ياشباب عندي مشكله بشنطة السياره ( الصندوق الخلفي )
مادري ايش فيها ماتتسكر بالراحه لازم افقع فيها بالقوه مرتين ثلاث ويالله تقفل
الشنطه ماتقفل عندي
ياشباب عندي مشكله بشنطة السياره ( الصندوق الخلفي )
مادري ايش فيها ماتتسكر بالراحه لازم افقع فيها بالقوه مرتين ثلاث ويالله تقفل
ممكن تشرح لي زيادة يعني هل قد صدمت او جاها شيء من الخلف لا سمح لله؟
او حملت زيادة بالشنطة وقفلتها بقوة؟
لأن محتمل الخراب بالقفل نفسه او بالوزنية حقتها!.
طيب تقدر تفتحها من الداخل؟
:(
هلا فيك يالغالي
قد صارت معي هالمشكلة ولقيت الحل ن اسبوعين
وهو يوم تفتحت الشنطة تلاقي لسان القفل نزله على تحت وقفل الشنطة وتقفل بسرعة و قريب انزل لك صورة للقفل واشرح لك خلك على تواصل معي اخاف انسى موضوعك ولا كان ودي افيدك لكن الان ليل والصباح رباح :d
ولا المشكلة بسيطة ولكن لازم كل ما جيت تقفل الشطنة تنزل لالسان حق القفل ولكن اذا تبغا تحل المشكلة بالكامل لازم تشتري قفل جديد وانا لقيت قفل تجاري قيمته 120 ريالاجل كيف بيكون الاصلي
وسلامتك ،،،
شوف هالرابط فيه موضوعي وفيه نفس المشكلة وبالصور بعد
http://www.hondaarabia.com/club/t44194/
عــ فكرة المشكلة للحين قائمة عندي وماحليتها
هلا فيكم جميعاً هذا هو الحل بالصور
تجي عند القفل وهذا هو
تلاحظ هالقطعة السوداء
باصبعك الكريم تنزلها على تحت
وطبعاً لازم تسوي هالحركة كل ما جيت تبغا تقفل الشنطة و لكن اذا بغيت الحل الجذري لازم تغير القفل وقيمة التقليد مثل ما قلت لكم 120 ريال و الاصلي الله اعلم
وسلامتكم ،،،
اسف عالرد المتأخر بس اني انشغلت هالفتره وماقدرت اخش المنتدى
راح احاول اجرب حلولكم ونشاء الله تضبط
ويعطيم العافيه ياشباب
كانت عندي نفس المشكلة:
إذا فتحتها بالريموت تتسكر بسهولة، وإذا فتحتها يدوي تتعبني بالتسكير.
اكتشفت حل سهل جدا:
إذا فتحت الشنطة يدوي رجع المفتاح على تحت كأنك تبي نفتح البنزين بدون ما تفتحه (حتى لو فتحته عادي وش بيصير يعني) هذي السالفة وما فيها.
ضوابط المشاركة
رد مع اقتباس
مواقع النشر (المفضلة)