كم تكلفة زيت القير في الوكالة ووش اغير بعد 100 الف أكورد 2008
السلام عليكم ورحمة الله وبركاته
انا معاي هوندا مستلمها من اخوي تقريبا من بعد مامشى عليها 80 الف والحين هي ماشية 104 الف تقريبا
رحت لأكثر من ورشة وقالوا لي تقريبا نفس الكلام
زيت القير محترق وزيت الدركسون يحتاج تعبئة وموية الراديتر تحتاج تعبئة
دخلت المنتدى وقريت مواضعي كثير تخص زيت القير فـ الكل اجمع على ان التغير في الوكالة افضل
انا ابغى اسئلكم تغيير زيت القير مع الفلتر الخارجي في الوكالة كم يكلف
بالاضافة لزيت الدركسون والموية كلها في الوكالة كم تكلف
ووش الاشياء اللي احتاج اغيرها بعد 100 الف :o
السيارة أكورد 2008
وعليكم السلآم ورحمة الله وبركاته
تكلفه تغير زيت القير في الوكآله بـ 192 ريال
وفلتر القير الخارجي قيمته 92 ريال + التركيب تقريبآ95 ريال
الاشيآء الاساسيه الي لازم تغيرها بعد ما مشى موترك 100
البواجي
فلتر المكينه
فلتر المكيف
فلتر البنزين
وبنسبه لزيت الدركسون انتبه لا تركب الا زيت هوندا الاصلي تشتريه من الوكاله بـ45 ريال
ومويه الاديتر اشتري مويه وعب الاديتر
^^
كل هذي الاشياء ممكن تسويها انت بنفسك احس من الوكاله
الوكاله غاليه مره مره :d
^^^
اضافه الى سير المكينه الخارجي ...
يعطيكم العافية شباب بس ياليت تذكرون لي اسعار القطع المذكورة لاهنتم
دي الاسعار طازه من الوكاله ومحلات قطع الغيار كمان << ايش تبغى اكتر :d
الاسعار كالتالي :
بواجي : 297 ريال 4 حبات طبعا
3 علب زيت جربوكس : بـ 135 ريال - 120 ريال ( محلات قطع الغيار ) وانا حصلتها بـ 105 في محل تاني
زيت مكينه : العلبه : 15 -14 ريال
فلتر الزيت : بـ 17 ريال
سير المكينه الخارجي : 262 ريال - 160 ريال ( محلات قطع الغيار ) وفرق السعر غريب الصراحه ولما سالت الوكاله
قالوا اكييد مو اصلي .. ورجت لحق قطع الغيار قالي انها تجي برقمين للقطعه .. واحد غالي والتاني رخيص !!
فلتر الهوا : 115 ريال - 110 ( محلات قطع الغيار )
فلتر المكيف : 300 - 220 مو متاكد ( محلات قطع الغيار )
قماش امامي : 255 ريال - 240 ( محلات قطع الغيار )
قماش خلفي : 268ريال - 210 ( محلات قطع الغيار )
تقبل مروري
فلتر المكيف موجود عند المشرف مباشر
بسعر مغري :d
انا ما بخوفك لكن الله يعينك اذا الزيت محترق ممكن اول ما تغير الزيت يروح القير وهذي عن تجربة وقيمة توضيب القير في الوكالة 11000 ريال
ان شالله ما تحتاج هالشي ويمشي معك الزيت الجديد وبالتوفيق يا غالي
يعطيكم العاية جميعا
اخوي abuseef_81 طيب وش الحل اغير الزيت ولا ما اغيره
ولا اغير علبة كل اسبوع ولا كيف لاهنت
المشاركة الأصلية كتبت بواسطة abuseef_81
ما هو سبب احتراق الزيت اذا مشيت على السيارة اقل من مائة الف ؟ (مو المفروض زيت الجير يخدم الى 100 الف؟)
والله ياخي الوكاله عندنا هنا في الجبيل حسبنا الله عليهم غالين
يعني قبل فتره سألت عن البواجي يقول لي بـ 450 ريال تقريبا والله يا أنا جلست أحوس عشانها
ولا شريتها للحين بصراحه غاليه جدا
وفلتر الهواء يوم سألت عنه قالوا لي بحدود 150 ريال
ياناس وش السالفه الجبيل ليش كذا حراميه وبزياده
غير زيت القير وماتخاف ان شاء الله
البواجي اليوم سآلت عنها 372 ريال
حسبي الله عليهمالبواجي اليوم سآلت عنها 372 ريال
بس أتوقع هذا السعر قبل الخصم
يعني سعر الحبة 93 ريال
بس أنا لمن رحت قبل شهر كنت ناوي أغير البواجي قالي بعد الخصم 279 ريال
يعني سوااالي خصم 25 %
بس قلت الشهر الجاي
والله اخوي ما ادري لكن مالك حل الا انك تغير الزيت جرب ان شالله ما قدامك الا الخيرلكن بعد التغيير انتبه لنقل القير من 1 الى 2 الى 3 اذا يطول بالنقل اعرف ان الكلتشات لازم تتغير
وهذي اخف بلاء اما اذا كانت البطيخة المشكلة فالله يكون بعونك
انا حاسس اني عيشتك بفلم رعب وكلها لربك وان شالله خير
بالنسبة للاخ الي يقول يمشي على الزيت 100 الفنصيحة لا تسويها وحافظ على القير بالتغيير المستمر لزيت هوندا الاصلي فقط Z1 سعر العلبة 42 ريال وكل 40 الف كم غير
وبالتوفيق للجميع
ضوابط المشاركة
رد مع اقتباس
مواقع النشر (المفضلة)