اخوي والله انك كفو
احسن ماسويت بلغت عليهم
وننتظر ردهم وان شاء الله خير
وياليت احد يشتكي على مشكلة علبة الدركسون
السلام عليكم ورحمة الله وبركاته
أخواني الأعزاء
أحب ان احيكم في هذا المنتدى المتميز اللذي لطالما استفدنا منه جميعا.
بالنسبه لموضوعي هذا اللذي أرى انه ذو أهمية قصوى لأنني اجد ان كل شخص يمتلك سيارة هوندا أكورد و يشتكي من مشكلة تعليق النور هو مظلوم من قبل الوكيل.
اليكم قصتي مع هذه المشكلة.
مثل بعضكم اشتريت السيارة من شركة عبدالله هاشم جديدة و كنت محافظ على الصيانة الدورية لكي أستفيد من الضمان المقدم من قبل الوكيل. بعد ما أكملت السيارة مسافة 80000 كلم بدأت مشكلة تعليقة النور تظهر في سياراتي. لم أكترث لأنها كانت تظهر بعض الأحيان وليس دائماً. طبعا وديت السيارة كعادتي لمركز الصيانة المحبوب في طريق اليناء واشتكيت من المشكلة. رد علي مهندس الاستقبال بأن المشكلة من علبة الفيوزات و الظفيرة وراح تكلفك فوق الثلاث آلاف ريال. قلت له وين الضمان، قال سيارتك تعدت 60000 و مايشملها الضمان. طبعا بسبب اني لست من سكان جدة و أحتاج السيارة لأن ما عندي غيرها، سويت الصيانة بدون ما أكترث لمشكلة تعليقة النور وأخذت السيارة و توكلت على الله.
بعدها كل صيانة أشتكي يقولون لي نفس الكلام. بعد ال 120000 اشتكيت و قالي المهندس ان الشركة مددت الضمان ل 120000 وانت سيارتك ماشية أكثر من كذا ولا يشملها. بدأ الفار يلعب في عبي . بدأ المحقق كونن في التنبيش و كيف انهم مددو الضمان ولا أعلنو ولا شئ. أنا على قناعة انه عيب تصنيعي و الشركة قاعده تتهرب من مسؤليتها. أكتشف التالي:
علبة الفيوزات مكونة من جزئين. جزء له غطاء و فيه فيوزات و كتاوت و غيرها و الجزأ الثاني ماله غطاء و فيه كتاوت ملحمة في العلبة نفسها يعني ما تتغير. المشكلة في الجزء المقفل علشان كذا الشركة تغير العلبة. طيب هذي فهمناها، ايش دخل الظفيرة ؟
قامت الشركة المصنعة بتصميم علبة فيوزات لها غطاء وفيها كتاوت (الجزء المغلق مسبقا) و تحتاج ظفيرة جديدة. الآن انت ما تحتاج تغير علبة الفيوزات كل ما صارت المشكلة لان العلبة الجديدة معدلة و يمكن تغيير الكتاوت فيها لانه لها غطاء و الكاتوت من النوع اللي مو ملحم.
والله العظيم هذا كلام مهندس كهرباء في نفس الشركة.
فهمنا المشكلة بس مين اللي يجب عليه انه يدفع حق العلبة الجديدة و الكتاوت الجديدة يا حلوين ؟
آسف على الإطالة لكن الموضوع راح ينفع الجميع;).
لائحة استدعاء المركبات وملحقاتها وقطع غيارها في أنظمة وزارة التجارة تنص على التالي:
هذه بعض بنود الائحة وليست كلها وعلى من يرغب في قراءة اللائحة كاملة زيارة الرابط التالي:
- العيب: أي خلل تصميمي أو تصنيعي في المنتج قبل أو أثناء الاستخدام أو نتيجة عدم مطابقتة للمواصفات القياسية السعودية أو المواصفات القياسية العالمية الأخرى التي تعمدها الهيئة السعودية للمواصفات والمقاييس.
- الاستدعاء: إجراء إلزامي تقوم به الشركة الصانعة ووكيلها المحلي في حالة ثبوت ظهور عيب ما في أي منتج وذلك عن طريق الشركة الصانعة أو عن طريق جهة حكومية في المملكة أو بلد المنشأ أو أي بلد آخر طبقاً للمتطلبات الواردة في هذه اللائحة.
- تلتزم الشركة الصانعة ووكيلها المحلي باستدعاء و إصلاح أو استبدال الجزء المعيب في المنتج دون مقابل ودون النظر لفترة الضمان.
- يلتزم الوكيل المحلي باستقبال ومعالجة شكاوى المستخدمين بكل اهتمام وفي حالة تكرار الخلل ثلاث مرات يتم إبلاغ الشركة الصانعة وبعث صورة من البلاغ للوزارة خلال مدة لا تتعدى أسبوعاً من تاريخ تقديم آخر شكوى.
المملكة العربية السعودية - وزارة التجارة والصناعة
طبعا يا جماعة من اللي مكتوب فوق يبين انه لكل واحد فيكم حق عند هذا الوكيل المهمل و المتلاعب بحقوق الناس.
سيارتي وصلت ال 200000 و قد تفاقمت المشكلة من تعليقة نور للأسوء كالتالي:
النور معلق على طول وما يقفل الا لما اشيل الفيوزات.
البواري احترقت.
النور الواطي اليسار انحرق.
لمبة السقف انحرقت.
والله أعلم ايش راح يصير كمان.
وديت السيارة عندهم لعمل صيانة ال 20000 و قلت لهم صلحوا الكهرباء و بعد ما خلصوا قلت لهم بيني وبينكم وزارة التجارة. طبعا هم يحاولون انهم يغروني بخصم كبير علشان ما أشتكي بس انا ما راح أرضى غير بحقي و أنتم كمان.
رقمي هو 0556644069
shmot@hotmail.com
أخوكم شرف حمدان الطلحي
أحتاج ناس معي علشان اقدر اثبت أن الوكيل ما عمل بنظام الوزارة لأنه المفروض يعمل ريكول لكل السيارات اللي فيها الخلل و يصلحها مجانا بدون النظر لمدة الضمان.
أرجوا من كل شخص يعاني نفس المشكلة الاتصال بي على وجه السرعه سواءا على ايميلي أو الجوال.
على فكرة الوكالة تطالبني بمبلغ 4500 حق شغل الكهرباء و تركت لهم السيارة. لها عندهم ثلاث أسابيع و الحسابة بتحسب. أنا الآن مقدم شكوى ضدهم في جمعية حماية المستهلك اللي ابدت اهتمامها. و هناك شكوى أخرى في الطريق لوزارة التجارة.
اتمنى لكم التوفيق جميعا.
وآسف على الإطالة مره أخرى.
والسلام عليكم ورحمة الله وبركاته
التعديل الأخير تم بواسطة Sharaf ; 12-04-2011 الساعة 12:34 PM
اخوي والله انك كفو
احسن ماسويت بلغت عليهم
وننتظر ردهم وان شاء الله خير
وياليت احد يشتكي على مشكلة علبة الدركسون
الله يوفقك يالغالي وان شاء الله حقك مايضيع
الله يوفقك يا شرف
ومضة/
يا شباب ليش ما نكبر القضية شوي
كل واحد يعاني من مشكلة التعليق او مركب كتاوت كحل بديل
يطرح رقم الهيكل لسيارته هنا او يرسلها برساله نصيه الى جوال شرف
اخوي شرف انت اجمع الارقام وارفقها في ملفك لاثبات ان القضية عامه وتشمل اغلب دفعات الاكورد الجيل السابع
التعديل الأخير تم بواسطة accord790 ; 10-04-2011 الساعة 11:47 PM
انا سيارتي 2008 وماعانيت من هالمشكلة ولله الحمد\
بس ياليت لو تشوفو حل لمشكلة طرمبة الدركسيون والله قرفتنا ..
يا شباب الله يوفقكم جميع
أنا على استعداد تام لكل اللي تأمرون فيه.
اللي أحتاجه من كل شخص يعاني أو عانى من نفس المشكلة هو التالي:
أسمه كامل
موديل سيارته
رقم الهيكل
يبين اذا غير علبة الفيوزات و الظفيرة أو لا و على حساب مين
وسيلة الاتصال المناسبة سواء جوال أو ايميل
أنا قاعد أبني قضيه ضد الشركة و أحتاج مساعدة الكل علشان نجيب حقوقنا.
الله يوفقكم جميع
والله ماقصرت كفووووو والله الى متى والوكيل يستهبل على الشعب
انا سيارتي 2008 ما خليت شيء ما جربته غيرت اللمبـآت فصلت الافيوز نظفت العلبه حبيت على خشمهـآ مـآفيه فـآيده النور معلق معلق حتى غيرت عصـآ النور قلت يمكن تستحـي على وجههـآ مـآفيـه فـآيده مـآ ادري هل هو خلل مصنعي في 2008 ولا لا.
تسلمو والله ياغلي... والله إنكـ كفوو.... انا عندي نفس المشكلة... وما طلعت باي حل...
يا شباب لو سمحتم ابغى منكم التالي:
ارسلوا البيانات كلها على ايميلي أو اتصل على جوالي.
- أسمك كامل
- رقم تلفونك و ايميلك (اللي تفضل)
- رقم هيكل السيارة
- موديل السيارة
- توضح لي اذا غيرت العلبة أو لا وعلى حساب يين تغيرت
shmot@hotmail.com
0556644069
تم ارسال المعومات الي بريدك
مع انه لا يوجد لدي مشكه ولاكن محد يضمن انها ما تصير له ولازم كلنا نوقف مع بعض ضد الوكيل
عندي نفس المشكله وتم اضافتك على الايميل
يا شباب ما ارسل لي غير الأخ سفير 055 الله يجعلك في أعلى منزلة في الجنة.
وين الرجال وييييييييييييييييييييييييييين
الحاصل اني اليوم رحت لوزارة التجارة و اشتكيت و انتظر منهم رد. بعدها دقيت على الوكالة اجس النبض ولقيت ما فيه غير كلمة انت اشتكيت والا لا.
بدونكم ما أقدر اسوي شي كبير. بالله سبحانه و بكم نقدر نهز العالم مو بس وكيل سيارات.
تكفون ارسلوا لي بياناتكم خلوني اوديها للوزارة علشان توقف معانا و تضع حد لهذا الوكيل.
ياخوان ياليت يكون في تفاعل
انا عن نفسي ماواجهتني المشكله لاهي ولا تهريب زيت الدركسون
ياليت كمانا ياخوي تتكلم في هرجة تهريب زيت الدركسون مسببتلي وسواس
ابشر يا غالي انا نسيت اجيب رقم الهيكل من السيارة
اليوم باذن الله تكون المعلومات عندك
أنا اقترح
من اعضاء جدة والغربية يتفقو مع بعض ويروحون مع بعض لوزارة التجارة ويشتكون بشرط يكونو مجموعة كبيرة
ونفس الكلام مع اعضاء الرياض والمنطقة الشرقية
وباقي اعضاء المملكة وبكدا ممكن يحس شوية
وين الملايين الشعب السعودي وين !
اخوي بالنسبة لموضوع طرمبة الدركسيون .. احط بياناتي ولا مالي دخل :d
شباب موعدي مع وزارة التجارة والوكيل يوم الأحد القادم
الى الآن ما في أحد ساعدني
وين الرجال !!!!
أخوي دنيا الغرور انا راح اطرح المسألة يوم الأحد للوزارة و نشوف ايش رد الوكيل. لعيونك
0556644069
shmot@hotmail.com
السلام عليكم و رحمة الله و بركاته.
الى الآن ما جاني رد من أحد.
؟
تم الارسال على الخاص
اليوم تكون المعلومات عندك ولو تبي نروح مع بعض نرووح انا عني بشتكي على علبه الدركسون
وكمان عندي النور العالي اللي باليمين فصل مره وحد ورحت لكم كهربائي يقولي مالك الا الشركه
الله حسيبك ياعبدالله هاشم بس بروح اطلع السياره من حجز المرور وان شاء الله تطلع
واروح افك القطب اللي مركبه من جنوط وارفع السياره والتباريز وزنن ومدري ايش
واشوف وضعي ادا قدرت اخاويك خاويتك وادا ماقدرت شوف روح انت
ارسلت لك البيانات المطلوبه على ايميلك من 5 ايـآم ما ادري اذا وصلتك او لا
وانـآ في الشرقيه والله لو اني قريب لاكون معك واخاويك يا دم احمر يا ذهب اصفر ههههه
والله اني معك قلبا وقالبا ياشرف الطلحي...... والله يعينك وتكسب القضية
بس انا عندي رأي بخصوص ان العدد قليل معاك في اللي يعانون من المشكلة
انك تسوي بحث ( عن تعليق النور العالي ) في المنتدى وتشوف مين الاعضاء اللي كتبوا المواضيع وترسلهم رسايل خاصة بتعبئة النموذج عشان تقدمه كدليل على الشركة
وتأكد لو اني اعاني من المشكلة كان اسجل بياناتي أول واحد
وشكراااا
الاستاذ /شرف ما قصر ورفع كل المواضيع اللي فيها كلمة ( تعليق, النور ,العالي , او علبة الفيزات )
الله يعطيه العافيه وبيض الله وجهه
ونسأل الله له التوفيق والسداد
مواقع النشر (المفضلة)