وعليكم السلام ورحمة الله وبركاته

اليوم رحت للوكالة ابغير زيت وسيفون وفلتر الهواء وماكنت داري انه فيه الفحص السنوي المجاني , الساعة 7 وربع وانا بفرع خريص , واشوف ذاك الطابور اللي واصل الى وكالة نيسان !!!

قلت ايه بس , واروح اخلص اشغالي وافطر على هالصبح الى ماجت الساعة 9 وشوي
واروح لهم واشوف الطابور الى مدخل معرض الوكالة حق هوندا (( صفين ))

واصف معهم , وجلست اقول ببالي والله لو ابجلس ماطلع الا بطلعت الروح , خلني اجي بكرة احسن لي واسوي الفحص المجاني مرهـ واحدة

واليوم انا ماصحيت الا بالليل الساعة 11 , و6 الصبح اليـوم ان شاء الله ابوقف السيارة قدام مدخل الصيانة واخليه واروح واجيهم 7 ان شاء الله , والله حالة هالزحمة !!!

وابسوي الفحص , مع اني داري انهم فيه مليون مشكلة ومشكلة بالسيارة واهمه تهريب بزيت المساعد الأيسر , وبهذلني الصراحة بالحذفة , ومرات احس الطارة ثقيلة شـوي (( هذي اتوقع من زيت الدركسون وابشوفه بكرة ان شاء الله ))

وابضبط المشاكل بعد الفحص ان شاء الله بعد مارجع من القصيم , ونـروق عليهن

بس ماقلتنا لنا يالغالي , كم ساعة على بال ماخلصو فحص سيارتك , اذا مطول ابسحب عليهم واغير السيفون والزيت وفلتر الهواء واعبي زيت الدركسون , وبلا فحص وبلاخرابيط