سؤال بخصوص المحول حق الكهربا ( الإنفيرتير ) << عاجل جدا

[أكورداوي 999]

السلام عليكم
أخواني أنا شريت قبل فتره
إنفيرتير (محول ) الي يحول من كهربا ولاعه السجاير ل 220 فولت
المهم طفشني الجهاز
أشغله مره واحده وبعدها ينحرق الفيوز حقت ولاعات السجاير
طبعا الفيوز 15
إيش الحل في رأيكم
1 - إني أسوي للمحول تسليك خارجي من البطاريه ؟؟
2 - إني أركب فيوز مقاومته عاليه ؟؟

طبعا هادا الكلام قاله ليا الكهربائي
إيش رأيكم ولو فيه حل ثاني ياليت تكتبونه ليا بسررعه

[mhaster]

اخوي شف لك محول ثاني
انا عندي محول له عندي اكثر من سنه ولا احلا منه
اشبك عليه الابتوب
او البلاي ستايشن
او شاحن الجوال
ولا عانيت منه ابد

انت وش قاعد تشبك عليه ؟؟

[الهادف]

شيك على المحول كم واط يتحمل ..

الظاهر انك قاعد تشغل عليه حمل اكبر منه ..

[أكورداوي 999]

بالنسبه للي جالس أشبكه عليه
شاحن جوال
input 100~240 v 50/60 GH ,0.15A
output 5.0 V
وشاحن لاب توب
input 100~240 v,1.6A
output 18,5 V 3,5 A

والي مكتوب على الإنفيرتير
input 10~16VDC
CONSTANT OUTPUT 259 WATTs
OUTPUT 220VAC/50Hz/60Hz
PEAK OUTPUT: 500 watts
ياليت أكون وضحت كفايه
وللزياده نوع المحول
KOYO
صناعه يابانيه
وشكرا مقدما أخواني ع المساعده

[mhaster]

غير شاحنك
شف لك واحد ازين من هذا
في محل اكسترا فيه اشياء زينه

انا حقي استعمل عليه اشياء واحد وجا الفيوز شي
واشغل عليه الابتوب طول الخط من الرياض للشرقيه ولا فيه احلا منه

[أكورداوي 999]

هههههههههههه
والله إني مطفر
والي قاهرني إنو الشاحن يشتغل على الجمس حقنا زي الحلاوه
لكن إذا ركبته عندي ضرب لي الفيوز
وسواها كم مره
ف إيش رأيكم ؟؟

[B Unique]

مشكلتك حلها بسيط ..
شوف الفيوز حق المحول عندك كم امبير وركب مثله محل فيوز الولاعة

انا صارت لي نفس مشكلتك وتجننت من كثر ما اغير في فيوزات الولاعة وبالاخير غيرته الى 30 امبير وانحلت المشكلة ولله الحمد

لكن الكلام اللحين ..
هل الاسلاك حقت الولاعة تتحمل 30 امبير ؟

الله اعلم ..
اتمنى اللي عنده فكرة ينورنا



لكن انا لي سنة وانا شغال على هالطريقة والحمدلله ما واجهت مشاكل

[ابوالبراء]

السلام عليكم ورحمة الله وبركاته

نصيحة اترك فيوز الولاعه مثل ماهو لأنك إذا غيرته لقيمه أعلى تنحرق الظفيرة حقت الولاعه وتضر غيرها لكن غيّر محول الكهرباء اللي شريته ويستحسن يكون دخل المحول بين 10-18 فولت اما القدرة 150 وات او 300 وات طيبة وانا اشتريت محول من اكسترا ياباني له هذي المواصفات ومعاي قرابة السنة ويعمل جيدا على الاكورد2003.
والسلام عليكم ورحمة الله وبركاته
أخوكم ابو ريناد

[أكورداوي 999]

أخوي يونيك
الأساسيه حقت الولاعه 15 أمبير
ف ما أدري هل رأيكم أركب بدالها 25 ولا 30 ؟؟
وبعدين أنا ماعليا سيارتي لسه ع الضمان يعني حتى لو إنحرقت الضفيره أرجع الفيوز ال15 وأروح لهم :d

[الهادف]

وبعدين أنا ماعليا سيارتي لسه ع الضمان يعني حتى لو إنحرقت الضفيره أرجع الفيوز ال15 وأروح لهم :d

موظفي صيانة هوندا ليسوا أغبياء لهذ الدرجة ..

[B Unique]

أخوي يونيك
الأساسيه حقت الولاعه 15 أمبير
ف ما أدري هل رأيكم أركب بدالها 25 ولا 30 ؟؟
وبعدين أنا ماعليا سيارتي لسه ع الضمان يعني حتى لو إنحرقت الضفيره أرجع الفيوز ال15 وأروح لهم :d

الفيوز حق المحول اللي عندي 30 امبير عشان كذا حطيت 30 امبير محل فيوز الولاعة
لكن لا تغامر وتاخذ بكلامي لاني ما ادري اذا كانت الاسلاك تتحمل او لا !!

^
^
ركز على اللون الاحمر

:d

انا تهورت وسويتها مع ان سيارتي منتهي ضمانها من سنتين
لكن الحمدلله لي سنة ماشي على الطريقة هذي وما شفت مشاكل .. الله يستر

[أكورداوي 999]

طيب حبيبي كيف أعرف الفيوز حقت المحول كم ؟؟

[B Unique]

شكل النوع اللي عندك ماله فيوز خاص فيه
بس ممكن تعرف كم امبير يسحب من المعلومات اللي مكتوبه عليه

دور اي رقم مكتوب جنبه حرف A او كلمة amps

[أكورداوي 999]

أوكي مشكور خيو ماقصرت معاي
وشكلي نهايتها بركب له فيوز أبو 25 إذا مشيت كويس وإذا مامشيت مع السلامه أرجع ال15 وأروح للوكاله أقولهم مو شغاله معاي
بس لحد يعلم :d

[sniper]

يا حبيبي الافيوز وضع لحماية الجهاز من الاوفر كرنت(التيار العالي)
يحمي لك الدائرة من الاحتراق فلو ركبت افيوز اعلى ما استفدت شي

المشكله عندك احد امرين
نوعية الجهاز رديئه
ولا تنسى انو الولاعه تحتر بسرعه (امر طبيعي)لانك تاخذ فولت دي سي وتحوله الى
اي سي والبطاريه ماتتحمل
اصلا لو الطريقه امنه كان وضعوها من الوكاله
يا شباب انتبهو الحركه ذي غير امنه
للمعلوميه
(انا ماجبتك كلام من عندي الا بعد دراسه خمس سنوات)