كيف أحافظ على قير الأكورد ..؟

[الفـــارس]

السلام عليكم ورحمة الله ..

كيفكم ياحلوين ..

حبيت اسالكم كيف احافظ على قير الأكورد v6 لاني حسب قرأتي لمواضيع المنتدى انه يختلف عن 4L وكثير ناس يشتكون منه وانا سيارتي جديدة .. ولسا ماشيه 17 الف واحب اعرف وش الطرق الي تخليني احافظ على القير ..؟

وشيء ثاني كيف اخلي كمبيوتر السيارة يعيد البرمجه لانه سيارتي مبرمجه على قيادتي السابقه وتغييرات متاخره شوي وزي كذا وانا الحين بطلت سرعه وصرت اسوق بروقان فا اتمنى اعرف طريقه لاني سمعت انك تفصل البطارية نص ساعه يعيد برمجة كمبيوتر السيارة .. :d

وتحياتي واتمنى التفاعل لاجل افادة الجميع ..;)

[دنيآ الغرور]

لما تكون قيادتك هادية ولطيفة بتحافظ على القير لانك بتعطيه المدى المناسب والمريح والغير ضاغط للتغير للنمرة التالية والسابقة ..

وبهذا تكون حافظت عليه باذن الله ..

[alkasr777]

لا تخاف الجير حق موديلات 2008 و طالع ما فيه أي مشاكل

لكن داوم على تغيير الزيت كل 40 ألف كيلو تغير زيت الجير و فلتر الجير

و فعلا افصل البطارية ربع ساعة و اشبكها و راح تتبرمج من جديد ان شاء الله

[الفـــارس]

^^

مشكورين حبايبي .. وان شاء الله سواقتي تكون هادئه وروقان وتدوم سيارة .. 10سنين قدام .

اتمنى من بقيت الاعضاء التفاعل ولكي تعم الفائدة الجميع ..

[memories]

لكن داوم على تغيير الزيت كل 40 ألف كيلو تغير زيت الجير و فلتر الجير

تغيير زيت الجيربوكس للموديلات الجديده اول مره لما توصل 60 الف وبعد كدا كل 40 الف

يعني اول مره 60 بعدين 100 بعدين 140 ، 180 ، 220 ، 260 وهكذا

[الفـــارس]

^^ ثانكس اخوي ..

واتمنى من اهل الخبره تشريف موضوعنا والتفاعل واعطاء التعليمات لاصحاب السته .. وشكرا ..

[بلال العلمي]

مسح الذاكرة يتم بطريقتين اما في الوكالة بانه يمسك الذاكرة بكمبيوترهم

او تفصل البطارية مدة وتشبكه مرة ثانية


بالنسبة لكيف تحافظ على القير ؟؟؟؟؟

بس تغير الزيت والفلتر فقط وتوكل على الله

ماشاء الله على سيارة المباشر موديل سيارته 2007 والى الان ماشية مضبوط ماشاء الله ومافيها مشاكل فكيف بسيارتك 2010 ومن الجيل الجديد؟