الرجة الاحظها احيانا بسيارتي على سرعة 130-140
بالنسبة لتهريب طرمبة الدركسيون ياليت تدخل الموضوع الي بتوقيعي وترسل بياناتك
سلام عليكم
شباب انا قبل اسبوع تقريبا كان عندي رجة في الدركسون رحت عند واحد قلي لازم خرط هوبات علما انو الرجة كانت تجي قبل دعسة الفرامل وعند الدعسة كمان بس اقوى
المهم خرطت الهوبات وراحت الرجة الي عند الدعسة لكن الرجة وانا ماشي بدون ما ادعس على الفرامل ما راحت رجعتلو قلي احتمال الترصيص مو سليم سوينا ترصيص برضو ما فيش فائدة رحت عند واحد تاني قلي امكن عندك العكس الداخلي فيه مشكلة بس صراحة الوالد عصب عليا من كثر ما اذكرلو مشاكل السيارة وما رحت اشيك على العكوس
المهم يا شباب الي مرت عليه هذي المشكلة يقلنا وش الحل الي مشي معاه علما انو انا عندي تهريب في علبة الدركسون
الرجة الاحظها احيانا بسيارتي على سرعة 130-140
بالنسبة لتهريب طرمبة الدركسيون ياليت تدخل الموضوع الي بتوقيعي وترسل بياناتك
وأنا مثلك لي أسبوع الحين جتني بعد تغيير الفحمات وخرط والهوبات رجة وانا امشي من 90-120 كلم
ولا أدري وش المشكلة لكن أتمنى من أهل الخبرة إفادتنا
واحد جديد ينضم الينا
يا الحبيب انا معي اكورد 2000 صارت معي الرجه وكانت الكفرات منتهيه غيرت كفرات ورصصتها عند البنشري ونفس الرجه ما تغيرت رجعت له وقلتله فيه رجه ترصيصك مب مضبوط فك الكفرات ورصصها من جديد قال الترصييص مضبووط بس فيه ميلان فالجنط لازم توديه يخرطونه قلت تمام
رحت بعد فتره وخرطة الجنوط ورصصتها بالكمبيوتر وخفت الرجه بس مازلت فيه رجه
رحت للورشه الي اصلح عنده وقلتله عن الرجه قالي يمكن العكوس يبغالها تشحيم اذا ماضبطت لازم تغير العكوس
وشحمتها ولاكن ما ضبطت قل اذا وصلت عندك الرجه على سرعة 70 تعال وغير عكوس لان الرجه معي على 120
واسف على الاطاله
أنت مركب جنوط غير حقت الوكالة ؟
لو إي يبيلك تروح حق محل جنوط يركبلك شيء هو يعرفه بين الجنط والدسك (الهوبات)
أما إذا ما عندك جنوط ممكن يكون العيب في الكفرات نفسها حتى لو جديدة ممكن يكون فيها عالي واطي فبتسويلك رجة وتعدملك العكوس
هذا كله طبعاً بما إنك سويت ترصيص, وتأكدت من العكوس والأذرع
حتى أنا عندي الرجه هاذي :(
و رحت ورشة قالي ممكن يبغى لها ترصيص قلت له رصصتهم
قالي الترصيص في بعض السيارات لازم من الجهتين عشان تضبط
و أنا للحين ما جربت رصصتهم من الجهتين
اموت واعرف سبب الرجه بالدركسون انا عندى هالمشكله من اكثر من سنتين بس خلاص تاقلمت وتعودت عليها خلاص وماعاد تفرق هى كذا ولى كذا بتشوف الدركسون يرج من شوارعنا الراقيه
كانت عندي والحمد لله راحت
الحل ترصيص ارضي من محلات ممتازة ومعروفة
انا رصصتها عند ميزان العضيب شغل على كيفك
والحمد لله راحت
^^^^^
طيب الي سوا ترصيص ارضي وماراحت ارجه وش يسووي :(
كلامكم سليم سويت ترصيص ارضى زراحت الرجه ولاكن بين فتره وفتره ترجع اطنشها وهاذا الحل الوحيد لانو بصراحه عرفت شي وعلمتنى شي الحياه ان السعوديه ورشها كلها نصب بنصب
والسلام ختام
رحت عند واحد من المهندسين المتخصصين في هوندا في جدة
وشيك على السيارة لقى راس العكس اليمين مافيه شحم والجلدة حقتو ما هي مربوطة بسلك معدني وهذا كان مسبب الرجة
المهم فك العكس وشحم الراس وربط الجلد بسلك معدني وراحت المشكلة والحمدلله لكن برضو شكلي راح اسوي ترصيص ارضي
رغم اني سويت فحص للعكس وطلع هو المشكلة ورغم انو المهندس شحمو ورجعو تاني لكن يبدو لي ان المشكلة ما زالت قائمة وراس العكس اليمن اعتقد انو لازم ينغير
وش رأيكم يا شباب؟ اغيره ولا المشكلة مو من العكس؟
أنا أقول لك بتتعب مع الأكورد :(
بتغير أشياء ما لها داعي و في الأخير ما تضبط
عشان كذا اسحب عليها
و أنا عندي صوت مع الدعسه كأنه صوت تنسيم هواء
و ما بقى شي ما غيرته و خسرت فلوس على الفاضي ولا ضبطت :(
نصيحتي اسحب عليها :d
الله يعين ؛؛؛&
انا بعد عندي نفس المشكله على ال 120 و 130 رجه بالدركسون و بدلت التواير على الضمان و لا نفع مازالت الرجفه موجوده
و سيارتي من اول ما طلعتها من الوكاله و فيها الرجه
^^
التواير هي الكفرات
كان عندي رجه هبلت فيني ورصصت الكفرات 8765 مره :d
وكل واحد يقولي راس العكس والثاني يقول العكس يبيله تشحيم والثالث يقول لمبه الفرامل خربانه :d
المهم صارت المشكله من الجنوط الاماميه فيها عفط بسيط من داخل وخرطتها وتمام التمام الحين
* الخلاصه المشكله كانت تافهه بس اخذت وقت وجهد وفلوس واخرتها حلها بسيط بس غير ملاحظ
..
....
مواقع النشر (المفضلة)