والله ما ادري ياخوي روح شيكها بالوكالة احسن
السلام عليكم
ماحب اطيل عليكم ..
في كل فتره يطلعلي شي جديد في الاكورد وبصراحه صار الواحد يكره يسوقها ..
اخر ماطلعلي صوت صرصره في الطبلون وخاصه بين العدادات والقزاز الامامي صوت كانه قطعتين فلين تحتك مع بعض ومحد يلاحظه الا لما يكون الوضع في السياره هدوووء مع العلم ان السياره ولله الحمد لم تتعرض لاي حادث ..
رحت لاكثر من ورشه وكل واحد يفتيلي . الي يقولي يبيلك تربيط رفارف والي يقول في شي مكسور خلف الطبلون والي يقولي مع البرد فتره ويروح .. والله ماعاد ادري وش اسوي الي طلعله الصوت يقولي وش الحل ...
ويعطيكم العافيه
والله ما ادري ياخوي روح شيكها بالوكالة احسن
حبيبي الشغله سهله فك الطبلون وشيك وشفيه حاول تبداها من نفسك حبه حبه لين توصل للمشكله اما تربيط رفارف شكلك صارفها من الكيس:d
والله غريبة احتمال من جلدة القزاز الامامية مع قوة الحر في الرياض تخرب الجلدة القزاز الامامية ويكون طلب عندنا بالمحل عليها كثير في وقت الصيف اكثر
هدا والله اعلم
تحيااااااااااااتي
اليوم رحت لورشه متخصصه في هوندا وقالي المهندس كثير من الهوندات تواجهها المشكله هذي وخاصه 2008 ونصحني اني مافكها عن اي احد لازم يكون في الوكاله والمشكله كلبسات متكسره
والسبت انشاءالله وانا عند باب الوكاله
خبرنا وش يصير معك ..
ايه والله خيو الصوت طلعلي حتى انا
ابشرو يوم السبت انشاءالله اروح للوكاله واقولكم وش يصير معي وانشاءالله يصلحونها
حبيبي انا مثلك تماما ..
لكن في القير و تجيني بين فترة و فترة ..!!
حرك القير شوي شوي على وضع واحد مجرد هزز القير فقط !!
رآآآح تلاحظ الصوت برضوو ..
بس لا تخاف الصوت يجي و يروح
متى ما اشتهى جا و متى ما فقع فقع .. :d
هههههههههههههههههههههههههه
بدرآآآن
موتري 2007
والصوت عندي مثلك بالظبط كأأأأنه صووووووت فلين !
لكن من جهة باب الراكب فوق الدرج !
هبل بي هبال يختفي ويرجع ,,,,! ومرات تكره تسوق الموتر
كأن صوت يحتك بالزجاج
لاتوسوس وتحوس سيارتك يمكن لفكو الديكور تطلع لك اصوات اكثر من كذا وهالصوت موجود عندي له سنه ونص بس عادي تعودت عليه
:d
الشغلة بسيطة و طبيعية ليست فقط بالأكورد بل بأغلب السيارات إذا ماكانت بالعموم و كل السيارات اللي
سقتها موديلات حديثة نفس الصوت المقصود أسمعه بوضوح بالسفر و أقلقني قبلك بالكامري و الفورد و الآن
الأكورد و أعتبره شي طبيعي و مايستاهل الفك و التعب و شر لا بد منه (إسفهه ) بس و ريح بالك
من جد اسفهه
وانشالله هو بيسفهك ويروح بعد البرد ممكن لو ان مآآكو ولا برد
عادي عادي عندي نفس الصوت من جهت باب السائق من يوم ما شريت السياره يجي ويروح وراح تتعود عليه لا تلعب في مو ترك وحقين الورش نصابين يبون يشتغلون اي شغله بس اهم شي الدراهم وبتوفيق
السلام عليكم ...
هذه تصير لك يوم تكون مشغل المكيف ؟!؟
والي يقول من جهة الراكب .. انت معاك الفل اوبشن ؟!
هي الغالبية تسمعه يوم تحط المكيف على اوتو .
او بعد ماتلعب في حرارة المكيف .. بالذات في البرد يوم تشغل الهوا الحار ؟!
رح للوكالة امس وليتني مارحت نصابين بس راح انشب لهم ...
قالي المهندس ان الصوت هذا وتراب بين الزجاج والطبلون مع اني مدري من وين جاء التراب هذا احس انه يصرفني وقال من التظليل لاني مظلل حراري من داخل السياره . الزبده طلعت من عندهم واخذو مني 160 ريال قيمة الاصلاح واول ماطلعت الا والصوت فيه برجع لهم بكره ياهم يعطوني فلوسي ولا يصلحونها لانهم واضح ماسو شي نظفولي الطبلون من فوق وبس .....
مواقع النشر (المفضلة)