قدر الله وما شاء فعل

[هاااوي الاكورد]

السلام عليكم
شباب انا سويت حادث:(
وانعدم عندي شمعه ورفرف وكبوت:(
الغلط علي 100%
http://www.gmrup.com/gmrup-live5/gmrup13012554711.jpg

الي بغية استفسر عنه انا سيارتي مامنه شامل هل التامين بيصلحه في الوكاله ولا بيقولو لي قدرها عند شيخ المعارض السياره مديل 2010

[بلال العلمي]

اذا في التعاونية زدت 30% وامنت تامين الوكالة

يصلحونها في الوكالة اما انهم يصلحونها كذا بس في الوكالة ما اتوقع او توجد فيها صعوبة

[King]

شغلتها سهله طال عمرك, كلها تعديل رفرف والكبوت وشمعه جديده.

والصدام اشوف انه ماجاه شيء غير انه طلع من مكانه, ممكن يحتاج إلى إصلاح فيبر جلاس او بعض الكلبسات إلي انكسرت.

والحمد لله على سلامتك, من شاف مصيبة غيره هانت مصيبته!.

[f a w a z]

الحمدالله ع السلامة

بالنسبه للرفرف انصحك تشوف التشليح و تاخذه جاهز لؤلؤي افضل لك

اما الكبوت مثل ما قالك اخونا الفاضل King مجرد تعديل ويرجع وكالة

و الشمعه جديد وكالة بـ 750 تقريباً بالتشليح تقل 200 وحولها


الله يسهل عليك و احمد ربك انها جت على كذا

[khasona]

الحمد لله على السلامه

يارجال طقه خفيفه مايبيلها الا تعديل او سمكرة رفرف وكبوت وشمعه جديده من الوكاله ب850 مع الانوار بعد

[هـآوي]

مـآتشــوف شر وحمد الله ع سلامتك ومعوض خير

[غسانR]

الحمد الله على سلامتك.. شوف اذا تامين شامل لاازم تقدرها عند شيخ الورش وترفع تقرير للوكاله بقطع الغيار وبعدين تاخد التقرير حق الوكاله وتوديه للتامين وبعدين التامين يصدر امر للوكاله ان السياره تتسمكر عندهم وانصحك تسمكرها عند الوكاله عشان يسوولك البويه مكان الدقه نفس درجة بقية بوية جسم السياره صح انهم حيطولو تقريبا ثلاث اسابيع اقل شي بس شغل نظيف

الحمد الله عالسلامه

[Accord F15]

شعار هشومي وراو حاطن قدام :d

والف سلامه عليك

[H S N]

وعليكم السلام

سلامات و ماتشوف شر

وقت التصليح ركز على المسافه بين الكبوت والرفر تكون نفس المسافه في الجهه الثانيه

لان بعض السيارات اذا جتها صدمه من الجنب يكون الكبوت مشتول شوي

[هاااوي الاكورد]

اشكر الجميع على المرور
والله يسلمكم وما تشوفون

طيب انا تاميني ميد غلف شامل الحين انا ارجع التامين ولا اروح اقدر السياره ولا وش اسوي