استشارة

[أبو سارة]

شباب يسعد مساء/صباح الجميع..
أخوكم باقي صايم من السيارات, والله كل السيارات اللي على قدنا
عيوبها على قد أسعارها. أقصد انك تبغى تدفع تحويشة عمرك في سيارة تخدمك
وتتكل عليها بعد الله, ولا أخفيكم الأقرب الى نفسي هي الأكورد, والعيوب اللي نقرا كلنا عنها تخوف, الزبدة عندي سؤالين يمكن أو اكثر شوي:
وش رايكم بالفل 6سلندر من ناحية الخدمة والتحمل؟
وش أخبار العيوب التصنيعية فيها؟
متى بينزل موديل 2012 لأني ناوي على رمضان بالقليل_إن الله أعطانا عمر وعافية_؟
أعطوني كلام فاينل يالربع لا تبطووووووون... وتحياتي سلفا للجميع:d

[GO AHEAD]

أبو سارة
أسعد الله جميع أوقاتك

ممكن مداخلتي ماتفيدك بس حبيت أطرحها
سيارتي أكورد 2009 بس أربعة سلندر ولها
الآن سنتين ولله الحمد دون أي مشاكل
و مرتاح جدا منها و بيني وبينك مو كل شي
يطرح يكون صحيح , لأنه فيه شباب كثر
يشوفون بعض المشاكل الصغييييرة جدا
بأنها كبيرة وجوهرية والمفترض إنه ماتطلق
كلمة مشكلة كبيرة أو عيب مثلا إلا لشئ
يعيب السلعة فعلا يعني خلل جوهري ومؤثر

وفي الأخير ترى الموتر ممتاز و ماهو خيالي
زي ماتتصور ولكن في فئتها ومن وجهة نظري هي الأفضل .

تحياتي لك و ربنا يكتب لك اللي فيه الخير

[أبو سارة]

تسلم أخوي go Ahead الظاهر لك من اسمك النصيب الكبير.. وبالعكس مداخلتك فادتني وطمنتني, وأنتظر منك ومن بقية الأعضاء الكثير لأني مشارك في المنتدي من ثلاث سنوات تقريبا وأعرف إنكم ماتبخلون بالنصيحة... شاكر لك مرورك
والله يبارك لك في سيارتك ويعطيك خيرها ويكفيك شرها..

[Gray AccorD]

ابو سارة مساك الله بالخير .....

والله السيارهـ ماعليها كلام وانا نص معارفي معاهم اكووورد ولا احد يشتكي منها وهي بلا

شكـ الافضل في فئتها ويمكن الشي الوحيد اللي راح تتعب معاه الاقمشة طبعا على حسب استخدامك ولا السياره فل الفــــــــــــــل

[دنيآ الغرور]

شوف ياغالي

بالنسبة للاكورد بشكل عام السيارة عملية جدا لكن اذا تبي تحافظ عليها دلعها وان شاء الله تخدمك ..

العيوب المصنعيه الي لاحظتها بالسيارة حتى الان

علبة الدركسيون ورجة احيانا على السرعات العالية - العزل الخارجي لك عليه ..

عدى ذلك والله ماشفت عليها شي

وان شاء الله يفيدوك الشباب اذا في شيء اضافي

[أغـار يا هـوندا]

والله حبيبي أنصحك بالفل 4 سلندر بشاشة فقط
هي أفضل نوعية
الـ 6 سلندر ما عليها قصور
لكن البعض يتخوف منها , وما أدري وش السبب؟
الله يوفقك ويعينك ويسعدك اختيار موفق

[أبو سارة]

لكم كل الشكر جميعا...... الله يكتب اللي فيه الخير ويختار الصالح..
شاكر للجميع مرورهم وأخص بالشكر من تكرموا بالرد لهم مني كل الشكر ر والتقدير