اكورد راحت وجهيتها ---- لاصحاب الخبره

**اكورد مصدومه** · 19-04-2011, 06:15 AM

السلام عليكم ورحمة الله وبركاته

في البداية اصبح عليك بالخير واتمنى لكم الحياة الكويسة

المهم ندخل في الموضوع على\طول .. انا قدر الله علي وصار لي حادث وراحت علي الوجهيه كااامله :( وطبعا الخطاأ على الثاني 100%.. المهم المهم اخذناها للتامين وودينها مره ثاني لورشة اوتو ستار .. وعطونا ورقة تقرير بان السيارة تالفه .. فما ادري وش الحل وش بيصير لي ..هل راح يعوضوني بسيارة جديده والا من نفس الموديل والا خلاص راحت علي السيارة بدون اي تعويض .. اتمنى احد عنده العلم الاكيد ويفيدني وله جزيل الشكر والدعاء ..

تفاصيل اكثر عشان توضح الصوره :
السيارة .: تاجير منتهي بالتمليك
الشركه : اليسر
التامين : التعاونيه
الموديل : 2008
الاضرار الي لحقت بالسيارة : الوجهيه كامله :d.. المكينه ماجاها شي بس تحركت من مكانها كم سينتيمتر هع .. الشاص ( العمود الطويل ) مايل من قدام ويبغى له تعديل

**abdelslam** · 19-04-2011, 06:23 AM

وعليكم السلام والرحمه

على مااعتقد ان الاقساط بتطيح عنك وشركة اليسر راح تأخذ التعويض من التأمين وهو قيمة السيارة

عمومآ الحمدلله على سلامتك وماتشوف شر والمسلمين اجمعين ..

**أغـار يا هـوندا** · 19-04-2011, 08:47 AM

ما عندي خلفية , اللي أعرف لو التأمين شامل , يغيروا لك سيارة أخرى
عاد التعاونية هم الوحيدين الموثوقين في السوق على ما اعتقد

**alkasr777** · 19-04-2011, 09:06 AM

والله إذا كان السيارة خلاص بتروح تشاليح

يعوضونك بقيمة السيارة الأن في السوق و هي عدلة طبعا يعني حدود 50 ألف و طبعا التأمين بياخذ السيارة

بس إذا كان إلى الأن السيارة ما خلصت أقساطها هاذي ما أدري عنها

لكن لازم يعوضونك و لا تتنازل عن حقك و انشب لهم

**اكورد مصدومه** · 19-04-2011, 11:04 AM

اولا اشكركم من القلب لتفاعلكم معي حتى لو مالقيت جوابي

abdelslam

الله يسلمك من كل باس .. انا عارف ان الاقصاد تروح عني وعارف ان القيمه تروح للشركه لان السيارة ماهي بأسمي .. بس المشكله ان دافع مقدم دسم :d

أغـار يا هـوندا

تسلم يالغالي على المرور ..صحيح التعاونية هي الوحيده الي تأمن فيها وانت مغمض ..

alkasr777

تسلم اخوي .. طبعا الي ذكرته انت انا عارف لكن السيارة اجار منتهي بالتمليك ولا خلصت اقصادها ودفعت لهم مقدم ( 40 الف )

**الفـــارس** · 19-04-2011, 12:24 PM

^^ الي سمعته من كثير من اقاربي صارت لهم حوادث والسيارة تروح تشليح ويرجعون لك المقدم

ان شاء الله لا تخاف ..

وعساها اخر المصايب ..

**D.H.o.O.o.M** · 19-04-2011, 05:13 PM

الحمدالله على سلامتكـ وجعلها اخر المصائب

بالنسبه للشركات كل شركه اوبنك ولها نظام

مثال /

شركة اوبنك اذا كانت السيارة تالف وباقي اقساط تسقط عنك الاقساط

وشركة اوبنك ////////////////////////////////////// ////////////////////// ويرجعون لكـ الدفعه

وشركة اوبنك يعوضونك بسيارة نفس سيارتك (من السيارات المسحوبة من العملاء المتعثرين بالسداد ) وتكمل الاقساط

بالنسبة لليسر بالتحديد ماعندي خلفيه

وانت وحضكـ مع ها الشركات

ومعوض خير يارب

**بن ماضي** · 19-04-2011, 05:26 PM

;)اول شي حمدالله على سلامتك --ثاني شي عادي كل شي يتصلح بس ماترجع السياره مثل اول يعني صلحها وبعدين بيعها بعد مايعوضونك التأمين تكون ماخسرت كثير

**D.H.o.O.o.M** · 19-04-2011, 05:56 PM

^^^^^^^^^^^^^^^^^^6

المشاركة الأصلية كتبت بواسطة بن ماضي

;)اول شي حمدالله على سلامتك --ثاني شي عادي كل شي يتصلح بس ماترجع السياره مثل اول يعني صلحها وبعدين بيعها بعد مايعوضونك التأمين تكون ماخسرت كثير

السيارة تاجير منتهي باالتمليك عن طريق شركة اليسر (باسم شركة اليسر ) :d

والسيارة تااااالف بمعنى مستحيل يعوضونه وبنفس الوقت يعطونه السيارة

يا يعوضونه فقط

او سيارة بديلة وهو يمكل بقيه الاقساط

**حوسة مشاعر** · 20-04-2011, 03:35 AM

مساك الله بالخير اخوي

اول شي حمد لله على سلامتك

وفي الحديد ولا فيك

انا قبل شهرين احترقت سيارتي اكورد 2010 بسبب التماس كهربائي
المهم انا سيارتي على البنك العربي
وتامين العربية
شافو السيارة ووودينها الوكالة المهم طلع قيمه التصليحات بشكل مبدأي
66000 ريال مع احتمال انها ما تصلح بعد هذا كله
فقال التامين انننا نعتبرها تالفه لانها تعدت النسبة القانونية الي معتمدها التامين
والتامينات كلها وهي
اكثر من 70% من قيمة السيارة اول ما شريتها
فاتلفوها
وعضو البنك بسيارة جديدة وانا البنك عوضني بنصف الدفعة الاولى
انت الحين التامين ما راح يعوضك بشي ولا بسيارة ولا شي
التامين بيعوض شركة اليسر اما بيكمل باقي الاقصاد او يعطونهم سيارة جديدة
اما انت شركة اليسر اما انها تعطيك الدفعة الاولى او نصفها فقط

اتمنى اني اكون افدتك بشي

واعتذر عن الاطالة

**Solidus 2010** · 20-04-2011, 03:57 AM

الف حمدلله على سلاآمتك يآغآلي ... والله اني توجعت لك عسآهآ آخر المصآيب .. وربي يفرجهآ عليآ وعليك ..
بالتوفيق

**راعي الهوندا 2008** · 20-04-2011, 01:59 PM

اولا الحمدلله على سلامتك

ثانيا

بالحديد ولا فالعبيد

ثالثا

يمكن افيدك لو كانت بتويوتا

لان خويي معه كامري جابها تالف وعوضوه بسياره جديده

وكمان جابها تالف وعوضوه بالثالثه لكن هوندا والله مدري بس

يمكن شركه اليسر تعوضك اقل شي بالدفعه الاولى طبعا راح ياخذو منها القسط الاول ونسبه التامين

ومدري ايش لكن المفروض يعوضوك بسياره جديده

وغير كذا اعرف ان السياره اذا عدى موديلها يعني من الموديل ذا مافي جديد راح يعطونك

مبلغ سياره نفس المواصفات مستعمله

والله يعوضك خير