هلا بالقديم :d, توقعت ان عندك خبره احسن مني!. :p
شوف يالغالي الأشياء الاستهلاكية لابد انك تغيرها وراح اذكرها لك بحسب قدرتي << مواصل من امس
التكلفة المتوقعة للأشياء إلي ذكرتها = 3000 ريال (بحسب مكان الشراء والخصم وشغل اليد)
- فلتر هواء (تركيبه سهل)
- فلتر بنزين (في حال انك لاحظت تقطيع وصرفية بالبنزين)
- فحمات امامي وخلفي (إذا شفت الهوب رايح فيها اخرطه عشان الرجه!)
- سير المحرك الخارجي (تغييره سهل وبسيط)
- بواجي (تغييرها مثل شرب الماء)
- جلد المساحات (في حال وجود ملاحظة!)
- الكفرات شيك عليها واحرص على ضغط الهواء ماينقص (تحصل معلومات الضغط عند باب السائق)
- تغيير زيت المحرك إذا لزم وشيك عليه (يعتبر من الأساسيات)
- شيك على زيت القير وتأكد من لزوجته (إذا لك فرصه تغير الفلتر يفضل!)
- شيك على الفريون إذا كان ناقص او لا (لا تعبي إلا اصلي لك وللزمن)
- ركب فلتر مكيف لأنك راح ترتاح وتستفيد من برودة المكيف (حامل الفلتر إذا مو موجود خذه من التشليح)
- تلميع السيارة كاملة << وترجع وكالة بإذن لله..
بعد ماتسوي كل إلي فوق صدقني راح ترجع تحب السيارة طبعا ً عدل عليها خارجيا ً تضليل إذا كان مافيها جنوط ركب, وخذ لك جناح وركب وصلة الآيبود او القرص الوهمي, لبس السيارة جلد او مخمل يعني شكشكه. :d
للمعلومية خصم محلات قطع الغيار المعتمد لهوندا عندهم خصم 25%, يعني راح توفر على نفسك وإذا حصل بعد تركب اغلب القطع لأن شغلتها سهله والله بس مدري ليش نصتصعب الأشياء هذه علينا مع انك لو تشوف طريقة تغييرها قسم بالله ماتصدق كيف سهولتها!!.
*الخيار لك وانت عقلك براسك تعرف خلاصك..
رد مع اقتباس
مواقع النشر (المفضلة)