الموضوع: رايكم يهمني

كيفكم ياشباب بصراحة ودي اشتري هوندا اكورد موديل 2006 بس اسعارها :d جابت لي شد عضلي بمخي الي عنده خبره بسعرها يعلمني عشان مايلعبون علي ذا الشريطية لاني تعبت ادور حصلت في معارض الشفاء بالرياض
فول كامل وسبشل بس الاسعار نفسها الفرق مايتعدى 1000 غريبة والمشكله الاكبر اني لقيت اسعار ناازله مره مع اني مالي خبره بصراحة بفحص السياره لان بعض الورش تقول وكاله
....معليش طولت عليكم بالنسبة للاسعار الي حصلتها
51 الف - 52 - 47 - 40 اسعار غير معقوله مع العلم ان الي ب 40 الف لونها اسود ..
ابي رايكم

حبيبي اذا تبي نصيحة .. انا جلست بالرياض شهرين ادور ع اكورد 2008

وخلال كل هالفترة السيارات الي بالمعارض هي هي وماتغيرت .. ( معارض النسيم)

بالنسبة للسيارات الي بالمعارض اصحابها معهم رؤوس اموال ضخمة ومعظمهم مايهمة اي وقت تباع السيارة اهم شي يربح المبلغ الي يبيه ..

ولو تلاحظ !!! ان الي يوفق ع السيارة يقولك مثلا مسيومة بـ 40 الف تقوله بكم الحد .؟ يقولك افرق السومه وابشر بعزك ؟ هذا الشي لقيته ع اكثر من 10 سيارات اكورد وجلسو مدة الشهرين على نفس السومة وكل ماجيت يقولي افرق السومة 500 ريال وخذها ..

المستخلص من كلامي انه السومة غالبا ماتكون حقيقية .. فلذلك اذا تبي تشتري انصحك تشتري من الناس الي تبي تبيع يعني من المالك الرسمي للسيارة وليس من ينوب عنه .. ومنها من شكله تعرف صدقة من كذبه وتفحص الموتر على راحتك ..

بالنسبة للاسعار 2006 اتوقع بحدود الـ 40 الف

وان شاء الله يفيدونك الاخوان اصحاب الخبرات بهالمجال ...

بالتوفيق .~

أسعار الأكورد 2006

تتراوح ما بين 40 إلى 55 ألف

على حسب نظافة السيارة و مواصفاتها ستاندر-سبيشل- فل كامل و على حسب ممشاها بعد

و هل جاتها حوادث من قبل

اخوي 2006 فل كامل ممشى معقول و بدي وكالة اللون لؤلؤي حدود 50 الف

مثل ماقالو اخواني الاعضاء

من رائي لو تدور لكـ 2007 فرصها اكثره من موديل 2006 ((بتحصل نظيف / وفرق سنه له دور بعد ))

بالتوفيق والله يكتب لكـ الي فيه الخير يارب