شوف اذا جات للتفتفه يبغالها تنضيف بخاخات ......والله اعلم
وفيه حل بس يتعب شويه تجيب سيارتك لجده عند هوندا فرع المينا هناك اهل الاختصاص
الله يعينك ياوجه السعد
السلام عليكم
في البداية أتمنى منكم يا شباب مساعدتي للي عنده خبر بالمشكلة التالية ولحد يبخل علينا برأيه السديد.
قبل أسبو ع شغلت السيارة بروح الدوام ولا حظت أنها ثقيلة شوي و إذا رفعت رجلي عن البنزين أمبير الضغط يتذبذب شوي .وصارت ألحين تغير سرعات القير على كيفها مره تغير بسرعة ومرة تخلي السيارة تحن بعدين تغير وإذا رفعت رجلي عن البنزين صارت تهدي بسرعة كأنك ضاغط الفرامل بعدين ترجع طبيعي .
مريت وكالة الخالدية قالولي يبيلك برمجة ؟ سووها وما راحت المشكلة . قلت باروح وكالة خريص يمكنهم أزين ,ركب معي مدير الورشة ولاحظ المشكلة قال لي خل السيارة عندنا قلت أبشر ,دقوا أمس علي ويوم جيت: إلى السيارة ما تغيرت قالولي الحرمية شيكنا على الكهرب>>سليم والقير>>سليم والحساسات سليمة؟؟؟ والحل ياهنود قريح قالوا هذا اللي عندنا , رحت ومريت جيركو اللي في الصناعية قالوا الحساسات والكهرب سليم مالك الا الوكالة دامها على الضمان ,وأنا متردد يا شباب ودي أوديها لورشة الجنوب أو أي ورشة ممتازة تعرفونها لعل الله ينفع بكم,ما أدري بواجي أو صفاية بنزين أو الدعسة نفسها , آمل التفاعل يا شباب,علما" أني إذا مشيت 120 أحس يتفتفة خفيفة مرة.
والسلام عليكم
شوف اذا جات للتفتفه يبغالها تنضيف بخاخات ......والله اعلم
وفيه حل بس يتعب شويه تجيب سيارتك لجده عند هوندا فرع المينا هناك اهل الاختصاص
الله يعينك ياوجه السعد
تسلم يا غسان
قالوا البخاخات سليمة ,والروحه لجدة يبيلها هم فوق الهم اللي أنا فيه...
اتوقع بواجي واسلاك بواجي
يا الغالي بلا بواجي بل بخخات وش الي وكاله تقولك هذا كل الي عندنا
مو هم لحضو المشكله يعني السياره فيه على مو انت جاي تتبله عليهم
رح لمدير الصيانة وانفض ولديه واذا قال ما اقدر اسوي شي قله انا بشتكي لشركة الام الي في اليابان
وفيه وزاره مسوله عنهم بس والله ما يحضرني اسمها الحين رح عندهم واشتك عليه
ويجيك حقك زي اللوز
أخوي اللي أعرفه أن الكامبيوتر يقلب على حسب وضعيتك
يعني انت اكيد قبل تشغل وتبي تمشي للدمام
كنت مدعّس على الموتر او مسرع به وبهالحالة الكامبيوتر يحول على النمط الرياضي
وتلاحظ احيانا لادعست ع 100 الموتر كأنه يرد نمره ويفز ولاتركت الدواسة يعلق الضغط ويكون الموتر ثقيل
هذا اللي اعرفه عاد مادري كلامي صحيح ولالا
يعطيكم العافية جميعا" , بروح ورشة الجنوب و أشيك على البواجي وفلتر البنزين , ومن ناحية الشكوى >الوكالة صاروا يقولون السيارة ما فيها أي شئ وهي تسوي المشكلة قدامهم يعني تراك ما هميتنا ومدير الورشة يقولي تجاهلها وبتروح بلحالها إن شاء الله ,اما اللي يتكلم عن الدعسة الرياضية >>لا يا غالي حتى وأنا ماشي 60يريح السيارة بالخامس؟؟؟
هذا الكمبيوتر
عندك اكثر اعراض خراب الكمبيوتر
1- تذبذب وهي واقفة
2- تغيير غريب في زمن نقل الغيار
3- نظام مساعد الفرملة يعمل بطريقة غريبة
هذه كمبيوتر اخوي ما اقدر اقول غيرها بس سؤالي هل صار فيه التماس عندك هل ركبت زينون؟؟؟؟؟
قريبا اكيورا فخر صناعة هوندا الامريكية على هوندا العربية
اكيورا RLX 2013
عندي نفس المشكله
على اكورد 2002
رحت ورشه الجنوب عند سآجد
قالي القير خرآب , وغيرته ب 2000
وبعدهآ بسبوع رجعت نففس الحآله
أشكرك أخي بلال,المشكلة الثانية والثالة عندي , لكن الوكالة يقولون الكمبيوتر سليم أن كانهم صادقين, ومن ناحية الزينون مركبه لكن ما أشغله ألا قليل, والمشكلة تصير في النهار والليل لكن بأشوف إذا كان فيه إلتماس ولا شي.
حطمتني يا ميمو كنت متفائل بالمدعو ساجد ,بروح وبشوف وش عنده. شكرا" يا غالي
اخوي كثيرين ركبوا زينون وصارت لهم مشاكل كثيرة في الكهرباء
اخوي ايش نوع الزينون وايش المحول اللي انت مركبه؟
قريبا اكيورا فخر صناعة هوندا الامريكية على هوندا العربية
اكيورا RLX 2013
لمبة الزينون فيلبس والمحول ألماني
افصل الزينون وركب الشمعات العادية
روح بكرى للوكالة وسوي برمجة قيمته 250 ريال
بعد البرمجة المفروض كل شي يروح بس خل الكهربائي في الوكالة يسوي تشييك على الحسسات بالكمبيوتر نفسه حساسات المحرك وحساسات القير
لكن بنسبة 80% المشكلة بتروح باذن الله وتأكد من البطارية اهم شي قبل العملية هذه كاملة لابد ما تكون ضعيفة
قريبا اكيورا فخر صناعة هوندا الامريكية على هوندا العربية
اكيورا RLX 2013
حبيبي اذا كنت تعبي بنزين 91 غيره نصيحه مني لك خويي عنده هوندا 2010 يعبي 91 وكان عنده تفته لدرجة غير طبيعيه غير نوعية البنزين وضبط معاه انصحك تحط 95
تسلم يا بلال على تفاعلك أنت وباقي الشباب,بس يابلال الزينون ما قد واجهت منه مشكلة وغير كذا ما أشغله ألا مره في الشهر دايما" على السكن,بس بأمرهم قريب وبنشوف.
أخوي أبو عليان >>لي ثلاث سنوات ما جاني شئ ليش ألحين ,مع ذالك براسك بعبي 95 ونشوف برضه,نخدمكم في الأفراح إن شاء الله
مريت اليوم ورشة الجنوب في أم الحمام ,وقالي هندي شكله فاههم>>رح للوكالة وقلهم يسوون برمجة زي الناس وياليت تغير زيت القير وإن شاء الله تروح المشكلة
الهندي اسمه ظهير وجرب السيارة وقالي الكلام اللي فوق
مثل ما قلت لك هي كمبيوتر وتحتاج برمجة
قول له ابغى التحديث الجديد وبيسوي برمجة
اول شي بيشبك الحاسوب بكيبل سفلي وبعده يظل داعس البنزين الى 3000 دورة في الدقيقة مدة عشر دقايق الى ربع ساعة وبعده بيخلي الكمبيوتر يشوف شغله وطبعا فيه سلك يكون طول الوقت داخل الشكمان
مدة اعادة البرمجة للكمبيوتر تاخذ ما بين نصف ساعة الى 45 دقيقة
لازم تشوف بعينك الخطوات اللي قلتها لك
قريبا اكيورا فخر صناعة هوندا الامريكية على هوندا العربية
اكيورا RLX 2013
عوااااااااااااااااااااافي
شيك على الكويلات لان التفتفه غالبن تكون من الكويلات
الوكالة يعيون يا بلال أن العميل يدخل في وسط الورشة بس بأحاول بكرة,
الله يعافيك يا ملك>>باخليهم يفحصونها ويشوفون وش السالفة؟
اخوي
روح الوكالة وارمي السيارة عندهم وعطيهم 3 ايام وقولهم ابي ارد اخذ السيارة كأنها وكالة (بما انها على الضمان ) واذا ما راح تصلحوها عدل راح اجيب حماية المستهلك
واذا ما مشى الحال عندي حل اقوى من هذا
روح شارع الزينة وسوي استكر كبير على حجم بيبان السيارة ( السيارة للبيع بسبب سوء الصيانة ) والصقه على الابواب واصفط سيارتك قدام معرض هوندا .. وحط رقمك بعد
بعدها راح يبدلون السيارة كلها مو بس يصلحوها
خلك اسد معهم ولا تروح ولا ورشة .. سيارتك يديدة وعلى الضمان ..
الله يوفقك
مواقع النشر (المفضلة)