ان شاءالله تكون القطعه ناجحه
وتسلم ع هالموضوع المميز
تقبل مروري وفي انتظار تقريرك
السلام عليكم ورحمة الله وبركاتة ...
اعزائي ملاك هوندا وبخاصة معشوقتي الاكورد ،،،
احببت اني آخذ رأيكم واناقشكم .. الوضح هنا نقاااااااش وانخابات وحقوق :d
كلكم تعرفون .. او تتفقون على الاقل ان ( الكاسيت ) انقرض ..
بعضاً منكم يتفق ايضاً ان الـ (CD) انقرض او على وشك ينقرض << شخصياً لم انسخ او استخدم او اشتري اي CD منذ 3 سنوات ..
جميع ما اسمعة موجود في الايفون او الايبود او الايباد او البلاك بيري .. طريقة سهلة .. بلا قيود بلا اسلاك بدون قعدة قدام الكمبيوتر ... بصيغة MP3 تحملها ببساطة عبر الوايرلس في جهازك .. بدون انتظار في مكان ما ، بدون احد عندة CD فاضي بدون السي دي خرب ... ببساطة في البيت في المقهى تحمل مئات الملفات الصوتية في جهازك اللي معك 24 ساعة ...
السؤال اللي يطفش .. لملاك الاكورد وبخاصة من موديل 2001 الى 2007 وشلون نشبك اجهزتنا الصوتية ( الايبود - الايباد - الايفون - البلاك بيري - اي Mp3 Player آخر ..) على السيارة ويعطينا مميزات تشغيل سهلة + شحن + تحكم من الجهاز ومن المسجل بأسهل طريقة ..
*** القرص الوهمي .. جميل .. صناعتة متوسطة الى رديئة .. مميزاتة قليلة وشبة معدومة ..
*** وصلة الايبود الافضل PA15-HON2 صناعة جداً ممتازة ومتينة وخامة جيدة جداً ، مميزات من افضل ما يكون ، شحن ، تحكم من الجهاز + المسجل لكن العيب الوحيد ... انها فقط لمنتجات ابل ..! الايفون والايبود والايباد ...
ما اريد ان اصل لة ...:d
ما رأيكم لو توفرت قطعة جديدة تجمع بين مميزات القرص الوهمي + وصلة الايبود بالاضافة الى انها تشغل اي جهاز آخر (بلاك بيري - سوني اريكسون - نوكيا - سامسونج - HTC ...) بالاضافة ايضاً USB وبالاضافة ايضاً الى البلوتوث ...!
طيب يجي واحد يسأل .. انا كل اللي احتاجة في حياتي اني اشبك البلاك بيري بالسيارة عن طريق هالوصلة 3.5mm ولا حاجة لي بالباقي سواءاً البلوتوث او USB او منفذ الايبود ، كل ما احتاجة هو هذة الوصلة فقط :
اقول لك اوكي ،، شوف ميزة هالوصلة ..
الوصلة عبارة عن
1- منفذ AUX يشبك في مسجل السيارة ( ويعطيك ميزة مدخل آخر اذا بغيت تشبك شاشة او اي شيئ يحتاج الى طاقة او اي وصلة اخرى ) ..
2- قطعة التحكم الرئيسة وفيها 3 مخارج واحياناً اكثر : فيها مخرج USB و مخرج iPod و مخرج AUX متنوع << (بلوتوث ، 3.5mm )
3- انت وش تحتاج بالضبط ؟
سلك 3.5 mm اوكي اشترة لحالة //
لا .. انا احتاج سلك الايبود لحالة .. اوكي اشترة لحالة //
لا انا احتاج بلوتوث وسلك 3.5mm .. اوكي اشترهم اثنينهم وركبهم مع بعض ///
لا انا احتاجهم كلهم .. اوكي اشترهم كلهم وركبهم كلهم ... //
لا .. لية كل هلاسلاك ؟ .. ابي بس البلوتوث .. او كي اشتر البلوتوث لحالة //
وبس .. :o
عشان اكون صريح معكم ..
القطعة موجودة عندي .. وصلت الرياض امس .. اللي وصلني معها فقط سلك الـ USB يعني بس اقدر اشبك فلاش ميموري وبجرب بكرة اشبك هاردسكـ << تخيل يصير عندك بالسيارة هاردسكـ 750 قيقا ملفات صوتية ..!
عموماً ،، بأجري تجارب عليها حالياً .. واتصفج الكاتلوج .. واحاول استوعب اللي فية .. وبعدها بحط تجربتي الكاملة لكم ...
عموماً ،،، انتو وش رايكم؟ :d..
ودكم في قطعة زي كذا تريحكم من عناء النسخ واللصق وتضيع الوقت >> معة ماك بوك آير << مافية CD من الاساس :d
انتظر اي سؤال او اي نقاش ..
دمتم في حفظ الله ورعايتة ..
ان شاءالله تكون القطعه ناجحه
وتسلم ع هالموضوع المميز
تقبل مروري وفي انتظار تقريرك
طيب لو اقرا موضوعك اربع مراة مفهمته باس ابي استفسر منك انا عندي في السياره بلتوث شد بلد ابي اشغله علشان استفيدمنه معرفتله كيف الطريقه وشكران
السياره مديله 2011 فل شاشه
^^
بإمكانك كتابة استفسارك في موضوع مستقل في المنتدى ليفيدودك اصحاب التجربة ممن لديهم نفس سيارتك ، سيارتي 2004 وانا متآكد انني لو قرأت كاتلوج سيارتك لكان الامر سهلاً جداً وبشغلة ببساطة ..
الكاتلوج موجود في شنطة سيارتك طال عمرك :d
والله فعلا موضوع يستاهل النقاش وللاسف الى الان لم اصل الى حل مرضي
مع العلم بان شاشه الاكورد الجديده مع المزايا اللي فيها للاسف جودة الصوت فيها رديئه وما يحس فيها الااللي مركب ساوند سيستم وللاسف الشديد 4 سماعات كينود و2 اوفر كل واحد فيهم1000 واط و3 امبلي فاير سوني ومع ذالك صوت مسجل الوكاله تفوق بمراحل كبيره جدا
اما القرص الوهمي للاسف الشديد صوته 4 من 10 ومن يوم شريته وانا راميه في درج السياره
ولازال البحث جاري عن قطعه تاخذ على الاقل 8 من 10
وبانتظار تقريرك حبيبي وان شاء الله نصل الى حل مرضي
سبحان الله وبحمده سبحان الله العظيم
يعطيك الف الف عافيه والله
انا من الناس الي ما استخدم CD ابد كل الاغاني منزلها في فلاش واذا كانت الاغنيه على الدزه انزلها في الايفون واشغلها
يوووو باقي احد يستخدم CD والله انتم موضى قديمه :p<< معه مديل 2010 ورجنا
موضوع جميل جداً
انا لحد الحين مالقيت شي من هالوصلات حسيت انها تستاهل عناء الشراء
وبموضوعك فتح الأمل من جديد
بأنتظار تجربتك وانطباعك عن الوصلة وطبعاً مع ذكر التفاصيل مثل ماعودتنا
بالتوفيق
ياخي بالعكس الـ cd مانقرض ولا راح ينقرض اعتقد الا اذا نزل مسجل ديفدي خخخ واذا انقررض من عندكم صدقني ماراح ينقرض من عندي
وياخي من جدك احط هاردسك بالسياره عشان اليوم الثاني اللقى المثلث مكسور والسيارة مزروفه خخخخ
ولاتنسى حجمه كبير وشغلته شغله .. ولاتنسى ان السيدي بالتنظيم احسن
تخيل هاردسك 500 قيقا مليان اغاني بالله وين احصل اغنيه معينه
ههه ^^^ صح وين يلقاها ههه
اتمنى نلقى حلوربي متعذبين
ع الاقل usb و mp3
والله يسسعدك يا خوي ...
موضوع جميل اخي مصعب
كنت اتمنى احصل قطعة تشغل ايبود و بلاك بيري و اجهزة ثانية
وانا من الناس الي ينسخ سيدي الين مالمسجل تقريبا بداء يخرب السيدي يدخل السيدي عادي ولمن يخرج بصعوبة
عشان كدا بشتري ايبود ان شاء الله وانتظر تقريرك اذا كان ممتاز اتوكل على الله
طيب .. ابي شخص متطوع في الرياض ليشاركني التجربة واركب القطعه على سيارتة ..
وياريت يكون عندة / القرص الوهمي ..
عشان تصير المقارنة بيث الثلاث قطع ..
اذا فية احد مستعد يبلغني هنا ..
كيف نعيش بلا CD :p
صًرآحـه مووضوع رآئـع
بس الـ CD لا غنى عنه جربت الـ aux على بلاك بيري و آي فون آحس آلصوت مرره سآمج
آنآ مركب سآوند سستم اوفر وسمآعتين و امبلي فآير كله كنيود الصوت في السيدي يجك وآضح وعآلي
وهذآ شيء ملاحظ
امآ بالنسبه لـ هآردسك و وآي بود وهذآ الكلآم احسهآ صعبه شوي كأنك تبي تدق على احد وانت تسوق
الـ CD آفضل بمرآحل وللحين مآ لقيت البديل الافضـل تحط فيه من 10 لـ 80 اغنيه وآمورك تمآم
ويآليت لو في حل بدل السيدي ويكون الصوت وآضح <= آهم شيء
اعذرني على الاطآله وتقبل مروري
يعطيك العافيه
بــإنتـظار تجـربتـك,,,
موضوعكـ بصراحهـ ممتاز
بس
اهو راح يساعد الاشخاص الي مسجالات سياراتهم ماتدعم ال mp3
طبعا انا من وجهت نظري ان السي دي افضل شي ومن بعدهـ ال فلاش
خاصه لاصحاب 08 وطالع
يعني لمن يكون عندك بالسياره 6 سيديات وتشغل ال mp3
وكل سي دي يشيل ملفات صوتيهـ بالهبل يعني 100 وطالع
غير الفلاش لاصحاب مديلات 2010
وتقسمها مجلدات وعلى كيفـ كيفكـ
انا اشوف انها كويسه
___
طبعا للمعلوميهـ ترى السيديات تقدر تظيف عليها وقت ماتبي اذا اهي mp3 الى ماتمتلي
تحياتي ...
وعليكم السلام
صراحه فكره جيده انا من زمان ابحث عن قطع لتشغيل البلوتوث او الـusb استغناءا عن الشاشه طبعا
اتمنى لك التوفيق واذا تبي مساعده انا شخص عاطل باطل و24 ساعه افك واركب بموتري وبالخدمه
لكن للاسف لا املك القرص الوهمي
استخدم الـaux او cd بشكل كلي لانه يغنيني عن الاشياء الاخرى
لكن مالفت انتباهي هو الusb و الـبلوتوث وانا عند كلمتي تبي خدمه نحنو في الارجاء
محبك
تم بحمد الله تركيب وتجربة القطعة على سيارتي ..
التركيب سهل .. التحكم سهل .. الصوت جداً واضح وصافي ..
طبعاً اللي جربتة بس سلك الـ USB
اما سلك الايبود او البلوتوث او الـ 3.5mm ما جربتهم لانهم ينباعون لحالهم وما طلبتهم ..
وحسب كلام الشركة وصلة الايبود تتحكم فيها بالكامل من المسجل او الدركسون (للفل اللي مركبين التحكم الصوتي او اصحاب الـ V6) ، اما وصلة 3.5mm معروفة ،، التحكم فيها فقط من الجهاز نفسة سواءاً كان ايبود او اي جهاز جوال فية نفس المنفذ .
البلوتوث لتشغيل الموسيقى فقط ... موب للمكالمات .
اللي يحتاج فقط في الفلاش ميموري ان تسوي مجلدات زي كذا بالارقام
1- xxx
2- xxx
3- xxx
4- xxx
5- xxx
87- xxx
99-xxx
طبعاً xxx تعني اسم الالبوم ... وتغير بين هالالبومات من المسجل نفسة من رقم 5 للألبوم اللي قبل و رقم 6 للألبوم التالي ،،،
احد عندة اي استفسار ؟؟
الحين القطعه هذي تركب للي ماعنده قرص وهمي,,,؟
واخيراً .. التقرير بالفيديو من هنا :
http://www.hondaarabia.com/club/t46653/
------------------
MLoOoOoK اية نعم .. هذي مثل القرص الوهمي .. لكنها مطورة اكثر .. شوف التقرير ..
khasona يعطيك العافية .. يمكنك مشاهدة التقرير
AboOoSh وجة نظرك كويسة .. لكن الظاهر انك ماجرب تكون فاهي وخاش جوو مع الاغنية وفجزة تاكل مطب وتعرف وش يصير في السيديهات ذاك الوقت .. لا تروح الوكالة وتسأل كم سعر الاصلاح ..!
ABOoDY.TOP سماجة الصوت تكون دائماً من سماجة الملف الصوتي نفسة ،، اذا الملف الصوتي شريتة من الايتونز ولا حملتة بجودة عالية ،، غير لما يكون اصلة RM وحول الى MP3 وهنا تكون قمة الازعاج والسماجة ...
اما الايبود صعبة ..! لا والله السي دي هو الصعب ومصيرة مصير الكاسيت .. اقلة جرب حط سي اصلي وانساة على الطبلون في الشمس الحلوة وتشوفة خربات متعفط .. ولا خويك بياخذة .. ولا القزازة منكسرة عشان سي دي ..! (( وكلن ينام على الجنب اللي يريحة .. ))
Accord F15 ايبود .. حياة اسهل ... عالم جميل .. عالم من اختياري ..
A N M A R & Nawaf10 شاكراً لكما .. يمكنكما مشاهدة التقرير ..
الفارس & غاب القمر .. يعني بتقنعوني ان البحث في الايبود اصعب من البحث في السي دي ؟؟
البحث في الهاردسك والفلاش ميموري اسرع من البحث في 100 سي دي عندك .. كل ماعليك تتذكرة هو رقم الالبوم وتطلع لك الاغنية .. ولا تخيل عندك 100 سي دي واشتبهت ان الاغنية المطلوبة في احد 12 سي دي عندك وكلهم حاطهم بدون اسماء ،،، انسخ وعلى الدزة .. احسب الوقت عشان تطلع كل السيدهات اللي بالمسجل واحسب الوقت عشان تحط السيديهات الجديدة و...و... وش ذا القلق ... (( وكلن ينام على الجنب اللي يريحة )) واختلاف القضية لا يفسد للود رأي <<< خخخخخ
accordyon & The Golden Accord & ملك قوقل ، حياكم الله .. يمكنكم مشاهدة التقرير ..
مواقع النشر (المفضلة)