شوية أسئلة عن الأكورد 2011
رد مع اقتباسالمشاركة الأصلية كتبت بواسطة ماجد max
السلام عليكم ورحمة الله و بركاته
هذا أول موضوع لي في منتداكم الرائع
حياك والله بين اخوانك وانشاء الله تفيد وتستفيد
أنا أن شاء الله ناوي أخذ لي أكورد2011 بس عندي شوية أسئلة ويا ريت تفيدوني مشكورين
مبروك مقدما والله يعطيك خيرها ويكفيك شرها
1- أنا ناوي أخذ ال4 سلندر فل كامل بالكاميرا و النافيقيشون بس النافيقيشون الي في الأكورد يكون جاهز و منزل عليه الخرايط و لا لازم انا أنزلها و أيش الخرايط الي موجودة فيه
اعتقد نها موجودة وجاهزة انت شغل وتحصلها جاهزة بس ايش هي الخرايط والله مادري
2- محتار أخذ لي مخمل و لا جلد مع أنه الجلد شكله فخم أكثر بس يقولون لي أنه يتقطع مع الحرارة مع العلم أني ساكن في جدة يعني ما يحتاج أقولكم عن الحر و الشمس عندنا
خذ النصيحة خذلك جلد اول شي اسهل فالتنظيف والشكل احلى اما انه يتقطع انا لها معي اكثر 7 شهور والحمدلله نظيف مافيه الا العافية واذا كنت خايف من الحرارة ركب عازل وانسى ولمعلومية تراني مثلك فجدة
3- لون السيارة أنا بصراحة الأسود و الابيض اللؤلؤي مهم عاجبيني و لا الرصاصي و النحاسي و ناوي أخذ اللون العودي بس يا ريت تفيدونا عان الألوان و أفضلها من ناحية الغبار و الخدوش
العودي حلو وفخم لكن والله انك بتتعب بعد ما تطلعه انا واحد من خوياني طلع عودي قلتله خذ ابيض قال الابيض مستهلك ومني عارف ايش شف الحين السيارة يغسلها يوصل البيت ويكتب ذكرياته عليها اقله كيف الابيض يقول الابيض عز بس بعد ايش
4- في واحد صاحبي قال لي أنه يوم أخذ السارة من الحراج يكون سعرها نازل عن سعر الوكالة تقريبا ب 10 الاف ريال هل لو أخذت السيارة من الحراج يكون شاملها الضمان و الصيانة من الوكالة
هذا الكلام صحيح بس اعتقد الفرق يكون اقل شوي وما تون من الحراج من المعارض اما من ناحية الضمان فمادري لكن اعتقد انه يشملها
5- بالنسبة لفترة التمرين صح زي ما يقولون الناس أنه لازم تمشي بالسيارة أول ألف كيلو بدون ما أشغل المكيف و لازم أمشي أقل من 100 كيلو عشان عزم السيارة هل هذا الكلام صحيح
ايوة هذا اكيد لازم ما تتعدى 100 او تشغل المكيف خلال اول الف كيلو بس لازم بعد الالف توديها الوزكالة عشان صيانة الالف تعتبر الصيانة الاهم وهي مجانية
أرجو مشاركتكم و اجابتكم عن الأسئلة و شكرا جزيلا لكم
العفو وهذا الواجبتقبل مروري وان شاء الله اكون افدتك
مواقع النشر (المفضلة)