على حسب ما سمعت انه الضمان على 1000 كيلو الباقي له رسوم ماادري للي عنده خبره يفيدنا موتري 96
السلام عليكم ورحمت الله وبركاته
ياشباب ابي اسئل انا سيارتي اكورد 2007 سويت فحص 1000
وسويت فحص 5000
الحين السياره ماشيه 10300 اذا سويت صيانه 10000 تصير علا الضمان
لان فيها خراب بجسر الفتحه هل اذا وديتها للوكاله يصلحونها علا الضمان ولا يقولون ليش تزود 300كيلو وش تنصحوني اوديها اي وكاله خريص او الخالديه ابي فرع يكون مافيه زحمه لاني عندي دووووووووووووووووام انا من سكان شمال الرياض وضنكم متى تخلص ومتى ادخلها
ياليت تردووووون باقرب وقت ودمتم سالمين:d
على حسب ما سمعت انه الضمان على 1000 كيلو الباقي له رسوم ماادري للي عنده خبره يفيدنا موتري 96
والله يالحبيب انا رحت لهم قبل اسبوعين وعطوني موعد بعده بأربعه ايام وبالنسبه للزياده عادي مافي اشكاليه
بس لازم تاخذ موعد لو فيه زحمه وانا ماروح الا الي في الخالديه اقل زحمه واسرع باعتقادي
صيانة 1000 كلم مجانا
اما الباقي 5 الاف وعشرة الاف وخمسة عشر الف وعشرين الف .........الى اخره برسوم ولعل اغلاها صيانة 40 الف و80 الف قيمتها 1000 ريال صيانة وشغل يد فقط ولاتشمل قطع الغيار الاستهلاكيه كالفرامل والفحمات وغيرها
قيمة صيانة 10 الاف 300 ريال
هذا مالدي والله اعلم واتمنى من الاخوه الكبار في هذ المنتدى محاولة الحصول على قيمة الصيانه ونقاط الفحص التي تحصل في كل صيانه لاني رايتها في كتالوجات بالعربيه لدى الصيانه
عادي تقدر تدخلها لصيانة ال 10 آلاف
و انصحك تدخلها لفرع الخالديه اقل زحمه و افضل شغل
صيانة 10 الاف كيلو زائد تغيير الزيت والفلتر بتكلفك 416 ريال ينطح ريال
وتدخلها عادي حتى لو معدي كم مية او الف كيلو بس لازم تاخذ موعد اول
والفتحه قلهم عليها وبيصلحونها على الضمان
انا كان عندي صوت طقطقه بالفتحه وصلحوها على الضمان بصيانة 40,000 حتى الغطاء الداخلي صار يفتح ويقفل بسهوله >>> اول كان متجمع اوساخ داخل مجرى الفتحه ونظفوها
المهم ياخوي لاتوفر شيء حتى لو فيه رجه بالكفرات قلهم يسوون ترصيص ترى كلش على الضمان
المهم انا كل تجاربي مع صيانة طريق خريص عيبهم الوحيد الزحمه عشان يجيك موعدك ولا السيارة لو تدخل العصر تاخذها العشاء >>> واذا فيها مشاكل مثل الفتحه او غيره بتاخذها من بكره العصر
التعديل الأخير تم بواسطة الاخطبوط ; 16-09-2007 الساعة 01:51 PM
الاخطبوط كان هنا
طيب كيف احجز وياليت توصفون لي فرع الخالديه
من وين اخذ موعد وياليت توصفون فرع الخالديه
مواقع النشر (المفضلة)