الموضوع: مريت الصيانه + كم سؤال

السلام عليكم ورحمه الله وبركاته

طلعت من الشمال للرياض بالاجازه وسيارتي لما وصلت الرياض كانت ماشيه 2800
الزبده مريت الشركه اللي على خريص وطوابير سيارتي قلت وش السالفه
لما وصلني السرا عطاني ورقه وصفيت السياره قلت له بغير زيت بس < ابيه يمشيني بسرعه
قال ما عندنا غيار زيت حاليا روح لفرع الخالديه قلت ليش يقول فحص مجاني قلت ياخي دبرني انا اولا من غيري واذا تبي فلوس حق الغيار مافي مشكله رفض طبعا مصري
قلت اجل بطلع السياره
وثاني يوم رحت للخالديه بعد معاناه < ما يدل زين بالرياض
جيتهم الساعه 10 تقريبا وكان فيه كم سياره برى طلع معي المهندس يشوف العداد قال تبي صيانه 1000 كيلو قلت ايه راح كتب على الورقه ان السياره ماشيه 1800 نزل لي 1000 كيلو ويبتسم ويعلمني انه ضبطني بس سحبت عليه
كنه لمح انه يبي شي > ينفض شليله:d
قال تعال الساعه وحده وفعلا جيت واخذت السياره ...
هذي قصتي مع الوكاله مدري حبيت اذكرها يمكن احد يستفيد منها
....
عندي كم سؤال :
س1 /اذا بغيت اغير زيت مره ثانيه لازم زيت الوكاله اقصد اقدر اشتري زيت هوندا من حقين قطع الغيار او الورش ( وشو افضل زيت احطه غير زيت هوندا ) ( القير والدركسون ومويه الرديتر )

س2 / وانا جاي من الرياض على الطريق يعني بعد ما مشيت 300 كيلو تقريبا
طلعت السي دي بغيره الا كنك مطلعه من نار ماهو صاخن بس الا ما تقدر تمسكه واحط يدي على المسجل الا فيه حراره بعد
جربت سي دي ثاني وخليته 3 دقايق بس واطلعه الا نفس السالفه حار حيل

وشكرا جزيلا

بالنسبة ل :س1

اي تقدر تشتريه من محلات قطع الغيار لكن غير زيت عند محلات تغيير الزيت و راح تحصل زيت هوندا

و ليه تغير من زيت هوندا لزيت ثاني ما يحتاج زيت هوندا

أما زيت الجير لا تحط غير زيت هوندا حتى لو تدفع 500 ريال ولا بيعدم لك الجير و يتغير كل 40 ألف كيلو و سعره 40 ريال للعلبة

و حتى زيت الدركسون نفس الشي اشتر زيت هوندا سعره 40 ريال تحصله في محلات القطع غيار و حطه في الشنطة و كل ما ينقص زده يعني يمكن العلبة تتم معك 8 شهور

و ما تحصله في الورش و الورش يحط لك زيت ايسي ديلكو و هذا يعدم لك طرمبة الباور و ممكن دودة بعد

و مبروك الموتر و الله يعطيك خيره و يكفيك شره