الصيانه وما ادراك ما الصيانه

**امبراطور الاكورد** · 16-09-2007, 03:50 AM

السلام عليكم ورحمت الله وبركاته
ياشباب ابي اسئل انا سيارتي اكورد 2007 سويت فحص 1000
وسويت فحص 5000
الحين السياره ماشيه 10300 اذا سويت صيانه 10000 تصير علا الضمان
لان فيها خراب بجسر الفتحه هل اذا وديتها للوكاله يصلحونها علا الضمان ولا يقولون ليش تزود 300كيلو وش تنصحوني اوديها اي وكاله خريص او الخالديه ابي فرع يكون مافيه زحمه لاني عندي دووووووووووووووووام انا من سكان شمال الرياض وضنكم متى تخلص ومتى ادخلها

ياليت تردووووون باقرب وقت ودمتم سالمين:d

**يامطنش** · 16-09-2007, 03:59 AM

على حسب ما سمعت انه الضمان على 1000 كيلو الباقي له رسوم ماادري للي عنده خبره يفيدنا موتري 96

**عـبـادي عـاشـق هـنـادي** · 16-09-2007, 04:29 AM

والله يالحبيب انا رحت لهم قبل اسبوعين وعطوني موعد بعده بأربعه ايام وبالنسبه للزياده عادي مافي اشكاليه

بس لازم تاخذ موعد لو فيه زحمه وانا ماروح الا الي في الخالديه اقل زحمه واسرع باعتقادي

**hmh023** · 16-09-2007, 06:44 AM

صيانة 1000 كلم مجانا
اما الباقي 5 الاف وعشرة الاف وخمسة عشر الف وعشرين الف .........الى اخره برسوم ولعل اغلاها صيانة 40 الف و80 الف قيمتها 1000 ريال صيانة وشغل يد فقط ولاتشمل قطع الغيار الاستهلاكيه كالفرامل والفحمات وغيرها
قيمة صيانة 10 الاف 300 ريال
هذا مالدي والله اعلم واتمنى من الاخوه الكبار في هذ المنتدى محاولة الحصول على قيمة الصيانه ونقاط الفحص التي تحصل في كل صيانه لاني رايتها في كتالوجات بالعربيه لدى الصيانه

**accord 06** · 16-09-2007, 10:10 AM

عادي تقدر تدخلها لصيانة ال 10 آلاف

و انصحك تدخلها لفرع الخالديه اقل زحمه و افضل شغل

**الاخطبوط** · 16-09-2007, 01:48 PM

صيانة 10 الاف كيلو زائد تغيير الزيت والفلتر بتكلفك 416 ريال ينطح ريال

وتدخلها عادي حتى لو معدي كم مية او الف كيلو بس لازم تاخذ موعد اول

والفتحه قلهم عليها وبيصلحونها على الضمان

انا كان عندي صوت طقطقه بالفتحه وصلحوها على الضمان بصيانة 40,000 حتى الغطاء الداخلي صار يفتح ويقفل بسهوله >>> اول كان متجمع اوساخ داخل مجرى الفتحه ونظفوها

المهم ياخوي لاتوفر شيء حتى لو فيه رجه بالكفرات قلهم يسوون ترصيص ترى كلش على الضمان

المهم انا كل تجاربي مع صيانة طريق خريص عيبهم الوحيد الزحمه عشان يجيك موعدك ولا السيارة لو تدخل العصر تاخذها العشاء >>> واذا فيها مشاكل مثل الفتحه او غيره بتاخذها من بكره العصر