وعليكم السلام ورحمة الله وبركاته

حياك الله ابو دانه وترجع بالسلامة يارب

السته سلندر فيها العيوب اللي انت ذكرتها لكن بحكم اني مستخدم 2007 سته سلندر افيدك بالتالي

السته سلندر للموديل المذكور يقولون فيه مشاكل بالقير تطلع بعد فتره يمكن بسبب عدم تحمل كبر الماكينة بمعنى القير ضعيف

حسب استخدامي للسيارة ومشتريها من الوكالة على يدي والخرابات اللي طلعت عندي هي

1- تقشر جلد الدركسون في نهاية سنة 2007 وتبديله على الضمان

2- لي الدركسون في سنة 2008 او 2009 نسيت والمهم بدلته على الضمان

3- كراسي الماكينة بنفس السنة كانت صيانة وحده لما ذكر سابقآ وبدلتهم على الضمان

4- قاعدة الانوار الداخلية جهه اليمين ماتشتغل ونقلتها لليسار بعد مافكيتها وماصلحتها للحين ناوي اطلبها من الخارج حصلتها ارخص

5- لايوجد

6- لايوجد

7- لايوجد

8- لايوجد

9- لايوجد

10- في هذي السنة ظهرت عندي المساعدات الأثنين الأمامية خربانة بسبب ضرب بيارة مرتفعة وانتم بكرامه وغير كذا في المطبات ماعندي سواليف تهديه للموتر وكأني نملة بالعكس اجي بسرعة واخفف عند المطب واخذه بسرعه خفيفة جدآ لكن مش بشكل اني اوقف تمامآ غير المرتفعات الجديدة اللي كأنها جبل

11- لايوجد وماشاء الله ولا قوة الابالله على الموتر

علمآ ان السيارة وصل عدادها 130 الف وقيادتي لها ليس بالخفيف او الشديد بل بالنصف ولله الحمد لامشاكل كبيره حتى هذا اليوم ومرتاح جدآ مع السيارة ولا أفكر ببيعها مع العلم وصلتني عروض كثيرة آخرها قبل أسبوع استوقفني شخص في الطريق يريد الشراء وامتنعت عن البيع والدليل أني مرتاح جدآ مع السيارة

لكن هل من مفاجآت مستقبلية !!! لاأعلم مع العلم أني فكرت كثيرآ بالتخلص من السيارة قبل حدوث مشكلة في القير من كثر ماسمعت عن مشاكله ولكن وكلت أمري لله وان شاء الله تبيض الوجهه