الفحص المجاني سياسه تسويق :d
وسع صدركـ يا الغالي
السلام عليكم ورحمة الله
إزيكم كيف حالكم وعاملين ايه
طبعا زي ماشفنا وسمعنا إن في فحص مجاني
كلنا استأنسنا وقلنا نشوف وش هو الفحص إلي يأخذون عليه 160 ريال لفحص المكينه
وش هالمهندسين العباقره إلي عشر دقايق يأخذون على الفحص مبلغ وقدره
المهم قلت لازم اروح الوكاله خصوصا إن سيارتي ماقد فصحتها بالوكاله ولا اعترف فيهم
المهم طبعا انا انسان ما ارضى بالظلم ولا احب الظلم:d
بتعرفون ليه
دخلت السيااره الفحص وقامو يقلبون فيها بكشافهم اثنين اخوان بوكالة الجبيل
ويضحكون ويقولون تبي شاهي؟
قلت لا توني شارب :d<<<<شارب وإلا لحيه هه هه
ماعلينا من هالسماجه إلي فوق
الضحك وانا بالإستقبال اسمع إلي يكلمونهم المهندسين يقولون عندك الدوده تكلفك 4000 ريال
خخخخخخخخخخ
ياا اخووان حنا هنود ؟ مع احترامي للأخواني الهنود <<<<<يسمع يالديمقراطيه:d
كلنا ندري إن الدوده عيب مصنعي إلى متى هالإستغلال بعقول الناس اصحاب الـ2009 وإلا إلي شاري سيارته مايدري عن مشاكل الهوندا
ويلهفون راتبه إلي توه متدبل ومستأنس فيه :(
يعني في نفس اللحظه اسمع المهندس السعودي يقول عندك تهريب بالدوده
واسمع المهندس الهندي بالإنكليزي بنفس الوقت يقول لواحد ثاني leak in steering oil :(
طبعا جاء دوري :d
بسم الله ايووه
اسمعووااا اول شطحه
المهندس:- عندك السنتر لوك إلي ورا مايفتح مع الريموت
انا :- لا معليش ينفتح وطبيعي مافيه اي مشكله :p سيارتي واعرفها
المهندس :- عندك تهريب بزيت الدركسون
انا :- هههههههههههههههههه وانبطحت اضحك بالوكاله والناس يطالعون
وش فيك
وانا ماني قادر امسك نفسي من الضحك لدرجة عيوني دمعت
قلت له وش قلت ماسمعت
المهندس وهو خايف ومرتبك :- عندك تهريب في وشسمه زيت هذا بالدركسون
انا :- ايه خير إن شاء الله
المهندس :- وعندك فلتر البنزين و البواجي وسير المكينه
انا:- مالك بشغل بذي اشياء استهلاكيه ومتى ما ابي اغيرها بغيرها من غير ما اشوفك :p
<<<<امزح امزح ماقلت كذا:d
قلت له طيب ابيك تحسب لي كم السعر من دون سعر التهريب إلي هذي مشكلة هوندا ومي مشكلتي
قال يكلفك من غير التهريب 2090 ريال
طبعا هذي بس اشياء استهلاكيه سير وبواجي وفلتر بنزين بـ2090
يعني مسوين فحص عشان يروعون الخايفين على سيارتهم ويصلحونها لهم
قال بنسوي لك صيانة 240
قلت له 240 ريال حلو رخيص
قال لا ممشى سيارتك 240 الف وتدخلها الصيانه الوقت ذا
قلت له ايه خير إن شاء الله
وطلعت من عندهم
يعني ياشباب الفحص المجاني وراه اهداااف واضحه
عطونا تجاربكم بالفحص
الفحص المجاني سياسه تسويق :d
وسع صدركـ يا الغالي
مااااااا عندهم سالفة
يعطيك كاسة شاهي وكاسة هوندا وعلبة مناديل
واحيانا كاب هوندا
ويدخلوك على الكشف المجاني ( زعماً )
ويطلعوك من الفحص وانت في غااااية السعادة
بمستوى سيارتك الرااااائع والتي تحتاج الى تغيير كل شيء
فيها ( بعد الفحص المجاني طبعاً )
وأقل تكلفة للأصلاح المقترح والمتوقع لا تقل عن 4000 ريال في أفضل الحالات
عن نفسي ذهبت اكثر من فحص ( مجاني ) من قبل واحيانا يفيدوك فعلا
بأشياء تحتاج التغيير والاصلاح عندها خذ قطع الغيار منهم لو كان هناك خصم
واذهب بها الى إحدى الورش الجيدة وصلح سيارتك بتكلفة اقل من ثلث تكلفة
الوكالة ( النصااااابة ) في أحيان كثيرة
يعني العام الماضي قالوا لي هناك ثلاث من كراسي المكينة تحتاج تغيير
وفعلا كانت الكراسي متقطعة وتحتاج تغيير ولكنهم طلبوا حوالي 550 ريال
قيمة التغيير في الوكالة فذهبت واشتريت الكراسي من محل قطع الغيار
وبسعر افضل من سعر الوكالة ( حتى مع خصمهم الفاشل ) وذهبت لميكانيكي
جيد ومتخصص في الهوندا ( وكان من معارف أخي ) وغيرت عنده الكراسي الثلاثة
بسعر خاص جدا 150 ريال والحمد لله حتى الان السيارة تمام التمام
آآآآآآآآسف على الاطلاة ولكن للأهمية وجب التنويه :d
من جد سياسة تسويق
لأن سيارتي ماقد طبت الوكالة غير اليوم قالي عندك ليات الدركسون فيها عيب مصنعي نصلحها مجانا >فرحت..! قلت اوكي غيرها اللحين
قالي لازم تحجز على صيانة 110 الاف بمبلغ وقدره
مادامه مجاني افحص وشف وش يعطونك وشيك عليهن برا وصلحهن
اعرف وش الخرابات الي عندك ولا عاد يشوفونك الا الفحص الثاني
انا حاس ان هشومي بيسوي كل اللي يقدر عليه عشان يقفل هالمنتدى الرجال كل ما يسوي حركة عشان يترزق من ظهور الموسوسين تجون انتم تخربون عليه اووووووم الدنيا اللي كذا الواحد ما صار ينصب على كيفه <<<بيترفس لين يقول بس
هذي سياسة تسووووويق والهدف منها
جلب اكبر قدر ممكن من العملاء
بصراحه والله بالنسبة للفرع الي عندنا ماعليه اي ملاحضات .. وتعاملهم رايق وررربي
http://www.hondaarabia.com/club/t46860/ <<< رابط خاص بموضوع الفحص المجاني
الفحص المجاني مفيد لأصحاب العقول فقط ..
رح عندهم .. كل فطاير .. اشرب شاي .. فرصة تاخذ اجازة 3 ساعات من دوامك ..
رح عندهم .. بيقول لك اشياء تافهة ( لمبة - بواجي لمبة السكن << اشياء سقيمة انت تعرفها بنفسك ) ..
وفية اشياء ثانية .. ازين من تروح عند يمنية ولا ورش نصابة مايعرفون وش السالفة ...
يطلع تهريب زيت - دودة تهرب - طرمبة تهرب - رمان بيلي يطلع صوت - يعني شغلات معروفة عندهم ، مجهولة عندنا ... انت يابطل مطلوب منك تسجلها بورقة او خلف التقرير حقهم ..
الدودة يقول لك نغيرها بـ 4000 وهي تتصلح بـ 600 ريال قطع وشغل يد
الطرمبة يقول لك خربانة تتغير بـ 2800 وهي تتصلح بـ 180 قطع وشغل يد
كراسي مكينة ويعطي مبلغ ( قيمتها + شغل يدهم الغالي ) وانت رح اشترها من موزع برا بخصم وورشة 20 يركبها ..
المهم خذ التقرير حقهم .. والشي المهم صلحة برا .. والشي اللي ما يضر ويميشك 20،000 كيلو .. خلة بعدين ..
واصحاب العقول في راحة ..
فحصهم هذا ما اعترف فيه والحمد لله سيارتي زي الفل وما ابغى دوشة الراس:d
يا عزيزي هل اذا ما يبغى يدخل سيارته الوكاله ويصلحها بالوكاله يكون مجنون وما عنده عقل؟
انا متابع لردودك كلها ترد وكأنك ملاك من الجنه ما يعجبك شيء ودايم تتصرف بالمثاليه الزائده فهل لازم اللي امامك يوافقك بعقليتك عشان تكون انت وياه مرتاحين تبعآ لحكمتك أهل العقول في راحه...
رحم الله أصحاب العقول !!
والله من دريت انو في صيانة مجانية ضحكت وعلى طول قلت ماني رايح السنة هذه
ياشباب سيبكم من جدول الصيانة الواحد صار عندو خبرة ومعرفة بسيارته اكثر من الوكالة معروف فلتر البنزين كل مسافة معين يتغير الزيت الفلاني بعد فتره نغيره يعني الواحد يطالع الجدول الي باليارة في الكتيب ويمشي عليه
بس مشكلة الدودة المسكن حقه تغيير زيت الدركسيون حق هوندا كل سنة ان امكن واقل من المسافة الي مكتوبة للتخفيف من الحمل الموجود على الدودة وكرسي المكينة معلروفة قصته حتى الاصلي ماهو مضمون كل سنة غيرو من دون ماتضيعو وقت ف الوكالة
الفحص المجاني بضيع عليك بالراحة 3 ساعات ياسيدي خليهم لراحتك
والسلام
مشكورين شباب
اخ useful
انا اول ماقريت كلامك استنكرته صراحه قلت ذا وش فيه ينغز ويدقق
وبعدها قريت كلام accord وحسيت إنه فهمك
يعني انت بديت ردك
الفحص المجاني مفيد لأصحاب العقول فقط ..
يعني اقدر اقول لك وش قصدك صح وإلا لا؟
وانت بتوضح قصدك بس انا اقول لك ردك ماكان واضح وكان مبهم بالتنغيز والدق يعني وبندخل في نقاش ماله داعي عشان اسلوبك الحلو
ترى انا مابيني وبينك شي ولكن كلام اكورد f16 حسسني إن فيك شي
ومانبي مشاكل بالموضوع
وترا ختمت ردك
بأصحاب العقول في راحه
يعني حسستني إنك مسوي شي عظيم بحياتك إنك رحت الوكاله وعرفت تطلع الخرابات وتصلحها برا وإنك عبقري بالحركه ذي
يارجال بيني وبينك من يوم سمعتك تقول إن السيدي صار زي الكاسيت ولا صار احد يستخدمه وانا حاس إن فيك شي خخخخخخخ طبعا هذي مزحه لازم تتقبلها امزح معك
هههههاي ..
الظاهر لازم اكتب كلام ثم اجي بعدة بفترة احط شرح للكلام اللي احطة ..
لزأة معظم مشاكل العالم تكون ان الشخص يقصد شي .. والمتلقي يفهم اللي يظهر لة .. يفهم حسب مزاحة ،، يفهم حسب جوة .. يفهم بكيفة ...
مافية مثل يقول : كلن عقلة في راسة ويعرف خلاصة ؟؟
اذا كانت لاحظت ردود يبهالطريقة .. هل لاحظت مئات الردود من الاعضاء كيف يشتكي من الوكالة وقطعها غالية والهوندا حساسة ولازم تسوي كذا ولا تشغل المكيف والسيارة جديدة وكلام خراط قسم بالله موب مكتوب لا في موقعهم ولا في كتب الصيانة حقتهم ولا اي شي .. بس كلام يطلعة موظفي الوكالة وادفع انت وياة ثم نقعد سنة نشتكي من الغلاء ومن الزرف اللي صاير ..
اجل فية اعضاء يغيرون الزيت كل 2500 الى 3000 كيلو ... هنا اقول بقوة .. اهل العقول في راحة ..
اجل فية اعضاء للحين يروحون كل 5000 للوكالة .. هنا يقوة اهل العقول في راحة .. 5000 لو اطبقها على يعني بالكثير كل شهر ونص اويها الوكالة ؟؟؟ ماصارت سيارة يعتمد عليها .. بكل فخر اقولة سيارتي ماشية الان 230،000 كيلو ولا راحت الصيانة الا مرة وحدة فقط ... صيانة 120،000 والسبب بسيط .. عشان اغير لي الدركسون اللي فية خلل مصنعي .. واي شي آخر ،، معروف متى يتغير .. البواجي وزيت القير ، الزيت بالنسبة لي حسب الاستخدمة كل 15 الف ، السير كل ما اغير ازيت افحصة واشوفة تشقق ولا لا .. ومعة اشيك على باقي الزيوت والمويات والفلاتر .. هذا اللي تحتاجة السيارة بكل بساطة وطبعاً الفرامل اذا حسيت انها خلصت... ما تحتاج تعطل نفسك 24 ساعة كل فترة عشان توديها الوكالة ..
آمل ان فكرتي وضحت لك ..
بعض الناس تروح وتفحص وتصلح وسواء كانت طفرانة ولا لا .. ثم يرجع لك يقوم الدنيا الهوندا مشاكل الهوندا غالية الهوندا حساسة ، لا تشترون هوندا تراكم بتاكلون تبن في الاسعار .. ويقعد يسويلك بلبلة مالها آخر والسبب كلام من الوكيل مالة اساس من الصحة الا لنق الدراهم من جيبك ..
واذا تبي سواليف صارت لي معهم .. ابشر بسالفتين صارت معي شخصياً وحدة منها معي محمد بن عبد العزيز والثانية العضو Accord 2007 تبين لك الخراط اللي احياناً يسونة ..
اخوي فيصل .. بخصوص الكاسيت والسي دي .. حسب المجتمع اللي انت عايش فية ..
تقريباً اغلب الالي اعرفهم واللي دايم اطلع معهم من قروب هوندا من هالمنتدى يستخدمون الايبود من يوم ماعرفتهم .. ابسط واسهل وعملي اكثر ..
ان شاء الله تتاح لك الفرصة وتسافر برا او تعيش مع مجتمع متقدم نصف سنتي متر مربع ،، وتشوف الناس في الشوارع والمولات والسيارات وكل مكان تشوف وش يتخدمون CD Player بحجمة المعروف وشايلة معة .. ولا ايبود شفل كنة ازرار في قميصة ..
الدنيا تكبر والتكلنوجيا تصغر .. ولا زال بعض يستخدم ماوجد علية آباؤة .. الكاسيت .. والسي دي ،،، شي راجع لهم طبعاً ... لأنهم ماجربوا غيرة ولا شافو حلاوة غيرة ..
ختاماً ... ( كلن عقلة في راسة ويعرف خلاصة .. هي بديل لأصحاب العقول فقط ) ..
وعندما اكتب هنا لا اقصد شخصاً بعينة ،، امل ان الفكرة وصلت لكم بغض النظر عن الاسلوب االقذافي خخخخخ
:o
مافهمت شي ..!!
B useful
لقد اسمعت اذ ناديت حيا ولكن لاحياه لمن تنادي
خواطر من هنا وهناك
- عن جد عن جد ضحكتني سالفه السي دي ..!!.. :d ..!!
اجل باقي احد يستعمل سي دي ..!! .. شكله توه تنزل عليه الكسرات و اغاني ايقاعات المطبخ
.. اقصد الشعبيه .. :o ..!!.. يلا عقبال ماتنزل بالايتونز قريب ..!! .. يارب لئه ..!!
- وش قصه الحساسيه الزائده ها الآيام .. لاتكون موضه .. ويارب يستر منها لاتخرب
فيلم ذا هانق اوفر ٢ ..!!
- لامبو .. LA YKTHER
هدوووووووووووووووووووووء
ليش هالتشنج كله
كل واحد حر في ماله وسيارته
نعطي وجهات نظر بدون مانحس انها من نظريات الحياه التي لا تصد ولاترد
دوبك تدري اخوي
على فكره سيارتي ماشيه 250 الف واعطيها إلي تبي بدون ماتقول لا ولا استخسر فيها ريال
بس اانا بقول لك بعطيك على قد عقلك من مبدا العقول في راحه
فإنت عندك خيارين ياتفهمها غلط وهذا شي راجع لك او تفهمها زي ماتفهماا
سالفة السيدي والمجتمع وحلاوة التطور
يعني بالله رحت تقول لي تعيش برا وتذوق حلاوة التطور عشان اي بود
وإلا عشان اغنيه اسمعها ؟ بكذا عشت حلاوة التطور؟
صدق إننا مسخره يالعرب خخخخخ
وعلى كلام الوكاله انت بديت بردك الأول بطريقه استنكرتها
ومثل ماقلت لك سيارتي ماشيه 250 واعرف وش تبي واعرف وش تطلب يعني مابروح الوكاله كل ماسمعت صوت بالسياره
ولكني ماراح اقول للي يودي سيارته الوكاله اصحاب العقول في راحه لأني بحترم عقله وبمقولتي ذي له راح يفهم إن عقله فيه شي
صح وإلا لا
فعيب علينا حنا كأخوان هنا نستصغر من بعض عشان عندك اي بود وانا ماعندي خخخخ
اذا كنت تحسن انة استصغار فهذا شي راجع لك ..
اذا كنت تحس انك لوحدك مصخرة بين العرب شي راجع لك ..
اذا فهمت اننا قاعدين نستصغر بعض عشان ايبود فهذا راجع لك ..
اذا فية احد يحس عقلة فية شي اذا قرا اي كلام فهذا شي راجع لة ..
مواقع النشر (المفضلة)