الموضوع: حذفة في الاكورد

اولا تأكد من ضغط الهواء بالكفرات وخله كله متساوي
يمكن تقولي انا متأكد

بس انا اقول لك كان عندي حذفه الييييمه ادخل منعطفات وانا فاك يدي

كانت جنوطي 15 يوم إني غيرتها بكفرات جديده وبجنوط 16 راحت الحذفه


يارب إني افدتك

ما اتوقع انها مشكلت كفرات
لاكن انشالله الشباب يفيدونك

يعطيكم العافية وبانتظااااار المزيد

المشكله هذي كانت عندي بالضبط

اذا تركت الدركسون خاصه على خط محفر السياره تهج فيني

واذا كنت محمل احد معي او اغراض نفس الشي تميل

جلست حالتي المزربله فتره طويله

في يوم من الايام كنت بسافر لقطر بموتري فتعرف غيرت زيت وتشييك عالكفرات ومن هالامور

الى ان وصلت الى وزن الاذرعه والمقصات!! رحت العضيب قلت ابي وزن اذرعه ومقصات قال طيب!

شوي يجيني يقول موترك معدووووم وهو وجهه مثل كذا:d

وانا وجهي مثل كذا

قلت وشفيه؟؟؟

قال الكمر عندك مايل يبيله سحب وميزان لان الكمر اذا صار مايل مهما تسوي ميزان يرجع المقص يميل

ويبيلك سبندلين قدام ومقص يمين جديد لان متعفطات قلت ما امداني مغيرها قال ادري بس الكمر مايل وميلهم معاه

قلت حسبنا الله ونعم الوكيل

طبعا طلعت تكلفتها فوق 4000 الف بس شغل يد والقطع 800 قلت لا ابوك لابو الي يصلح

واقرا وردي واستغفر وامسك الخط وانا مجود الطاره وعلى اعصابي والحمد لله يوم رجعت صلحتها وراحت الحذفه والاصوات والرجه ورجع الموتر افضل من وكالته

اعتذر عن الاطاله

وشكرا