قصة عجييييييييييييبه

[sabti_80]

السلام عليكم,

حبيت اشاركم تجربتي العجيبة في سيارتي الاكورد 2008. القصه بدت بعد ما غيرت سير المكينه الخارجي و بعد كم يوم ظهر عندي صوت ونة متقطع. قلت يمكن من السير الجديد و يروح مع الوقت لكن ما راح. رحت عند ميكانيكي في الدمام و شرحتله القصه و طلبت منه يرجعلي السير القديم و بعد ما رجع السير, ما راح الصوت. طلبت يفحصلي البور قالي ما فيه صوت و بعد فحص طويل عرف ان الصوت مصدره كمبرسر المكيف!!!

قلتله بس المكيف ممتاز و ما فيه شي! قالي هذا الكلتش مال المكيف و يمكن يخرب معك باي لحظه. و قالي مافي حل الا انك تبدل الكمبرسر كامل !!! قالي لان الكلتش ما يتغير لحاله. قلت طيب كم حق الكمبرسر جديد؟ قال بحدود 4500 ريال قلت و مستعمل؟ قال 1600 ريال:( قلت انا مو مقتنع. قال شوف انا ممكن افك الكمبرسر و ممكن يكون الرمانه الي فيها خربانه بس و اغيرها. قلت حلو بس كم تكلف؟ قال 600 ريال, قلت غالي مابي.

ثاني يوم رحت الوكاله و بعد ما فحصها المهندس قال ما فيها شي و هذا طبيعي!!! قلت بس الصوت جديد و ما كان موجود اول. و بعد نقاش, عرضها على الفني و قال ان المشكله في الكلتش حق المكيف. قلت تمام و كم يكلف؟ قال 1600 ريال

و بعد ما ظاقت الدنيا علي كلمت اخوي في الرياض و هو يعرف ميكانيكي ممتاز يتعامل معاه و لما حكاله القصه قاله خلي اخوك يجيب السياره بس و ما عليك الشغله بسيطه!!!

و فعلا رحت الرياض و بعد ما فك الكلتش طلب من العامل الي عنده ياخذه المخرطه يشيل الرمانه و يحط وحده جديده و فعلا بعد ما ركبها كل شي تمام و لا صوت ولا شي

و بعدها, كم تطلب يا صديق؟ قالي 200 ريال :d:d:d

يعني التكلفه نزلت من 4500 الى 1600 ثم الى 200 ريال!!! و طبعا احتفالا بالي صار رحت غيرت زيت و فلتر و غسلت السياره :d

العبر المستفاده:

اذا واجهت مشكله في سيارتك اسأل و استفسر جيدا قبل ما تصلحها و شوف اكثر من ميكانيكي و لا تستعجل.

و الحمد لله رب العالمبن

[جاكي2]

الحمدلله انك واعي وما قدروا يضحكوا عليك هذولا المرتزقة والحمد لله انها بسيطه
بس ترا الكلتش كومبرسر لو خرب مستقبلا بعد عمر طويل ترا قيمته بالوكاله 368 ريال وهو اللي تسمع صوته يطق مع بداية تشغيل المكيف ويفصل ويرجع يطق

[بلال العلمي]

كلامك صحيح اخوي وكلامك عين العقل

وفيه ناس غيرت المكينة بسبب صوت وفي النهاية طلع رمان الطرمبة


الورش ما عندهم خبرة او بالاصح هم يمرون على اخطاءهم مرور الكرام ما يبون يتعلمون منها

[المباشر]

ناقص بس عنوان الميكانيكي واذا له رقم اتصال وتصير احسن واحد

[Abusliman]

ناقص بس عنوان الميكانيكي واذا له رقم اتصال وتصير احسن واحد

+1

[متصفح]

الحمد لله انك سألت اكثر من ورشه لان الموضوع بسيط وكثير من الورش ماعندهم غير تغيير واسعار فلكيه

حاول انك تشغل المكيف على ضغط منخفض يعني حدود 1 ار بي ام عشان مايخرب الكلتش بسرعه

وشكرا على طرح التجربه

[sabti_80]

شكرا يا اخواني على الردود, للاسف ما اعرف رقم الورشه لكن هي في ام الحمام و خريطة مكانه عملتها لكم تحت و المحل هو الي على الزاويه مباشره (العلامه الصفرة)

لكن انتبهوا مو معناته انه عرف مشكلتي انه يحل كل مشاكلكم, انتو لازم تسألوا اكثر من واحد بعدين تقرروا

بالتوفيق

[D.H.o.O.o.M]

^^^^^^^^^^

المحل جنب ورشة 20 ((حسب وصفكـ طبعا )) :d

بالتوفيق ياخوي وفعلا لازم الواحد يسال ويدقق خصوصا اذا كان الخلل مو متاكد منه

[الله يذكر ايامك]

مشكور اخوي والله انك سوية عين الصواب مشا الله عليك الله يعين على الوكاله والوراش

[B Useful]

ايام مطر الرياض الاخير اللي قبل حول سنة الحففففلة .. سيارتي تحولت الى غواصة .. وصار عندي نفس الخراب وطلع نفس الصوت المزعج ،، تقريباً حول 300 ريال غيرت الرمانة حقت الكمبريسور //