مسا الورد
اخوي نصيحة لوجه الله لا تلعب بالكهرب في راسك شي بتركبه لا تخلي احد يسويه لك غير الوكالة
انا سيارتي احترقت بسبة الكشافات قبل شهرين مو زنن كشافات بس
تقبل مروري
بسم الله الرحمن الرحيم
السلام عليكم و رحمة الله وبركاته
شباب أنا قبل سنة و نص ركبت زينون و ماشي تمام و قبل فترة كم شهر صار عندي الشمعة
يسار أحيانآ ترمش و أحيانآ أشغل النور يشتغل اليمين بس و اليسار لازم أطفي و أشغل النور
كم مره علشان يشبك المهم رحت للكهربائي قال المشكلة بالشمعة و غيرت الشمعتين كلها
و برضو نفس المشكلة ما إنحلت رحت لواحد ثاني و قال ركب كتاوت و ركبنا كتاوت و تفاقمت
المشكلة و صار عند التشغيل مره يطفي يمين و مره يطفي
يسار و الله جاب لي المرض أخاف أغير المحولات
ترجع نفس المشكلة .
كذلك إستفسار ثاني أول ماركبت الزينون طلبت شمعات مقاس 4300 كلفن و شكلها حلو فيه
لون أزرق خفيف و بعد ما غيرت الشمعات إختلفت عن الأولى صارت أقوى و مدى أبعد و أقل
زراق مايلة لصفار و يقول هذي مقاس 4300 كلفن ما أدري هل الشمعات تختلف و كيف أفرق
بينها لأن الأولى أفضل شكل و الثانية أفضل إضائة .
شاكر لكم مقدمآ حسن المرور و التفاعل .
مسا الورد
اخوي نصيحة لوجه الله لا تلعب بالكهرب في راسك شي بتركبه لا تخلي احد يسويه لك غير الوكالة
انا سيارتي احترقت بسبة الكشافات قبل شهرين مو زنن كشافات بس
تقبل مروري
المشكله الاولى ما عندي خلفيه عنها لكن احتمال تكون نفس نوعية الشمعه موب زينه
4300 هذا درجة اللون وليس مقاس الشمعه وهو يجي مائل للاصفر
اخوي شيكت ع الاجهزه ؟؟
لان الترميش غالباً يكون من الجهاز وليس من الشمعه
اخوي اللون حق الشمعه يجي من نفس الحديده اللي لاصقه بالشمعه ادا لون الحديده ازرق معناه لون الزنن ازرق وادا بيضاء معناه ابيض مو ثلجي مثل مايحسبها بعض الناس واذا بني معناه اول ماتشغله يعطيك لون وردي واذا كشحت فيه كثير يعطيك على اصفر بالعربي اللي لون حديدها بني هي نفس لون شمعه اللكزس
واللي لون حديدتها وردي دي هي الثلجي
وكمان الترميش من الاجهزه ( المحولات ) واحتمال يكون من الافياش اللي من الجهاز للفيش حق النور نفسه
واتمنى لك التوفيق واتمنى تكون استفدت
المشكله هدي تصير وياي حتى ونا توني مركب محولات وشموع جديده من أول ما ركبت الزنون وهي معي ما راحت المشكله
جرب اللي قلتلك عليه
مشكورين على مروركم جميعآ .
و راعي الهوندا 2008 يمكن يكون كلامك صحيح من الأفياش.
المشكلة إذا كانت المحولات باردة و شغلت إستحالة تشتغل كلها لازم واحد يطفي .
عمومآ فيه كهربائي عرضت عليه مشكلتي و قال أعتقد المشكلة بالأكورد بشكل خاص من 2008
لأني واجهت نفس المشكلة بأكورد 2008 و غيرت الشمعة و المحول و مازالت نفس المشكلة واحد مايشتغل
شاكر لكم إخواني / حوسة مشاعر / abu khaled / نـاعسـ الجفن..! / راعي الهوندا 2008 / أكـورد 2009
خذها مني المحول خربان
صار لي نفس المشكلة وغيرت المحول
طيب وش يخرب المحول اذا انت مركب كتاوت تنظم الكهرباء
واذا كان التركيب بشكل مميز وشغل اللي ركبه مضبوط
انا عن نفسي ما اودي سيارتي لكهربائي الا اذا كانت المشكله جديده عليه
وبس ولا الباقي انا اركبه واسويه ولله الحمد
يعني تعلم تسوي صيانه لسيارتك بنفسك
لانك بتركب بشي ملك لك
يعني تبي تداريه وتخاف عليه
وتشتغل من قلب وعلى هونك
لكن العامل اللي بالورش
وربي مو مهتم بسيارتك
زي اهتمامك انت
وع العموم انتو ادرى بالورش
تقريبآ كلامك صحيح و لكن كانت المشكلة عندي بس بالمحول إللي يسار بعد ماركبت الكتاوت
صارت المشكلة بكل الأنوار . شاكر لك مرورك أخوي heemo720 .
كلامك سليم 100 % ولكن فيه شغلات ما كل شخص يعرف يسويها بشكل صحيح خصوصآ
مسألة فيها كهرب أو أي شي معقد يفضل يشتغل فيها أهل الإختصاص .
أما بالنسبة للمحافظة و العناية بالسيارة بشكل عام و عمل صيانة دورية بنفسك هذا هو
الصحيح .
ياشباب فريت السوق و حصلت أكثر من نوع و أسعار تتفاوت و مافيه حاجة أستند عليه بالتفرقة
بين الأصلي و التجاري بأنواعة درجة أولى و درجة ثانية إلخ ......؟؟ ياليت إللي جرب حاجة يفيدني
إستفسار أخير
بالنسبة لمسالة الواط حصلت 35 واط - 50 واط - 55 واط - 75 واط
طبعآ إللي على السيارة و مجربة 50 واط نوعيته فيلبس تايواني إستمر معي سنه و نصف
إضائته ممتازة و أثناء حواري مع صاحب المحل كان فيه شخص من الجنسية السورية نصحني
بالإبتعاد عن ال 55 واط و 75 واط لأنها تسبب حرارة و مع الوقت تذيب حامي الشمعة البلاستك
كذلك الشمعة تصفر و من هالقبيل .... هل الكلام هذا صحيح أحد جرب 55 واط و سبب له مشاكل
محول كوبرا هل أحد جربة :d كثرت الأسالة تحملوني شوي
هي صحيح بس انا من النوع اللي اذا وديت سيارتي كهربائي
اقعد على راسه واحفظ وش يسوي وكيف يعرف انه خرب
وكيف يعرف انه ماينفع اولف على السلك ذا وزي كذا
غير انو اذا فيه شي ماعرفته اسال عنه
ويقولك اللي يسال مايتوه وبعدين عادي انا ما اقول لاتودي السياره لكهربائي
ولا لميكانيكي ودها واقعد على راسه لين تفهم الشغله كامله
وبكذا تتعلم عادي
حبيبي شوفني مركب 55 واط بالريوس ماسوى شي دام الكتاوت موجوده
وللمعلوميه انا مركب زنن لكزس من الوكاله اخذته ب 1900 ريال
وكمان زنن الجيب اللكزس والفكس ار والجيوب عامه اللي فيها زنن
55 واط بس ال 75 واط اكيد قوي والواطي زنن هلا والعالي 4 اجهزه
2 يمين بالعالي لحاله و2 يسار بالعالي لحاله يعني اذا شغلت العالي 6 شمعات شغاله وكلها 55 واط
الكوبرا ماقد سمعت فيه اول مره اسمعه يمكن اسمعه باسم ثاني مدري
يسلمك ربي يالغلا وماسوينا الا الواجب وانا ماسجلت هنا الا عشان افيدكم وتفيدوني
وللمعلوميه في حالة تركيب كتاوت
يصبح ماله أي دخل نوع السياره وتحمل ضفيرتها
اذا تبي نصيحتي خذ محولات دينسوا (حقت الفي اكس ار) الفضي
وشمعات فيلبس المعدله الى 9005 من عند كلاسيك ديزاين
وعيش الطرب والشغل النظيف بلا صيني بلا هم
وعل فكرة محولات اللكزس كلها دينسوا وتجي 35 واط
شاكرلك مرورك و معلومة مفيدة الله يعطيك العافية .
هلابك أكورد 790
بس بكم هذا أهم شي ..؟؟؟؟
وبالنسبة لصيني تراه أنواع و المشكلة ما أقدر أفرق بينها شي
ب 200 ريال فيلبس
وشي ب 300 ريال
وشي ب 350 ريال
وشي ب 450 ريال
وشي ب 550 ريال
وشي ب 600 ريال
وكلها صيني أنا أعرف إن فيه شي صيني درجة أولى بس كيف أفرق و تفاوت السعر ماهو دليل
ابويمن يلحسك و صعب تصدق اصحاب المحلات و الأصلي يبي حقه .
ياليت أحد يفيدني عن محولات كاكشاني إللي 490 ريال وش الفرق بينها وبين الصيني إللي بالسوق
وشاكر لك مرورك و نصيحتك على العين و الراس ما تقصر
اذا تبي الاصلي لازم ميزانية:d (الالماني)
ولكن تضمن ان عمره الاستهلاكي اطول وإنارته افضل وتركيبه سهل (وسريع التكشيح)
تقريبا السعر يوصل 1500 ريال
والسوق يا رجل كله كذب في كذب يقولك الماني اصلي وهو صيني ابو كلب الا من رحم ربي
وبالتوفيق
1500 ريال :( واجد و انا ماني راعي تكشيخ ( وااااااطي بس ) مابي عالي
إللي مركبه الآن على الواطي ممتاز جدآآ بس عيبه سنه و كم شهر و يبدى يخبط يمين يسار
يمين يسار مايشتغلن كلهن لازم يطفي واحد طبعآ عند التشغيل بس و لاهو دايم يعين مسكات
بيني وبينك يفشل يشتغل واحد و الثاني أعمى قهرني أبي شي حليو حق أو سنتين :d يكفي
ويييييييييييين الشباب إللي شرو من كاكشاني يعطوني العلم ؟؟؟؟؟؟؟؟؟؟؟؟
ومشكووووووووووووور أخوي أكورد 790 على تفاعلك بس ماتعرف غير دنسو بس أرخص و زين :d
ندااااااااااااااااااااااااء عااااااااااااااااااااااااااااااجل
ياشباب إللي ركبوا زينون من عند كاكاشاني 55 واط ب 490 ريال كيفه ؟؟ و شف الفرق بينه وبين الصيني إللي بالسوق
إللي مركبين زينون صيني من الدرجة الأولى يعطيني إسمه .
وينكم ياشباب ماهيب الهقوه خابركم فزعات .
مواقع النشر (المفضلة)