مساكم الله بالخير

اخوي بالنسبة لمشكلتك ترى لها حل بسيط جدا وهو كالتالي :

1- تعال اول شي للكفر ودور في محيطه خانة مربعة يوجد بها 4 ارقام مثل ( 3407 ) هذا الرقم هو تاريخ صنع الكفر وللتوضيح اكثر الرقمين اللي على اليسار هو رقم الاسبوع اللي صنع فيه الكفر والرقمين اللي على اليمين هي رقم السنة يعني بدون كثر هرج الكفر صنع في الاسبوع الرابع والثلاثين من عام 2007 م . وانت عاد بحسبتك شف الاسبوع هذا يوافق شهر كم بالميلادي .

2- العمر الاستهلاكي الافضل لسلامة الكفرات هو سنتين فانت حاول قدر المستطاع كل سنتين تغير طقم الكفرات ( طبعا هذا من باب الامان واللي يبي يحافظ على سيارته ) في ناس ما يغيرونه الا اذا ضرب وهذي مشكلة .

3- اذا اكتشفت اي عيب في الكفر وانت توك مشتري السيارة لا يردك عن باب الوكالة شي يغيرونها وهم يضحكون بعد . :d

اخوي صارت له نفس المشكلة بس للمعلومية معاه جي ام سي سوبر بان 2004، يوم اخذ السيارة عطوها له بالكفرات اللي جات بيها من امريكا وما تتخيل قد ايش انصدمنا يوم لقينا الكفرات صنع 2002 يعني انتهت وهي لسه السيارة جديدة ، وشي ثاني خطير ان الشركة اللي تصنع الكفرات وقفت تصنيعها وقفلت عام 2004 ( والله ماني فاكر اسمها ) المهم اخوي اخذ السيارة وبعد فترة لاحظ انخفاض في ضغط واحد من الكفرات واخذ بين فترة والثانية يعبيه هوا الين ما جينا يوم ولقينا السيارة على الجنط ورحنا للبنشري علشان يرقعه لنا

وقتها انصدمنا صدمة ربك عليم بها ( يوم حط اليماني الصابون على الكفر يشوف من فين التنسيم ) لقينا تنسيم بسيط من 18 مكان في الكفر ، يعني لولا لطف الله كان الكفر على وشك انفجار ، المهم اخوي غير الكفر على حسابه لانه كان متوقع ان المشكلة من الطريق ولا مسامير ، لكن يوم قال لصاحبه على الحكاية ( وصاحبه عند جمس ونفس الموديل ) قال له المفروض انك تسوي زي وتكلم الوكالة اول ما تشتري السيارة يغيرونها لك مجانا لانها قديمة ، والوكالة ما تقول للناس عشان ما تكلف على عمرها تغيير الكفرات مجانا !!!! حياة الناس صارت لعبة


تحياتي واسف للاطالة والقرقرة الفاضية :d