ما عندي خلفية والله , بس الله يعينك
عندي هوندا موديل 2003 فل 4 سلندر
وغيرت المكينة 2007
وبعد ما غيرت المكينة الحست السيارة
الريس كله على 1.5 ومرات على 1
والتعاشيق صارت موب ناعمة مثل اول
وعزم السيارة طاح وتصرف بنزين
وتنتع السيارة وهي ماشية
اما اذا كانت واقفة المكينة صافية
تكفون الفزعة تعب من كثر ما لفيت على اهل الورد المختصة لهوندا
وما عندهم سالفة وربي
وللمعلومية انا من المنطقة الشرقية الخبر
ما عندي خلفية والله , بس الله يعينك
المشكلة ممكن من فلتر البنزين
غيره و ان شاء الله تضبط وتغييره ينفعك ما يضرك
و غير البواجي و فلتر الهواء إذا كانك ما غيرتهم من فترة طويلة
المكينة تبي لها تصفية ( عامة )
لأنه أكيد فيها ترسبات وأبخرة
يعنيتنظيف مجرى الهوا الداخل للمكينـة
من قربة الهواء الى المنظم ( الهوز )
تنظيف منظم الهواء ( عند متخصص )تبديل فلتر هواء ( أصلي )
تبديل البواجي ( أصلي )
هذي أولاً
واذا مانفعت ولا حسيت بهدوء
غير فلتر البنزين ( الصفاية )
ونظّف البخاخات عند متخصص
وباذن الله .. تتهنى فيها
عن تجربة .. موفق اخوي
ـــــــــ مهم جداً ـــــــــ
قبل هذا كلللله لا تشـتري .. ولا تصلح فيها شي
لين تروووح ( ورشة السعادة بخضرية الدمام )
وشوف وش يقولون لك ( ع شان تتطمن أكثر )
التعديل الأخير تم بواسطة لعيونها ; 17-04-2011 الساعة 02:09 PM
اخواني واحبائي بارك الله فيكم جميعا
وان شاء الله راح اجرب نصيحتكم وللعلم سبب تغيري للمكينة
اني دخلت في موية وطلع صوت في المكينة
وبعدين طلع البستم من السلندر
اخوي انا صارت نفس المشكلة هذى
كانت السيارة مشيتها ثقيلة وكانت تقطع بعض المرات
الحل اني قمت بتغير البواجي ونتظيف الثلاجة والبخاخات والفلتر
وصار عزمها طيارة
مثل ماقلت لك .. لأن الماي دخل راس المكينة .. واخلطت عندك زيت وماي
وأول اجراء اتخذته .. أكيد انك غسلت المكينة وغيرت زيت وفلتر ( صح ؟ ) ؟؟
بعد هذا سو التصفية كاااااملة
ولا تشيل هم ضغط المكينة
لأنه راح يلعب معك في البداية بيطلع وينزل
وبتحس باندفاعات وتهدءآت ع الكيف :d
كل هذا عاااادي في البداية مع الوقت وبعد مرور يومين أو 3
راح يروح هذا كللله وبتحس بعزم السيارة حلو وأكثر من أول
لا تحاتي .. موفق
التعديل الأخير تم بواسطة لعيونها ; 18-04-2011 الساعة 01:39 AM
بسم الله الرحمن الرحيم
اخوي اذا انك من اول ماركبت المكينه طلعت عندك هالمشاكل
اول شي هل غيرت المكينه مع الكمبيوتر ؟؟
اذا ماغيرت الكمبيوترحق 2003 ...... لازم تغيره تحط كمبيوتر الشد بلد حق المكينه
هل لمبة المكينه شغاله او طافيه ؟
اذا كالنة شغاله شيك على حساسات المكينه
اذا كانت السياره واقفه صافيه ؟؟
اذا كانت مو سافيه وفيها نفضه شيك على البواجي والكويلات
هل الريس يرتفع وينزل على كيفه بعض المرات ؟؟
اذا كان الريس ينزل ويرتفع على كيفه سو تنظيف للثروتل وحساس الثروتل
روح لاقرب ورشه خله يشيك على ضغط البنزين من الطرمبه الي في التانكي
مواقع النشر (المفضلة)