة يختلف كلياً ويركب على اي سيارة .. شفة الحين خربان ولا يمديني اركب اصلي مرة اخرى الا بتغيير اسلاك الباب !

تحياتي لمن يحسن التصرف والتفكير

**Accord F15** · 17-02-2011, 05:41 PM

^^^
الرجال شكله ما يقصد كذا يقصد ان هل مثلآ قطع 2003 تركب على الـ 2007 هذا اللي فهمته
+
اللي اعرفه ان قطع المكينه تركب على طول لأنها نفس المكينه بشرط انك ما تركب شيء حق اربعه سلندر للسته

**The Accord V6** · 18-02-2011, 12:24 PM

الشغلــه صارت مثل اللغز ... كل واحد يحلل من عنده ... :d بس أنا اللي فهمته إنه يقصد هل في قطع للسيارات أخرى من شركات أخرى ( كامري - سوبارو - مازدا ) قطعها مشابهة لقطـع الأكورد 2003 - 2007 ...

أكيد لا يالغالي ... إلا أعتقد في الشمعات لأن مقاساتها موحده في جميع السيارات .. يعني لو تطلب شمعة كورولا 2009 تركب على الأكورد لأن مقاسها واحد 9006 (( الشمعة اللي هي اللمبه الصغيرة - Bulb ))

بالتوفيق ...