تقــــرير اجراء الفحص المجاني بالصــور ....

[راعي ال ACCORD]

السلام عليكم ورحمه الله وبركاته

يوم الاثنين الساعه الرابعه مساء بالضبط تواجدت عند بوابة الفحص المجاني

بطريق خريص الرياض وكانت قدامي سيارتين فقط يعني حظي جيت بدري شوي



بعد انتظار ربع ساعه تقريبا التفت وراي لقيت حول عشرين سيارة

قلت يادافع البلا لو متاخر شوي كان ماخلصت الا بكره

المهم دخلت مواقف الصيانة وكان التنظيم فيها مررة ممتاز والعاملين فيها محترمين جدا

صفطت السيارة بانتظار يمشي السرى



اللي هو عبارة عن ثلاث سيارات في مسار يدخلون

سوى ويجي غيرهم خليت المفتاح فيها ونزلت اسجلت بيانات السيارة في مكان التسجيل

اللي مع الوهله الاولى حسيت اني في بوفيه مفتوح طاولات وسخانات شاهي وحليب وشغل نظيف

.............

بعد انتظار 40 دقيقة تقريبا :p وصل للمزيونة الدور واخذو السيارة ودخلوها

المهندسين واحد فلبيني والثاني سعودي محترم ورجل

السعودي سهل على كثير عرفت اتفاهم معه واطرح له مشاكل السيارة وجاوبني عليها

اما فلبينو ماغير يهز راسه وبس

لحظه الكشف على السيارة





...................

وبالنهاية يكتب لك المشاكل اللي بالسيارة

وتروح لقسم الاستقبال يعلمك عن المشاكل وكم بتكلف صيانتها والقطع

وبالاخير والاهم والمهم يعطيك كيسة فيها منديل هوندا والميدالية :d;)



الانطباع عن اجراء الفحص :
ارتحت اني عرفت المشاكل بسيارتي لاني اخذها مستعمله
الصدق في التعامل خاصة من المهندس السعودي قالي لاتغير كم شغله تدوم معك
وكم شغله غيرها برى ارخص لك

وبالاخير اتمنى اني ماطولت عليكم بالتقرير واي سؤال انا حاضر ..

[meshoo]

وعليكم السلام

وهذا الي نبيه من الشباب انهم يفهمون ان الفحص المجاني من مصلحتهم ايضا

يعطيك العافيه يالغلآ

[بلال العلمي]

الفحص المجاني من صالحك ولو تروح ورشة ثانية الكشف ب 100 ريال
بينما هنا من ناس كل يوم يرفعون نفس سيارتك اكثر من 40 مرة ويعرف ايش بسيارتك من نظرة واحدة تحت

بغض النظر عن اللي يشتغل بدون ذمة وضمير واللي بدوره يلاحظ من الرؤساء ويتعرض لانذار بعد فترة

وفيه المكلف فيه يسمى (فورمان) هو اللي يفلتر كل تقرير ويسمح فيه او يرفضه

[راعي ال ACCORD]

وعليكم السلام

وهذا الي نبيه من الشباب انهم يفهمون ان الفحص المجاني من مصلحتهم ايضا

يعطيك العافيه يالغلآ

اكيد من مصلحتهم وش خسرانين هم فحص وتشييك وشاهي مجان :d

الفحص المجاني من صالحك ولو تروح ورشة ثانية الكشف ب 100 ريال
بينما هنا من ناس كل يوم يرفعون نفس سيارتك اكثر من 40 مرة ويعرف ايش بسيارتك من نظرة واحدة تحت

بغض النظر عن اللي يشتغل بدون ذمة وضمير واللي بدوره يلاحظ من الرؤساء ويتعرض لانذار بعد فترة

وفيه المكلف فيه يسمى (فورمان) هو اللي يفلتر كل تقرير ويسمح فيه او يرفضه

هذا الكلام

[ملك قوقل]

شكرا لك اخوي على التقرير المصور
بارك الله فيك
ابو ماجد

[King]

انا استغرب بعض الأحيان يروح الشخص يفحص على الفحص المجاني يطلع له مبلغ خيالي فوق الـ 20,000 ريال !!!

مع ان السيارة جديده وماصار لها فتره, والكلام هذا للفحص المجاني للسنة إلي راحت وإلي قبله!.

انا الحمد لله جميع الاشياء إلي تطلع بالفحص هي فعلا ً تحتاج إلى تغيير وفيه بعض الأشياء طلعت لي وماكنت ادري عنها صراحه إلي هي كرسي القير مكسور عندي!!.

وبالنهاية الفحص جدا ً رائع ومفيد وله مردود إيجابي!.

أشكرك على التقرير المبسط والوفي..

[بلال العلمي]

انا استغرب بعض الأحيان يروح الشخص يفحص على الفحص المجاني يطلع له مبلغ خيالي فوق الـ 20,000 ريال !!!

مع ان السيارة جديده وماصار لها فتره, والكلام هذا للفحص المجاني للسنة إلي راحت وإلي قبله!.

انا الحمد لله جميع الاشياء إلي تطلع بالفحص هي فعلا ً تحتاج إلى تغيير وفيه بعض الأشياء طلعت لي وماكنت ادري عنها صراحه إلي هي كرسي القير مكسور عندي!!.

وبالنهاية الفحص جدا ً رائع ومفيد وله مردود إيجابي!.

أشكرك على التقرير المبسط والوفي..

اللي يطلع له 20000 واكثر هذا فعلا عنده المشكلة وتلقى سواقته ماش

فيه ناس للسنة الرابعة وبعضهم للسنة السادسة ومافيها مشكلة في سيارته

[ashraf rashid]

مشكووووووووووووور

[.. Monster ..]

بصراااحه كنت بالرياض ومريت الثلاثاء لقطع الغيااار

وتمنيت سيارتي معي اسوي لها فحص ولكنها مشوار وما بتجي الا قد انتهى وقت الفحص ..
صراااحه تنظيم .. وزحمه لا توووصف والله لو تشوووفون كيف صف السيارات اللي تنتظر ما تصدقون

[راعي ال ACCORD]

انا استغرب بعض الأحيان يروح الشخص يفحص على الفحص المجاني يطلع له مبلغ خيالي فوق الـ 20,000 ريال !!!

مع ان السيارة جديده وماصار لها فتره, والكلام هذا للفحص المجاني للسنة إلي راحت وإلي قبله!.

انا الحمد لله جميع الاشياء إلي تطلع بالفحص هي فعلا ً تحتاج إلى تغيير وفيه بعض الأشياء طلعت لي وماكنت ادري عنها صراحه إلي هي كرسي القير مكسور عندي!!.

وبالنهاية الفحص جدا ً رائع ومفيد وله مردود إيجابي!.

أشكرك على التقرير المبسط والوفي..

اشكرك على ردك

مشكووووووووووووور

الـــــــــعفوووو ياغالي

[راعي ال ACCORD]

بصراااحه كنت بالرياض ومريت الثلاثاء لقطع الغيااار

وتمنيت سيارتي معي اسوي لها فحص ولكنها مشوار وما بتجي الا قد انتهى وقت الفحص ..
صراااحه تنظيم .. وزحمه لا توووصف والله لو تشوووفون كيف صف السيارات اللي تنتظر ما تصدقون

يمديك انشاء الله كلها ساعه وشوي وانت مخلص امورك