بليز شباب
اللي يعرف يفزع >> ما تهنيت بتصليح السيارة :(
اخواني اعضاء المنتدى
السلام عليكم ورحمة الله وبركاته
الموضوع وما فيه اني ركبت فحمات نيسن واول ما ركبتها تمام التمام ..
طبعا انا غيرت مساعدات واشياء واجد بس للكفر الامامي
المهم وانا راجع صرت اسمع صوت من الكفر الخلفي يمين
صوت مدري وش يبي صراحه ..
كأني ماشي على طريق فيه عيون قطط صغيره
بصراحه وصف الصوت صعب بس هالصوت يجي كثيييييير اذا صرت مسافر وماسك خط
يجي اذا ضغطت بريك على خفيف ..
ياليت تفيدوني لان حتى الورشه ما عرفوه
والله يجزاكم الف خير ,,
بليز شباب
اللي يعرف يفزع >> ما تهنيت بتصليح السيارة :(
تحبيل في الكفر شيك على الكفرات لانه يمكن محبل او ماسح مع الخط
شباب تكفون اللي يعرف يفزع لي
بصراحة صرت اخاف اسوق عليها كذا
اخوي لاتخاف واجد اذا محد عرفه ولا الوكاله عرفت مو لازم يصير الشغله خطيره انشالله انا كنت راجع من القصيم للرياض واسمع اصوات بالكفر الي قدام يمين عندي واذا نزلت اشوف وش السالفه محصل شي باينلي باخر شي طلع الصدام يحط بالكفر لا غير الحمدلله وصلحت الصدام وظبط ترا بعظ الايام تطلع اشياء تافهه ومخيفه
الله يعينك
عندي نفس الصوت بس قدام يمين
ذراع داخلي وجلب مقصات << غيرتهم ولا فيه فايدهـ :(
شكرا حبايبي
الى الان المشكله ما انحلت .. :(
والصوت يجي مع ضرب الفرامل على خفيف
مالي الا انتظر فحص الوكاله
اخوي ابو عمر فيه حل بسيط وسهل جرب تعمل ْاكس للكفرات يعنى الكفر الايمن يكون في الامام الايسر والايمن في الامام يصير في الخلفه الايسر عمليه اكس مثل من قلت وجرب تمشي عليها وعمليه الاكس هذه تكون كل 15 الف او 20 الف افضل للسياره
اخواني عندي جت نفس المشكله في الكفر الخلفي بدلت بين الكفرات وطلعت العله انو فيه واحد من الكفرات طلعت فيه تحبيله من فوق سطح الكفر افضل شي تغيرو كفرات نوعية جيده
أخووي السلام عليكم
حـــــــــــــــلـــــــــــــــــك عــــــــــــــــنــــــــــــــدي بإذن الله
لا أحد يقولك مساعدات أو هوبات أو كفرات أو غيرها
شوف أنا صارلي نفس حكايتك مركب فحمات نيسن ما كملت معاي أسبوعين الا وطلعلي نفس الصوت اللي عندك اذا ضربت فرامل خفيف
انا أبغاك تسوي اللي أقولك ::::
أركب السيارة وشغلها حرك السياره وأسحب الجلنط تكه وحده واضرب فرمل طبعا كل هذا والسياره ماشيه اذا ما طلع لك الصوت ترا هذا من الفحمااات خاااايسه والله واذا طلع الصوت هذا من نفس الهوب يبيله تنضيف
هذا اللي صار معاي و ان شاء الله أكون أفدتك ولا عاد تغير الا فحمات الوكاله أضمن و أحسن
تحياتي like honda
الله يلعن هنوعية من الفحمات نيسن من يوم ركبتها وانا عندي هصوت وسويت زي ماقال الاخ like ورحت عند زول موزع وطلبته الفحمات الاصلية لهوندا وعطاني ياها 250ريال وحلف انها الاصلية وغيرتها ورح الصوت وسافرة جدة ورجعة ورجع الصوت هل الحل اني اشتري الاصلية مع ان الزول قال انها اصلية وشرايكم والله ابي الحل والله بغيت اصدم فيها من القهر الجاني اول اسمعتهاااااااااااااااااااااااااااااااااااااااااااا ااااااااااااااااااااااااا
أي واحد يصير له مثل هالحاله يسوي كالتالي :
يعكس الكفرات الأمامية بالخلفية ... إذا الصوت مازال في نفس الجهة .. نستبعد الكفرات من المشكلة
ودها عند واحد وخله يرفع السيارة ... وامشي بالسيارة بسرعة من 80 إلى 100 وهي
مرفوعة وخل أي واحد من ربعك يمسك المساعد الخلفي أو يحاول يركز ويسمع الكفر
وهو يمشي ... إذا في صوت حنة عند الكفر معناته المشكلة من الرّمان ...
غير ذلك مافيه غير الأقمشة ...
بالتوفيق للجميع ...
المشكله الحين انه خف
وياخوفي يكون ( الهدوء قبل العاصفه)
والله يقلع فحمات نيسن انواع الاصوات
بشوف الوكال وش يقولون بس .. الله يستر
تحياتي لكم جــمــيــعــا
اخوي وش دخل الفحمات؟
شيك عالرمان
عزيزي الموضوع بسيط جدا :
الصوت اللي يطلع من الكفر مثل عيون القطط لمن تدعس فرامل يكون بسبب احدى ثلاث أمور :
١- في تحبيلة في نصف الكفر اي في سطح الدعسة و هاذي تبان على السرعات العالية.
٢- الرمان يكون اخترب و يبغاله تغيير (حالة شائعة جدا بالنسبة لهوندا).
٣- يكون في مشكلة في الفحمات (و هاذي ما تطلع صوت الا لمن تدعس فرامل و انت ماشي الامور تمام).
و نصيحتي شيك على الكفرات لان الهوندا بصفة عامة الكامبرات فيها مايلة -٣ درجة و تؤدي الىحدوث حنة بالكقر ..
و تقبل تحياتي
مواقع النشر (المفضلة)