المشاركة الأصلية كتبت بواسطة برق
أخوي السيارة 2008 و ممشاها 49 الف و سعرها خيالي ( رخيصة ) بصراحة مستغرب 
من عدة
أشياء و أتوقع فيه شي ولكن ماهو أكيد أنت من يحكم على السيارة بما أنك جربت قيادتها و
تشاهدها أمامك. على كل حال
نفس المواصفات نفس الموديل هذي أحصل أسعارها من 60 إلى 63 الف بالراحة .
الموديل 2008 و الممشى 49 و فيها تهريب زيت هذا مدعاة للشك . على ما أعتقد البريدي
يعطيك تقرير عن الممشى الحقيقي لسيارة عن الطريق الكشف الإلكتروني .
هناك أشخاص أعرفهم قطعوا 200 الف كيلو ماشاء الله تبارك الله على أكوردات 2008 و مافيها
من المشاكل إللي ذكرت خصوصآ تهريب الزيت و التصفية والسيارة تعتبر جديدة لم تقطع سوى
50 الف كيلو . لا تستعجل بالإصلاحات و التعب إفحصها مرة أخرى و لو جابت قيمتها طيرها
لأنها لو كانت بالفعل نظيفة و ممشاها قليل ما باعك بالقيمة هذي .. قبل اسبوع أكورد 2009
ممشاها 50 الف تقريبآ بيعت ب 69 الف ريال و فيها رش بسيط جدآ ولا أقصد كلما
صارت قيمة السيارة مرتفعة دليل النظافة ولكن مثل ماقلت لك تأكد و كلامي مجرد
توقعات و إستنتاجات فقط يحتمل الصحة و الخطأ
والله نصائحكم يالغالين على راسي .. والله يكثر من امثالكم
من ناحية قلة الممشى بصراحة انا بعد استغربت مثلك بس شفت استمارة الفحص الدوري بتاريخ 26 /12 /1431 هـ كانت قراءة العداد 049747 .. والسيارة مسجلة بمحطة فحص الرياض من تاريخ 11/8/1429هـ .. ولقيت بعض السيارات ممشاهم اقل بعد ونفس الموديل ولقيت 2009 ممشاهم في العشرينات .. وهذا اللي خلاني اثق نوعاُ ما .. كما اني لقيت عليها كفر وكالتها ميشلان باقي فيهم كثيييير ونقشتهم سليمة .. والاسبير ما عمره طب الأرض جدييييد .. بس انهم قاسين واجد واشتريت بدالهم قوديير .. وابي أحسن الظن وان شاء الله ان هذي الحركة ماصارت ..
ومن ملاحظة استخدامي للسيارة ما شاء الله ممشاها زين وراسية ولا فيها حذفات ومشاها هادي ولا فيه اصوات أو اهتزاز على أي سرعه ويوم جبتها من الرياض للشرقية كنت امشي عليها حدود 180 << وساهر بعد حلف علينا مانمسك خط الشرقية الا بصورة وماقصر صورنا بـ 500 ريال << صورة تعور القلب !
من ناحية التصفية انا سويت حركة ما أدري يمكن منها .. رحت بغير بواجي لقيت سعرها بـ 340 تقريباً وماكان عندي فلوس تكفي واشتريت بواجي كيا نفس الشكل والحجم والرقم .. وهذا بعد ما استشرت واحد من المكنيكية .. حتى انه قال هذا ما يأثر اللهم هي شرارة واحتراق وما أدي وشو بعد ... المهم شريتهم وركبتهم وعادي الوضع .. بس يمكن نزول الريس منهم .. ما أدري والله <<< بس احساسي يقول اني جبت العيد :d
ملاحظة : نظراً لاهمال صاحب السيارة الأول في الصيانة الدورية بالوكالة .. حيث اتضح بالأمس من رحت للوكالة ان دفتر الصيانة ليس فيه الا الصيانة المجانية 5000 .. وكان هذا السبب كافي في عدم قبولها ع الضمان <<<< حظ الورش 
تشرفت بوجودك .. تحياتي لك ،،،
رد مع اقتباس
مواقع النشر (المفضلة)