اسئله عن هوندا 2006 2007 تهمكـ

**ملكـ بلا مملكة** · 19-09-2007, 12:23 PM

السلام عليكم

كل عام وانتم بخير

عندي مجموعه من الاسئلة واتمنى الرد عليها

اولا شنو فايده اللمبه البرتقاليه( تسطع على القير ) اللي بجنب درج النظارة اللي فوق المرايه الوسطى قريب من فتحه السقف

ناس يقولون انها سهاريه هل هذا صحيح وثانيا فيه فتحات بجنب اللمبه البرتقاليه شنو حقته تبع اللمبه البرتقاليه

وثانيا بالقير فيه نمره على القير تحت الدي 3 و2و1و هل هذا حق التعشيق اليدوي ولا هو زي الدبل ومتى يستخدم ؟؟

وثالثا شنو الفرق بين هوندا 6 سرندر و4 سرندر وايهم احسن واقل صرفيه للبنزين

ورابعا على كم احط الهوا بالكفرات الاربع هل الصحيح 32 ؟؟

وخامسا هل اذا قمت الصباح وشغلت سيارتي لازم انتظر حتى ترتفع الحرارة على الربع ام على طول امشي وهل هذا يضر بالسيارة؟

وبعدين اذا جيت من سفر مثلا 300 كيلو وقفت عند البيت على طول اطفي السيارة او انتظر عشر دقايق ؟؟

سادسا هل زيت القر يتغير كل اربعين كيلو او اكثر؟؟

وهل زيت المكينه لازم يكون من عند هوندا او يمشي سوبر شل وغيره؟؟

وسابعا هل الفحمات تنفع اغيرها من عند غير الوكاله او لازم الوكاله ؟؟

وشنو المحل اللي تنصحون فيه شغله حلو

واخيرا برش سيارتي بلون ابيض لؤلؤي والوكاله تقول لي ب 2000 مدري ب4000

هل هناك محل يضبطها زي الوكاله وارخص

مع التحيه هذه اسئلتي واتمنى الاجابه من المختصين والمجربين

اسف اذا كانت الاسئلة كثيرة بس تستحق الاهتمام

وش اسوي اخاف على سيارتي

**الهادف** · 19-09-2007, 04:33 PM

ما شاء الله .. اسئلتك كثيرة .. شوي شوي علينا يا اخوي :(

اولا شنو فايده اللمبه البرتقاليه( تسطع على القير ) اللي بجنب درج النظارة اللي فوق المرايه الوسطى قريب من فتحه السقف

ناس يقولون انها سهاريه هل هذا صحيح وثانيا فيه فتحات بجنب اللمبه البرتقاليه شنو حقته تبع اللمبه البرتقاليه

تفيد لو كانت السيارة مخشبة .. حيث انها تعطي لمعة حلوة للتخشيب وناس تقول انها حق الخطوط لو بغيت تقرا شي على الطاير

وثانيا بالقير فيه نمره على القير تحت الدي 3 و2و1و هل هذا حق التعشيق اليدوي ولا هو زي الدبل ومتى يستخدم ؟؟

D1 : حق اعطاء السيارة اقصى عزم ممكن او اخفض عزم ممكن .. مثلاً لو كنت مغرز او قالص واحد او تصعد جبل بزاوية كبير او تنزل بزاوية كبيرة طبعاً يعلق القير على نمرة وحدو بس

D2: نفس الي قبله ولكن حق عملية قلص لشي اخف او اذا كنت على مرتفع جبلي اخفض من الزاوي الا تستخدمها في D1 وطبعاً يعلق القير على نمرتين بس

D3:نفس الي قبله ولكن حق عملية قلص لشي اخف او ذا كنت على مرتفع جبلي اخفض من الزاوية الا تستخدمها في D2 وطبعاً يعلق القير على ثلاث نمر ..

راجع الكتلوج أكثر حث تعرف تفاصيلها ..

وثالثا شنو الفرق بين هوندا 6 سرندر و4 سرندر وايهم احسن واقل صرفيه للبنزين

الفرق عدة اشياء بسيطة .. مثل التحكم الصوتي من الدركسون ومقياس درجة الحرارة الخارجية والشمانين وكم من حاجة بسيطة
بالنسبة للصرفية ..
دخل المدينة .. الستة سلندر اكثر صرفية
على الخطوط .. الأربعة سلندر اكثر صرفية

ورابعا على كم احط الهوا بالكفرات الاربع هل الصحيح 32 ؟؟

30 - 35 ممتاز ... راجع الملصق الذي على باب السائق لمعرفة الضغط الصحيح

وخامسا هل اذا قمت الصباح وشغلت سيارتي لازم انتظر حتى ترتفع الحرارة على الربع ام على طول امشي وهل هذا يضر بالسيارة؟

اي سيارة لازم تعطيها تسخين لمدة دقيقتين على الأقل .. وبالنسبة للضرر .. اكيد هذا الشي يضر

وبعدين اذا جيت من سفر مثلا 300 كيلو وقفت عند البيت على طول اطفي السيارة او انتظر عشر دقايق ؟؟

بالنسبة لي .. انا اخليها 10 دقايق قبل ما اطفيها وكذلك ما افتح الكبوت .. ما ادري ليش ولكن نصحني فيها ميكانيكي ثقة

سادسا هل زيت القر يتغير كل اربعين كيلو او اكثر؟؟

ايه طبعاً .. كل 40000 كيلو .. يفضل استعمال زيت هوندا الخاص بنواقل حركة هوندا المتواجد في الوكالة ..
الأكورد تحتاج 3 لتر بواقع 40 ريال للتر الواحد

وهل زيت المكينه لازم يكون من عند هوندا او يمشي سوبر شل وغيره؟؟

ما فيه ضرر ولكن يفضل استعمال زيت الوكالة قبل 30000 كيلو .. اما بعد 30000 فاستعمل أي نوع ترتاح له ..
يفضل استعمال زيوت شركة كاسترول

وسابعا هل الفحمات تنفع اغيرها من عند غير الوكاله او لازم الوكاله ؟؟

تقدر تغيرها عند أي مكانيكي ثقة

وشنو المحل اللي تنصحون فيه شغله حلو

من وين انت ؟؟

واخيرا برش سيارتي بلون ابيض لؤلؤي والوكاله تقول لي ب 2000 مدري ب4000

من وين انت حق يفيدوك الشباب ؟؟

**ملكـ بلا مملكة** · 23-09-2007, 07:32 PM

اشكرك اخووووووووووي على الرد وماقصرت

وانا من الرياض ياقلبي

وبالنسبه ل6 سلندر ماتجي الاللفل الكااااااامل ؟؟
يعني تجي 4 سلندر فل كامل ؟؟

وبالنسبه للكتالوج ماعطونيه الوكاله ؟؟ من وين اجيبه وربي عطوني حق الضمان بس ؟؟

ومره ثانيه اشكرك ياقلبي على ردك

**ملكـ بلا مملكة** · 23-09-2007, 08:14 PM

نسيت اقول لك بجنب القير فتحه صغيره شنو فايدتها فوق البي يسار واسف على الاطاله

**دكتور هوندا** · 23-09-2007, 08:28 PM

حتى 2008 فيها الفتحه في الجهه اليسرى ...هذي و الله اعلم اذا علق القير تفكها و تدخل المفتاح و تنفك التعليقه .ماعمري جربتها و لله الحمد

**الهادف** · 24-09-2007, 12:41 AM

المشاركة الأصلية كتبت بواسطة دكتور هوندا

حتى 2008 فيها الفتحه في الجهه اليسرى ...هذي و الله اعلم اذا علق القير تفكها و تدخل المفتاح و تنفك التعليقه .ماعمري جربتها و لله الحمد

صحيح كلام الرجال .. تقدر تدخل اي شي مناسب .. مو شرط مفتاح ..
طبعاً حق تحرير القير أثناء وجود مشكلة بالسيارة ..

**ل م س 3 3 4** · 24-09-2007, 04:39 AM

اقدر اجاوب على سؤالك الاخير لان الشباب ماشاء الله كفو ووفوا
عندك بالرياض ورشات شغلهم حلو لاكن ماراح تقل عن ال2000 ريال لرش السياره كامله بعدين مستحيل الوكاله تاخذ اقل من 3000 لرش السياره كامله ،على العموم فيه عندك كم ورشه حلوة ومنها الوفاء -ايرناج-العضيب

واذا بغيت معلومات اكثر راسلني على الخاص

**B Unique** · 24-09-2007, 05:13 PM

المشاركة الأصلية كتبت بواسطة ملكـ بلا مملكة

فيه نمره على القير تحت الدي 3 و2و1و هل هذا حق التعشيق اليدوي ولا هو زي الدبل ومتى يستخدم ؟؟

تقريباً زي التعشيق اليدوي
ومفيد جداً في المقاومات

:d

بس لا تسألني كيف !!
خلك محافظ على سيارتك احسن لك

**ملكـ بلا مملكة** · 24-09-2007, 10:13 PM

مشكووووووووورين على الرد جميعا وربي ماقصرت

يعطيكم العااااافيه

**teto** · 06-10-2007, 05:10 AM

انا تصفحت الكاتلوج من الجلده للجلده >>>دافور
وماعرفت ايش فايدة اللمبه البرتقاليه الي بجنب درج النظارات ولا الفتحات
معليش بنثقل ليكم شوي
اذا كان فيه احد يعرف فايدتها يفيدنا

**I V** · 06-10-2007, 05:15 AM

يعطيكم العافية على النصايح

**الكادي445** · 06-10-2007, 01:37 PM

فايدة اللمبه البرتقاليه
1-تعطيك إضائه حلوه غي الطريق
2-اذا بغيت تقرا شي على السريع
وللمعلوميه ان هذي اللمبه موجوده في اللكزس;)

**ثــلــج مــشــوي** · 06-10-2007, 07:32 PM

مشكورين على المعلومات الزينه...

**The Stig** · 06-10-2007, 07:46 PM

الفتحه الي جنب القير مفيده ,, اسألني ليش ,,,

مره من المرات ,, جاتني فكره هبله وبشده :d...
عندي طقم زنون ,, وماودي اركبه في الانوار ,,, وين اركبه وين ,, حصلت له موقع ,, انوار الريوس في الشنطه ,,,

طراخ طيخ طاخ ,, تم التركيب تمام ,, الان جينا نجرب كل شوي اوكي او لا ,,,,
شغل السيارة وعشق القير ويشتغل الزنون شمسسسسسس ,,,
1 2 3 والسيارة كلها انطفت :d... مافي كهربا بالسيارة ابد ,,, لا انوار لا مكيف لا مسجل ولا حتى القير يتحرك ,,, لو صار لك مثل ماصار لي ,,, عشق القير بوضع مفتاح في هذي الفتحه ,,
وطير على الوكاله وحبذا تستشهد بالشهاده قبل لاتروح :d ...

تحياتي