الزمن دوار وصادني ((الا حرقني وغدر فيني))

**$$الدولار$$** · 18-09-2007, 10:38 PM

ما اطول عليكم لاني والله احس اني فقد واحدة من يدني ولا رجليني الا والله قلبي

قدر الله اليوم وانا راجع من المعهد وما شي على اقل من مهلي فتحت الاشارة ومشينا كان فيه زحمة قدامنا وقفنا ((من قوت الزحمة ))ولا دريت الا دي الطعس شايلني من الخلف

وانزل الاهو عادم علي الباب حق الشنطه والصدام والاسطبات

انا خلاص احس اني لازم اذبحة اشويه وش اسوي فيه

انتظرنا الين جو الجماعة واخذو الاوراق وقالو راجعونا بكره

السيارة يا جماعة ما دري وين ازينها الوكالة قلوا ((8000)) وانا بصراحة لو انها بعد رمضان ما علي......... بس في رمضان وقبل العيد يعني الميزانية خربانه

تنصحوني بورشة شعلهم مجرب ومضمون من ناحية الدهان والتركيب والنظافة
واعذروني على الاطالة بس والله احس اني ارتاح وانا اشكي معاناتي

**B Useful** · 18-09-2007, 10:52 PM

انا ما ارح اقول الحمد لله على السلامة ,,,

اقولك خل عنك الشماتة يا عبد المحسن ,,,,

الله يكون في عونك ,,,

نزل الصور اول ,,,

واذا الرجال عطاك الفلوس او التأمين حقة ,,,, روح الوكالة ,,,

**$$الدولار$$** · 18-09-2007, 10:53 PM

مشكور يا الغالي على الموساه بكرة بتشوفها على الطبيعه بالمعهد

**B Useful** · 18-09-2007, 11:09 PM

ان شاء الله بسيطة ياراجل ,,,

واذا الوكالة قالو 8000 يعني برة الوكالة اذا كثرت 2500

**integra91** · 18-09-2007, 11:25 PM

الحمد لله على السلامة قبل كل شيئ ، قدر الله وما شاء فعل
إذا قدرت تصلحها بالوكالة أفضل ، حفاظاً على الأداء والقيمة

تحياتي

**just 4 u** · 18-09-2007, 11:36 PM

$ الدولار $

الحمد على السلامة .. دامك طيّب هذا المهم
والحـال من بعضه ترا ..

**تويتي** · 19-09-2007, 05:16 AM

الحمدلله على سلامتك اخوي

وان شاء الله يفيدونك الشباب في الورش
في ورشه بصناعيه الشفاء متخصصه بهوندا عند مخطط تلال الشفاء شغلهم كوويس انا ما جربته حتى ابري ذمتي اخوي يضبط موتره هناك
واعيد واكرر الشباب يفيدونك اكثر مني ان شاء الله

**أبو عــزوز ..** · 19-09-2007, 09:48 AM

الحمد لله إنك سالم .. هذي أكبر نعمة .. والله يعوضك خير ..

أشوف الحوادث كثيرة بين الأعضاء .. الله يكفينا المصائب

**mohammad.55** · 19-09-2007, 10:02 AM

الحمد لله على سلامتك ،،،

**الجليـــد** · 19-09-2007, 10:42 AM

السلام عليكم يا اخوي الدولار ....

اولا ً الحمد لله على سلامتك و مادام انك في صحة و سلامة الحديد بدالة حديد ... نصيحتي

انا صار معي مثلك بالضبط توني مطلع سيارتي اكورد 2007 ماشي عليها اربع مية كيلو بس و لا ذاك المصري يقشني من ورى و خذى معاه الشنطة و الصدام و الاصطب ... و صلحتها في الوكالة نتيجة لنصيحة العيال...
المهم : لا تصلحها الا عند الوكاااااااااااااااااااااااااااااااااااااااااااااا لة لان فيه شباب صار معهم نفس القصة وصلحوها في الورشة حقة هوندا اللي في الشفاء و بعد فترة تغير لون مكان الصدمة عن باقي السيارة وصار شكلها خلفه ... لأن لون السيارة ما يضبطه الا الوكالة على الكمبيوتر ..
وصدقني في النهاية بترجع للوكالة بعد ما يتغير عليك اللون .. نصيحتي من البداية رح لهم لو تتسلفها ولا يلعب فيها ابو بنقال ...