مشكلة محيرتني

[بليز]

الأخوان الكرام السلام عليكم
اليوم وأنا ماشي حسيت إن القير ماهوب مضبوط وأحس أنه يكتم ويغير بشكل غير طبيعي
المهم مشيت وو قفت عند الإشارة وحطيت القير في وضعية (n) إرتفع عداد الضغط الكمبرسر اللي في الطبلون و وظل معلق بسراحة خايف يكون في مشكلة بالقير ولا شي الله يستر
مع العلم إن سيارتي موديل 2004 أربعة سرندل ومحافظ عيها جدا
تراني ما نستغني عن رأي الخبراء
شكرا لكم .

[$$الدولار$$]

هذه المشاركة مخالفة لسياسة قسم المشكلات والحلول والأداء ..

نوع المخالفة : رد فارغ من الفائدة ..

[اتــشـــــ]

اخوي بليز شيك على زيت القير ... يمكن يكون ناقص أو قديم ومحتاج تغيير

ونصيحه لوجه الله تعالى زيت القير لاتغيره الا في الوكالة

صح انه غالي ( 117 ريال :( ) بس والله انه يستاهل .

[just 4 u]

بـليـز ..

بـليز تقول لـنا وش نوع السـيارة ؟

[الهادف]

شيك على حساسات الهواء .. وكذلك شيك على مدى نظافة فلتر الهواء ..

أغلب مشاكل ارتفاع انخفاض الضغط بشكل عشوائي هو أن الحساس يستشعر كمية أكبر لدخول الهواء ويقوم بإرسال تلك المعلومات إلى الكمبيوتر ليقوم هو الآخر برفع نسبة سحب الوقود وكذلك الهواء ..

سؤال .. هل مشيت بسيارتك من غير فلتر هواء ؟؟

[بليز]

أهلين أخواني
السيارة أكورد 2004
الفلتر وكالة جديد مشى 2000 كيلو بس
الغريب إني شيكت على عيار زيت القير لقيت مافيه زيت !!!؟
السؤال هل زيت القير يكون كثيف على العيار مثل زيت المكينة لأني
لقيت زيت خفيف جدا جدا على العيار
وهل القير لو ما فيه زيت يمشي
أرجو أن تفيدونا

[الهادف]

أهلين أخواني
السيارة أكورد 2004
الفلتر وكالة جديد مشى 2000 كيلو بس
الغريب إني شيكت على عيار زيت القير لقيت مافيه زيت !!!؟
السؤال هل زيت القير يكون كثيف على العيار مثل زيت المكينة لأني
لقيت زيت خفيف جدا جدا على العيار
وهل القير لو ما فيه زيت يمشي
أرجو أن تفيدونا

اذا شيكت على زيت القير عندما تكون السيارة باردة يعطيك قراءة خاطئة ويوهمك بأن العيار منخفض .. قم بالسير بسيارتك لمدة ربع ساعة قبل تشييك معيار زيت القير ..

تقدر تعرف مدى صلاحية الزيت وذلك من خلال رائحته حيث أن رائحة الزيت المنتهي اشبه برائحة الدخان او الكربون ..

ومثل ما قال أتشـــ يفضل أنك تغير الزيت بالنوع المتوفر في قسم قطع غيار الوكالة او موزعي قطع غيار هوندا .. سعره بـ 35 - 40 ريال للتر الواحد والأكورد تحتاج 3 لتر ..

لما تروح للخدمة السريعة في الوكالة انتبه لنوع الزيت الا يحطونه .. يكون في علبة بلاستيكية بيضء غطاها أحمر لأنهم ركبوا لي من قبل زيت تعبان بـ 45 ريال ..

[الأستشاري]

المشكلة الي عنك يا اخوي العزيز موجوده بين فلتر اهواء وحساس الهواء شيك عليها ممكن فيه حاجه عالقه بينهم
بالنسبة لتشييك زيت القير في الهوندا لازم تكون السيارة طافية

[الهادف]

بالنسبة لتشييك زيت القير في الهوندا لازم تكون السيارة طافية

بيعطيك المعيار قراءة خاطئة وذلك بسبب أن زيت القير لم يصل إلى حرارة التشغيل المناسبة .. ومعروف بأن السوائل تتمدد عند ارتفاع حرارتها ..

وش بصير لو عبيت الزيت والسيارة طافية ؟؟
الا بصير يا طويل العمر أن زيت القير بيتمدد وبيتسرب من السيارة ..

[ل م س 3 3 4]

ياشباب تنصحون اغير زيت القير كل كم كيلو

[بليز]

حبايبي جزاكم الله خير
فلتر الهواء وعرفناه بس حساس الهواء وين هو فيه بالضبط بالتفصيل الممل لو سمحت
بعدين زيت القير وش أسمه وإذا فيه صورة له وهل هو من نوع كاسترول
وهل هناك خدمة سريعة في فرع الخالدية بالرياض وهل أستطيع مشاهدة عملية التغيير
وهل تنصحون بإجرائها خارج الوكالة .

[acoord]

الهادف , طيب ينطبق هذا على زيت المكينة ؟

[الهادف]

ياشباب تنصحون اغير زيت القير كل كم كيلو

كل 40000 كيلو ..

[الهادف]

حبايبي جزاكم الله خير
فلتر الهواء وعرفناه بس حساس الهواء وين هو فيه بالضبط بالتفصيل الممل لو سمحت
بعدين زيت القير وش أسمه وإذا فيه صورة له وهل هو من نوع كاسترول
وهل هناك خدمة سريعة في فرع الخالدية بالرياض وهل أستطيع مشاهدة عملية التغيير
وهل تنصحون بإجرائها خارج الوكالة .

راجع هذا الموضوع ..
طريقة تركيب الفلتر الرياضي لـ الأكورد 2003- 2007 (صور)
للأخ ابو سحاب ..

زيت القير مثل ما وصفته لك .. علبته بيضاء والغطاء لونه أحمر وطبعاً مكتوب عليه ان خاص بنواقل حركة هوندا

بالنسبة لفرع الخالدية أتوقع فيه صيانة .. سمعت قبل كذا كم عضو راح له وبالنسبة لعملية التغيير تقدر تشاهد جميع اجزائها ..

اما بالنسبة لتغيير زيت القير خارج الوكالة فما فيه اي مشكلة .. اهو شي خذ الزيت معاك للبنشري وخلك معاه ..
طبعاً في الوكالة بـ 117 ريال اما عند البنشري بـ 115 مع شغل اليد .. ما تسوى روح غيره في الوكالة احسن اذا كانت قريبة منك ..